ان شاء الله حاشترى اللوجان فى خلال اسبوع
 

السلام عليكم
ان شاء الله قررت اشترى اللوجن كاش فى خلال اسبوع من الان
المهم امبارح كنت فى مشوار فى القاهره وروحت لمحمد ذكى وشوفت العرببه الهاف اوبشن لانى حاكمل تمنها بالعافيه ومش حاقدر اجيب الفول وسالته على السعر 64500 ومش راضى ينزل مليم وفى الاخر قاللى حانزل تخفيض ليك علشان انت من خارج القاهره وحتصرف شوية مصاريف فى السفر وحعوضك عنها ومش عازعلك يعنى انا حاسس كده انت التخفيض حيكون حوالى 200 الى 300 جنيه ولو وصلوا 500 تبقى معجزه معاه

اما سمير ريان فالسعر بعد الفصال وصل 63500 فايه رايكم اجيبها من سمير ريان وهل هما ناس كويسين ولا اجيبها عندنا من الاسكندريه من المصريه بنفس سعر سمير ريان والفرق بين محمد زكى وسمير ريان افرش بيه صالون العربيه والارضيات جلد

رايكم ايه وياريت تدلونى على مكان كويس فى الالسكندريه لان مشوار مصر غلس بصراحه وفى نفس الوقت انا اولى باى مبلغ توفير اقدر اوفره لانى مكمل فلوس العربيه يادوب ده غير فلوس الترخيص لسه اللى مش عارف هى اد ايه
وايه الاماكن الكويسه فى فرش العربيه فى الاسكتدريه والقاهره وتكون بسعر كويس

رد: ان شاء الله حاشترى اللوجان فى خلال اسبوع
 

ألف مبروك مقدما و ربنا يباركلك ...... أنا آسف مش هأقدر أساعدك لأنى بعيد خالص عن الأسكندرية و مصر ..... إن شاء الله تستلمها و تبقى معاك 100 فل و تنضم لعصابة الرينو معانا

رد: ان شاء الله حاشترى اللوجان فى خلال اسبوع
 

شكرا ياباشا على تشريفك للموضوع

رد: ان شاء الله حاشترى اللوجان فى خلال اسبوع
 

مبروك يا باشا على اللوجان مقدماً ويا زين ما أخترت
تقدر تتصل على الرقم ده 16202 وتسئلهم على اللي أنت عايزه وهما هيجاوبوك بأذن الله

رد: ان شاء الله حاشترى اللوجان فى خلال اسبوع
 

شكرا ليك بس الرقم ده يدونى اسماء الموزعين المعتمدين فقط وهما موجودين على الموقع الرسمى ومفيش حد منعم فى الاسكندريه
انا عاوز معارض محترمه

رد: ان شاء الله حاشترى اللوجان فى خلال اسبوع
 

الف مبروك يباشا ع العربية وربنا يكرمك فيها ويملهاللك بركة ويديك خيرها ويكفيك شرها انا راى انك تدخل من عندكم المصرية قلى الاسكندرية احسن لان الوكيل طبعا افضل بكتير وسمعت ان بعض المحلات سمعت انها بتاخد حاجات من العربية فبالتالى بترخص العربية وتفهمك انها عاملة معاك واجب واتمنى ربنا يكرمك وبعد لما تشترى تقول رايك فيها اية لانى بامر اللة ناوى على الشراء بس فول اوبشنROSE4UGIFT4U

رد: ان شاء الله حاشترى اللوجان فى خلال اسبوع
 

ربنا يتتم على خير وتتمتع بيها قوى قوى ، ومن الافضل الشراء من المصرية فى الاسكندرية عشان لو ظهرت لا قدر الله حاجة يبقى بسهولة تروح لهم وربنا يوفق