حيرة فظيعة بسبب صيانة ال 113
 

طبعا زى ما الاغلبية منكم عرفت انى جبت الحمد لله اسبرانزا 113 ، و كنت بسأل على مركز صيانة اعمل فيه صيانة الالف فى منطقة جسر السويس ، فحضراتكم رشحتوا ليا مركز تكنوسيرفس 2 و ذكرتوا انه افضل من تكنوسيرفس العادى ، و طبعا بعد رأى الاغلبية قررت انى اروح اعمل فيه صيانة الالف .
اللى حصل انى النهاردة كنت مع واحد صاحبى ساكن جنبى و معاه اسبيرانزا تيجو 2010 عامل بيها 10000 كيلو و راح هناك عمل صيانة الالف و الخمسة و العشرة الالاف راح عملها فى ابورواش . فقولت ليه انى رايح اعمل الصيانة عندهم قالى اوعى تروح عندهم و قعد يحذرنى جامد جدا ، قولت له ليه يعنى ؟ قالى انهم بياخدوا السُرة بتاعة الكاوتش اللى بتغطى مسامير العجل ، و ممكن يغيروا قطع غيار اصلية و سليمة 100% و يبدلوها بحاجات مستهلكة و اى كلام ، و ممكن الموضوع ده يعملوه فى كشافات او انوار ، و اى سيديهات فى العربية بياخدوها هى و وصلة الusb.
و قالى انهم بياخدوا يلفوا بالعربية فى الشارع و يخمسوا بيها و طبعا ده بحجة انهم بيجربوها ، و قالى ان ده حصل فعلا قدامه فى عربية ام 11 . ده غير ان ممنوع انى اقف معاهم و هما بيعملوا الصيانة .444546
ارجوكم قولولى اعمل ايه ؟ لانى فعلا فى حيرة فظيعةايه ياترى ، و صعب عليا اطلع ابورواش لانه فعلا بعيد عليا و ممكن اتوه هناك ، ده غير انى ساكن قريب من تكنوسيرفس ده . و من ناحية تانية مش عايز العربية اللى دفعت فيها دم قلبى ، شوية ناس معندهاش ضمير يخربوهالى .
عايز اعرف فعلا منكم و من اللى مجرب المركز ده هل هو فعلا كويس ، و يمكن صاحبى ده بالغ فى الكلام ، ولا عنده حق و بيلعبوا فى العربيات .
ارجوكم دلونى على الصح ، لان العربية قربت تعمل 1000 كيلو و عايز احجز بسرعة . و هل لو روحت ابورواش حيبقوا اضمن من مركز تكنوسيرفس ده ولا العملية متساوية .
مستنى رأيكم و لكم منى جزيل الشكر ؛؛

رد: حيرة فظيعة بسبب صيانة ال 113
 

انا اول مره اسمع الكلام ده عن المركز اكيد فى حاجه غريبه فى الموضوع
بصراحة مركز تكنوسيرفس 2 احسن مليون مره من ابو رواش
مركز ابو رواش بيهودك فى المشاكل الى انت بتقول عليها وهيقولك هنعملها ومبيعملوش اي حاجه ولو حبيت تروح مركز تانى غير تكنوسيرفس 2 روح الصحرواى احسن من ابو رواش

وطبعا الاختيار لحضرتك

رد: حيرة فظيعة بسبب صيانة ال 113
 

شوف انا معرفش الكلام ده صحيح ولا لاء بس غير منطقى بالمرة مركز خدمة مشهور يعرض سمعته للخطر عشان صرة ايه وبتاع ايه انا نفسى لم استلم العربية بالصرة وهى على فكرة ب20 جنية وازاى يفكوا قطاع الغيار ويركبوا ايه ياعم هو احنا فين وازاى كده لا اعتقد ان الكلام يدخل دماغى او اى حد تانى لو خايف يبقى ابو الفتوح الى فى العباسية بس لازم تروح قبل 8 ص ومايكونش سبت او احد وهو زى ابو رواش بالضبط والعربية هتدخل الورشة ربع ساعة تغيير زيت وربط عفشة لو طولت يبقى بيفكو الدريكسيون عشان فى عربية تانية محتاجاه وهيحوطوا بدالوه جدون عجله يا راجل خاليك واعى

رد: حيرة فظيعة بسبب صيانة ال 113
 

انا طبعا متشكر جدا ليكوا على الرد .
و الله انا زيكوا الكلام فى الاول مادخلش دماغى ، بس صاحبى ده اكد لى جامد و كمان ورانى صُرة العجل اللى متاخدة ، و بعض الحاجات اللى كان حاططها فى الشنطة .
سؤال تانى و ياريت من حضراتكوا تجاوبونى عليه : هل ممكن و انا بغير الزيت عندهم و بحط زيت 10000 كيلو ، يقولولى انهم غيروا الزيت العشرة الالاف ده و هما ممكن يكونوا حاطين زيت 3000 او 5000 كيلو ؟؟ طبعا لانى ممنوع اقف معاهم و بالتالى انا ما اضمنش هما ممكن يعملوا ايه . انتوا ايه رأيكوا ممكن فعلا حد يعمل حاجة زى دى ؟
معلش ياجماعة استحملونى شوية انا عارف انها اسئلة غريبة ، بس اعمل ايه بصراحة انا بعمل صيانة عربيتى الهيونداى من 4 سنين عند غبور و بصراحة هما هناك ناس محترمة اوى و قطعة الغيار اللى بيغيرها بيوريهالك قبل ما يحطها و بتقف كمان على ايد الصنايعى و هو بيغيرها او بيحط زيت ، فانا يمكن اخدت على الموضوع ده و حاسس انى لو ماوقفتش على ايديهم ممكن مايعملوش اللى انا عاوزه فى العربية او يضحكوا عليا فى قطعة غيار .
ياريت حد يجاوبنى فى الموضوع ده ، و هل لو سبت العربية ممكن فعلا مايعملوش اللى انا عاوزه .
مستنى لردكم و متشكر جدا لكل اللى ردوا عليا ، و لو انتوا طمنتونى من الموضوع ده خلاص اتكل على الله و اروح اعمل الصيانة عندهم .

رد: حيرة فظيعة بسبب صيانة ال 113
 

حلوة حكاية انهم يفكو الدريكسون ويحطوا بدالوه جدون عجلة ديه

بس ازاى انت مستلمتش الصرة مع العربيه انت المفروض بتسلم كل حاجه مع العربيه

هيا العربيه بتاعت حضرتك فى المقطم

رد: حيرة فظيعة بسبب صيانة ال 113
 

انت لازم قبل ما تودى العربيه اي مركز لازم تبقى واثق فيه ومتقلقش من حكاية انهم يحطوا زيت 3000 او 5000 بدل 10000 وعلى فكره مفيش حدد اشتكى من الحكايه ديه

رد: حيرة فظيعة بسبب صيانة ال 113