محتار بجد
 

يا جماعة ارجوكوا انا محتار قوى بين فيرنا gls 2010 او شيفروليه لانوس 2010

من حيث الصاج والموتور مش قوته بتكلم عن كفاءته وتحمل العربية وكده والى عنده اى حاجة يقولها من فضلكم

ارجوكم بدون التحيز ولا حاجة الى يقول انهى افضل وافضل ليه والف شكر ليكم بس ياريت الاهتمام

رد: محتار بجد
 

الفيرنا افضل اللاتوس صاغها صعب كدا في السمكرة وبيفسخ لوحده وطبعا ماتور الفيرنا ميتقرنش باللانوس

رد: محتار بجد
 

اللانوس طبعا أحسن من الفيرنا بكتير صاج أقوى قوة أكثر شكل أحلى .

رد: محتار بجد
 

ايه ده بقي يعني واحد يقول الصاج بتاع الفيرنا احسن و المتور اقوي و المشاركه اللي بعدها علي طول يقول الانوس الصاج بتعها احسن و المتور اقوي(what)

هنهزر بقي ولا ايه ؟ ما تتكلموا بموضوعيه شويه ما يبقاش كل واحد متحيز للعربيه بتاعته ، اللي عامل المشاركه دي بيسأل عشان هوا عاوز يشتري و طلعان عينه في فلوس العربيه دي و بيسأل عشان هوه فعلا محتار فياريت نساعده يأخد القرار من غير ما يندم عليه.

رد: محتار بجد
 

اقول لك حاجه ومش تزعل

سيبك من الفيرنا والانوس شكلهم خلاص قدم وراحت عليهم خش فى لوجان انجلون ام 11 جاك بى كلاس

والله اعلم

رد: محتار بجد
 

شوف يا غالى ...

الفيرنا احسن ليه ؟؟

الفيرنا جديدة لكن الانوس بقالها حوالى 13 او 14 سنة يعنى شكلها قديم ..

الفيرنا شكلها احلى بكتير من الانوس ..

نيجى بقى للمهم :

من حيث الاعتمادية وقوة التحمل والصاج وتوفر قطع الغيار وسهولة الصيانة .. العربيتين زى بعض تقريبا وفى مستوى واحد ..

يفرق ان الفيرنا تصميم احدث وموتور اقوى واكفأ من الانوس ..

وعلشان كده ارشحلك الفيرنا ..

وخلينى افكرك برضه باللوجان واتمنى انك تدخلها فى المقارنة ..

لانها : تقفيل مغربى مش مصرى (جودة عالية) - اوبشنز اعلى (كمبيوتر رحلات واير باج وتعديل ارتفاع الفوانيس) - اوسع واريح بكتير من الفيرنا واللانوس - عفشة قوية - والاهم سعر منافس ..

وعلى فكرة انا مش متحيز للوجان لانها مش عربيتى اصلا انا عربيتى هيونداى لكن بقولك رأيى بمنتهى الصدق وعن تجربة وانت ليك القرار ..

وبالتوفيق يا كبير ...

رد: محتار بجد
 

هاجبلك من الاخر

شوف مين الى منتشر اكتر وهاته

معنى ان موديل منتشر اكتر = قطع غيار لازم تكون متوفرة ورخيصة = صيانه عند اكتر من مكان = اكيد كفاءتها بالنسبه لسعرها بتكون كويسة