|
إزاى تعرف المصرى ؟
إزاي تعرف المصري؟ المصري هو اللّي - بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض يا ورد - بيحط الريموت كونترول في كيس بلاستيك كعادة فرعونية - يقف يتكلم على الباب نص ساعة بعد انتهاء الزيارة والسلام - لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد - ييجي بعد معاده بساعتين ويفتكر إن ده عادي - لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه - بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال - بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش - عنده صينية مكسرات متقسمة لتلات او أربع أقسام لزوم المزاج وعمره ما استخدمها - بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش - بيكون عنده شواية لزوم الرحلات أقصى استخدام لها كان مرة واحدة في العيد - بيشيل طابع البريد من على الظرف لو الختم ماكانش عليه - بيفتكر إن أي حد بيشتغل في الخليج بيغرف فلوس من غير حساب - بيكون مشغول بقيمة البقشيش طول العشا ياترى ربع جنيه ولا نص جنيه - برده بيتخانق ساعة دفع الحساب بحرارة شديدة على إنه هو اللي لازم يدفع - بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا - والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملايه |
رد: إزاى تعرف المصرى ؟
ههههههههههههههههههههههههه هههههههههههه حلو الموضوع دا
|
رد: إزاى تعرف المصرى ؟
ROSE4Uالسلام عليكم و رحمة الله و بركاتهROSE4U فعلا , الكلام ده صحيح و لو فكرنا , هنلاقى خصائص اكتر من كده كمان . MERCEDES S550 |
رد: إزاى تعرف المصرى ؟
المصرى ده حدوته وملوش مثيل فى العالم
1- أستاذ فى الفتاوى عن علم وبدون علم 2- لايوجد لديه ولاء ولا سناء ولاجهاد لبلده ....وأنما دائما متمسك بمبدأ أنا ومن بعدى الطوفان ( أى متمتع بسياسة حب الذات ) 3- كاره النجاح لقرينه من نفس المهنه ولا يتعامل داخل المنظومه المعينه من خلال منطق .....كلنا أيد واحده يابهجت ( كماورد بمدرسة المشاغبين ) ولكن حينما يرى نجاح الغير ( من نفس الفصيله ) تدب داخله نيران الغيره ويصير مثل الفرامل التى تحاول أيقاف مسير السياره _________________________ __ دول كده شوية ملاحظات وردت بخاطرى عن أخونا المصرى لحين طرح خواطر أخرى POLICEE |
رد: إزاى تعرف المصرى ؟
sa7 aweeeeeee
|
رد: إزاى تعرف المصرى ؟
تسلم ايدك يا استاذ نبيل دائما ممتعنا بمواضيعك
|
رد: إزاى تعرف المصرى ؟
على فكره
المواطن المصرى ظلم وتحول للشكل الذى نوهت أليه فى تعليقى السابق غصب عنه بسبب الظروف البيئيه التى تنتشر من حوله لأسباب كلنا عارفينها ولو وظف الأنسان المصرى بطريقه علميه صحيحه وليس بطريقة شعبان عبد الرحيم وأبو الليف لوجدنا مصرا غير مصر الحاليه لأن العقل المصرى من أفضل وأذكى العقول عالميا إن لم يكن أذكى وأفضل عقل فى العالم بأكمله ونظرا لأنه بيعتبر حاليا (طاقه مهدره ) فتحولت تلك الطاقه من سياسة الأنتاج والأبتكار من أجل النمو والأذدهار لبلدنا الحبيبه إلى سياسة (حب الذات ) مقرونه بمكسرات رمضانيه ( ألا وهى الحداقه والفهلوه ) |
| الساعة الآن 01:47 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017