ياشباب عاوز رأيكم
 

انا عاوز رأيكم في العربيه سان ينج موسو لاني بفكر اشتريها و اي معلومات عنها و شكرا

رد: ياشباب عاوز رأيكم
 

رد: ياشباب عاوز رأيكم
 

ايه ده ،،

كده يا د / أحمد تفكر في حاجة من غير ما تاخد رأيي ؟؟؟

عموما سانج يونج شركة كورية ليها شراكة مع مرسيدس

ده الويب سايت بتاعها

http://www.smotor.com/en/index.jsp

و دي صفحة الموسو من اليكييبديا

http://en.wikipedia.org/wiki/SsangYong_Musso

و الويب سايت بتاعها

http://www.smotor.com/en/showroom/musso/main.jsp

الغريب انهم كاتبين ان الموسو انتاجها توقف من 2005

و بقه ليها موديل جديد ،، اسمه Actyon


التوكيل بتاعها هوا توكيل سيات ،، اس ام جي تقريبا

و انا فاكر اني شفت الموسو عندهم مش عارف علي اساس ايه كاتبين علي النت ان انتاجها توقف

و ممكن تسأل كريم كريتونكس عليها كان عندهم واحدة

بس انا رأيي الشخصي انتا عايز تجيب عربية اس يو في ليه ؟؟

و لا انتا هتطلع الجبل و لا هتشتغل في الصحرا

مش معقول تجيبها عشان تعدي مطب قدام كارفور

خليك يا عم في حاجة سيدان صالوناتها بتكون اشيك و ركوبها اريح و ثباتها احسن

رد: ياشباب عاوز رأيكم
 

الموسو فعلا ياباشا انتاجها توقف و نزلت الاكتيون اللى فيها شبه شوية من البى إم X6

فا منصحكش يا باشا انك تشترى عربية انتاجها توقف ,,, لأنك هتتعب قوى عشان تجيب قطع الغيار

و فيه عربية دفع رباعى من انتاج نفس الشركة اسمها ريكستونو دى افخم من الاكتيون

وعلى فكرة سانج يونج بتعمل عربيات صالون كمان مش بس دفع رباعى

رد: ياشباب عاوز رأيكم
 

و انا اقدر يا باش مهندس احمد انت حبيبي
و الله انا فكرت فيها لاني قارنتها بالبسات الجديده بالنسبه لكل حاجه بما فيهم السعر
الي خلاني افكر فيها برضه شوارع دمياط الي زي الزفت غير اني بسافر كتير اسبوعيا فاكنت مفكر انها تكسب البسات الجديده في كده و متور المرسيدس لا يعلى عليه متور محترم و الماني
طبعا انا سالت عليها قالولي انها تعمل 300 كيلو في صفيحه الجاز طبعا واو
الف شكر ليكوا يا جماعه و اي معلومات زياده يا ريت حد يقولي

رد: ياشباب عاوز رأيكم
 

السلام عليكم..
انت بتقول علشان تناسب شوارع دمياط , انا مش شايف انها وحشه
وكمان العربيات ال suv مش مريحه بالدرجه الكافيه والعربيه فى حدود 240 الف يعنى مش حاجه سهله وكمان مفيش ليها قطع غيار فى دمياط علشان دمياط لها مفيش فيها الا عربيتن موسو
ولو مصمصم اوى على ال suv اعتقد ان النيسان اكس تريل افضل وبنفس السعر وكمان مش موجوده فى دمياط( لو انت بتبص على التميز)
وربنا يوفقك.

رد: ياشباب عاوز رأيكم
 

انت يا بورتو من دمياط
مش ببص على التميز انا ببص على الاستحمال و التوفير مش اكتر
الاكس تريل 2500 سي سي بنزين يعني خراب بيوت مستعجل