عايز اعمل صيانة لتكييف الاكسارا
 

انا التكييف عندى مش بطال كويس لكن فى ناس بتقولى لازم تعمله صيانة دورية وكمان هو بيطلع ريحة اول ما اشغله، وفى ناس بتقولى طالما شغال ما تروحش لبتاع تكييف علشان ما يعملش شغلانة انتوا ايه رايكوا واروح لمين

رد: عايز اعمل صيانة لتكييف الاكسارا
 

اخى الكريم فى الرابط التالى هتلاقى ملف مجمع خاص بمراكز الصيانة والمتخصصين حسنة السمعه
http://www.masrmotors.com/vb/showthread.php?t=24239
وبالنسبه للريحه ممكن يكون الفلتر عايز يتنضف او يتغير.

رد: عايز اعمل صيانة لتكييف الاكسارا
 

شكرا يا باشا لكن انت ترشح حد معين اتعاملت معاه

رد: عايز اعمل صيانة لتكييف الاكسارا
 

اخي الغالي ابو كمال ليش ما تريح راسكSLEEEP
و تسمع كلامي..(ص)
اذا كان يعمل و الهواء خف او ريحه او ما يعمل.
فقط عليك بتغير الفلتر الموجود تحت الشنطه الاماميه حتلاقيه كله اوساخ و اتربه.
و اغسل الردياتر الامامي بتاع المكيف بالماء فقط
و بعدها شوف الفرق.
وفر على نفسك فلوس.
تحياتي
http://www.aepdirect.com/components/...duct/LA153.jpg

رد: عايز اعمل صيانة لتكييف الاكسارا
 

لقد قمت بعمل موضوع خاص عن كيفية تغيير فلتر التكييف ليساعدك واليك رابط الموضوع
http://www.masrmotors.com/vb/showthread.php?t=37058

رد: عايز اعمل صيانة لتكييف الاكسارا
 

لو التكييف بيطلع ريحة وحشة الحل بسيط جدا و هو انك تروح تشترى اسبراى خاص اسمة اسبراى معقم التكييف و تفضى العربية من اى حاجة فيها اكل و شرب و تشغل العربية مع مراعاة انك تكون مشغل التكييف مع نظام الهواء اللى بيلف جوة العربية مش اللى بيجيب من برة و تكون قافل ابواب و زجاج العربية بإحكام و تحط الاسبراى فى الدواسة اللى عند الكرسى اللى جنب السائق و خلى الاسبراى يرش بدون انقطاع لحد ما يخلص فى اتجاة الفتحة اللى بيطلع منها الهوا عند الرجلين و تكون لابس كمامة ... الاسبراى دة بيلف مع دورة التبريد و بيقتل كل البكتريا المسببة للروائح الكريهة و ممنوع التدخين فى العربية لمدة يومين و بعد كدة هتحس ان ريحة العربية عاملة زى ريحة غرف العمليات لكن الريحة دى هتروح بعد يومين و غير فلتر الهواء اللى داخل للكابينة

رد: عايز اعمل صيانة لتكييف الاكسارا
 

ملحوظة رفيعة .. خلى سرعة الهوا اللى جوة العربية على البطيئ يعنى رقم 1 عشان لو السرعة عالية الهوا هيدفع رزاز الاسبراى للخلف و مش هيعدى و خلى كل فتحات الهوا الداخلية مفتوحة