|
اال 128 بتسخن بسرعه
السلام للكل هدخل في الموضوع علطول انا عندي 128 جايبها من مده بس ملاحظ ان العربيه بتسخن بسرعه و مره المؤشر كان قرب يوصل للمنقطه الحمره و المروحه مشتغلتش الا لما لما قربت خالص من المؤشر الأحمر بعدين شغلتها الصبح سخنت لحد النص و المروحه اشتغلت عادي ؟؟؟؟؟؟؟؟ بصراحه المشكله دي مجنناني |
رد: اال 128 بتسخن بسرعه
كده ممكن الترموستات بيخرف ما خلاش المروحه اشتغلت اتاكد من حاجه تانيه ان المروحه مابتعلقش ممكن الترموستات سليم وسلك المروحه بيعلق عموما هي حاجه بسيطه
|
رد: اال 128 بتسخن بسرعه
اشكر حضرتك اولا للرد
بصراحه انا مش عارف انا انهارده الصبح نزلت اشوف ايه النظام لقيتها سخنت بسرعه بس لما المؤشر وصل للنص المروحه اشتغلت عادي بس الحراره فضلت زي مهي بس هي شكلها فعلا ترموستات لكن ياتري اغيرها لنوع ايه و بكام سؤال اخر معلش : هل العربيه المفروض تسخن بسرعه كده ؟ |
رد: اال 128 بتسخن بسرعه
شوف صباع الحرارة اللي بيركب فيه الماتور ليكون اتحرق وبيهيس وبردك بص علي السرموستات
|
رد: اال 128 بتسخن بسرعه
بس ياباشا انا كان عندى نفس المشكله فى شهر اغسطس اللى فات ورحت لواحد ميكانيكى محترم وقاللى ده عيب ترموستات وقاللى هات ترموستات واطى لفيت السوق كله ملقتهاش لانها نادره فى السوق نظرا لكثرة الطلب عليها ؛ المهم جاب واحده من عنده اسبانى ورقمها 62 /82 ومن ساعتها العربيه اتظبطت بمعنى اول مؤشر الحراره لمل يوصل للنص تبتدى المروحه تشتغل لمده من 5 / 10 دقائق وبعدين تفصل حتى لو ماشى بالعربية ولما الحرارة ترتفع تانى للنص تتكرر نفس الموضوع - وبالتالى حضرتك هاتدور على اترموستات دى وعى نوعها اسبانى وخلى بالك من الرقم اللى عليها بمعنى لايكون اقل من 62 --- وربنا الموفق
|
رد: اال 128 بتسخن بسرعه
طبعا اطمن على كل حاجة زي ما الإخوة قالوا:
اطمن على الترموستات، وعلى صباع الحرارة، وعلى المروحة. واطمن إن الرادياتير سليم، ومفيش أي تنقيط منه أو من خرطوم التوصيل منه للموتور. وبعد ده كله اعمل زرار مباشر للمروحة من التابلوه، بحيث لو الترموستات هيس تاني تشغل إنت المروحة بإيدك، و ما تستناش لحد لما الحرارة تزيد، أو ما الحرارة تبدأ تعلى شغل المروحة، وبعدين اطفيها، وما تعتمدش على الترموستات، وشكرا ليك |
رد: اال 128 بتسخن بسرعه
شكرا لردودكم
انا امس رحت غيرت زيت العربيه و نوعه اسو 1000 كيلو و غيرت فلتر الزيت و البنزين و رحت للكهربائي علشان اشوف حكايه المروحه و جبت ترموستات 80 - 62 تقريبا المهم بص علي الترموستات قال كان فيها حاجه معلقه و اتظبطط و مش محتاجه الترموستات الجديده المشكله دلوقتي ان الحراره لسه بتعلي بسرعه بس المروحه دلوقتي بقت بتشتغل لما المؤشر يجي في النص بالظبط و تفضل شغاله لحد اما اروح و ده معناه ان الحراره مش بتنزل لكنها ثابته علي النص ياتري اروح انضف الريدياتير و لا اعمل ايه ملحوظه : انا حاسس ان الشكمان صوته عالي اقصد ان قوه خروج العادم قويه ياتري هل ده عادي |
| الساعة الآن 12:41 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017