اطفاء لمبه check engine في سيفيا وشوما
 

السلام عليكم
1- حط السياره على الجهاز(تكلفته 20 جنيه للمره)
2-اغلب الظن المشكله بتكون حساسات تالفه او فيشتها مفكوكه
3-حساس TPSسعره 120 جنبه جديد و50 استيراد
4-حساس الشكمان (او الاكسجين)ده غالي350 جديد و 150 استيراد وده هيوفر بنزين كتير بعد ما تغيره
5-ضفيره البوجيهات 100 جديده
شيل كبل البطاريه عشان ترست الكونترول ورجعه تاني

اعتقد اغلب العربيات المبه بتطفي بعد كده الا لو كان عندك مشكله ف الضفيره ممكن تحتاج كهربائي محترف شويه عشان يحلهالك

رد: اطفاء لمبه check engine في سيفيا وشوما
 

هل بعد فصل البطارية بتحتاج تعمل ايدل ليرن ؟

رد: اطفاء لمبه check engine في سيفيا وشوما
 

السلام عليكم
لا انت بعد ما تعالج المشكله بتفضل المبه منوره عشان العطل بيكون لسه متسجل فبتفصل كبل( +) وبتوصله بعد دقيقتين عشان تعمل reset للكنترول بتاع العربيه وتمسح الاعطال الي اتسجلت عليه ومش بتحتاج تعمل اي حاجه تاني
وبعض الاعطال مش بترضى تتمسح الا لو حطيتها على الجهاز ومسحتها بيه

رد: اطفاء لمبه check engine في سيفيا وشوما
 

السلام عليكم
هى اللمبه دى شكلها ايه

رد: اطفاء لمبه check engine في سيفيا وشوما
 

السلام عليكم
بتكون لونها اصفر وفي السيفيا بتكون في الركن اليسار السفلي في العدادات
المفروض انها بتنور وانت فاتح الكونتاكت وبتطفي لما تشغل المتور
بس في اغلب السيفيا والشوما بتفضل منوره عشان كده عملت الموضوع ده

رد: اطفاء لمبه check engine في سيفيا وشوما
 

الف شكرعلي المعلومات دي ولكن ممكن اعرف موقع حساس TPS في العربية وكمان بيتباع فين سواء كان جديد او مستعمل ؟ وكمان ما هو دوره في العربية ؟

سؤال تاني ضفيرة البوجيهات فين موقعها في ماتور العربية بالضبط وما هو دور الضفيرة هل ممكن لو في عطل فيها تخل اللمبة الصفراء تنور ؟

معلش انا تقلت عليك بالاسئلة بس انا عارف من ردودكم انك خبرة جيدة في السيفيا وانا خبرتي علي قدي اصلي لسه شاري العربية من شهر ومشكلتي انها بتاكل بنزين بتعمل في الصفيحه 160 كم في الصفيحه من غير تشغيل التكييف والكل بيقولي انها بتاكل بنزين كده.

رد: اطفاء لمبه check engine في سيفيا وشوما
 

السلام عليكم
بانسبه لاستفسارك عن TPSانا بجمع داتا كامله وانشاء الله هعمل موضوع هتكلم فيه عن اكثر الحساسات شيوعا في غالبه السيارتا وعلى راسهم TPS
بالنسبه لمكانه... امشي مع الكوتشه الكبيره الي واخده الهوا من العمه الفيبر للبوابه الاومينيوم هتلاقي على البوابه حساسين واحد كبير وده حساس الايدل (السلانسيه) وهتلاقي جنبه واحد مبطط كده هو ده TPS
ألبوجيهات... زمان العربيات كان فيها بوبينه بتكثف فولت البطاريه عشان يقدر البوجيه يعمل شراره . وكان فيه اسبراتير جواه ابلاتين بيوزع النبضات الكهربيه على البوجيهات وكان فيه اسلاك بتوصل النبضات ده للبوجيهات . الكلام ده اتغير دلوقتي وكل عربيه ليها نظامها.
بوجيهات السيفيا بتشتغل عن طريق ضفيره كهرباء طالع منها فيشتين كل فيشه راكبه في بوبينه وكل بوبينه بتغذي 2 بوجيه
والكلام ده هتشوفه بوضوح لو فكيت الغطا الاسود الي مكتوب عليه DOHC وبالمناسبه ده اختصار Double Over Head Cam
بس ارجوك متفكش الغطا ده وهو المتور سخن عشان لو ده حصل هتيجي تركب المسامير بعضها مش هيركب للاخر. وارجوك اكتر بعد ما ترفع الغطا اتفرج بعنيك وبس ومتمدش ايدك وتفك الضفيره او الموبينه عشان بيكونوناشفين جدا من السخونيه وبيروحو مكسورين فورا وعشان لو فكيتهم مش هتعرف تركبهم بالترتيب بسهوله