|
لو سمحتو عايز حد بيفهم .. عايز اركب سماعتين فى عربية لانوس . Plz Help
السلام عليكم ورحمه الله وبركاتة
انا محتاج بس مساعدة بسيطة .. بس من حد يكون فاهم انا معايا عربية لانوس 99 ونفسي اسمع فيها صوت حلو ...... الكاسيت اللى حاليا راكب فى العربية Clarion ARX5370 اشتريت العربية بية دي صورتو http://c.rimg.com.tw/s2/a/a3/1c/2100...3884_330_m.jpg مكتوب علية تحت الموديل HIGH POWER 30W*4 طبعا انا عارف الكاسيت قديم موت بس بشغل الـFM Modulator علية بيقي تمام قوي بس الصوت بيقى عادي ولما بعلي الصوت على الاخر بحس انو بردو مش عالي قوي هل لو اشتريت سماعتين ورا 300 او 400 وات ورا حتعمل فرق ( ولا الكاسيت ضعيف اصلا ) والفرق حيبقى جامد ولا مفيش انا حاليا فى استطاعتي اني اشتري سماعتين كويسين انما اني اشتري كاسيت صعب هل لما اشتري السماعتين اللى قولت عليهم واشغلتهم حيبقو تمام لغاية ما ربنا يفرجها واجيب كاست نضيف .. ولا انتو اية رأيكو معلش ساعدوني عشان انا مبفهمش جامد فى الموضوع دا وقولت انت تفهموني ولو حد ينصحني بسماعات يقولي مواصفتها عشان اشتريها ROSE4U |
رد: لو سمحتو عايز حد بيفهم .. عايز اركب سماعتين فى عربية لانوس . Plz Help
هات سماعتين سوني 400 وات بيضاوي تقريبا ب 250 ج صوتهم جامد
|
رد: لو سمحتو عايز حد بيفهم .. عايز اركب سماعتين فى عربية لانوس . Plz Help
اقتباس:
وفى انتظار اراء باقي الاعضاء صورة الكاسيت مش عارف مش ظاهرة فوق لية http://img827.imageshack.us/img827/2...593884330m.jpg |
رد: لو سمحتو عايز حد بيفهم .. عايز اركب سماعتين فى عربية لانوس . Plz Help
عايز الحق, الكاسيت تعبان ملة, اللانوس 2 بتنزل بكاسيت كلاريون برضه تقريبا 60 وات×4 , والسماعات اللى العضو أقترحهم حوالى 60 أو 70 وات فعليا, الكاسيت بتاعك ميقومهمش كويس, أنا مركب طقم كينوود ب210 منهم على الكاسيت المذكور أعلاه وشغالين تمام.
هتلاحظ فرق بعد تركيب السماعات فى جودة الصوت, ولو السماعات القديمة بتيجى على الأخر وتخروش بقى هتلاحظ فرق فى أرتفاع الصوت (الخروشة لأن السماعات القديمة أقل من الكاسيت فى القدرة). بس الفرق مشابه لماسورة مياه بيمشى جواها ضغط معين, لو كبرت الماسورة والضغط هو هو أنت ما أستفدتش حاجة فعليا. ممكن تصبر نفسك بجوز سماعات صينى 30 أو 35 وات (الرقم ده أسمه الأر أم أس RMS وهو اللى بيحدد القدرة الفعلية للسماعة) وهيدوك صوت مش بطال بحوالى 60 جنيه, ولو الراجل عمل بهلوان أسأله على الأر أم أس بتاعها أو حاول تقراه من على العلبة, وهات سماعات فى حدود قدرة الكاسيت أو أكبر. وممكن تغير الكاسيت بواحد مقدرته أعلى وتجيب طقم سماعات فى حدود قدرة الكاسيت الجديد, أو تركب جى أم (أمبليفاير) على الكاسيت القديم وطقم سماعات قوى وده هيديك صوت خيالى بس بسعر عالى. بس خلى بالك من حاجة مهمة أوى, الفتحات بتاعة السماعات اللى فى اللانوس مدورة مش بيضاوية, بمعنى لو جبت سماعات بيضاوى ياهتضطر تركب قواعد ليهم أو تقطع فى الصاج علشان تركبهم. |
رد: لو سمحتو عايز حد بيفهم .. عايز اركب سماعتين فى عربية لانوس . Plz Help
بص يا باشا ...
انت تجيب سماعتين بايونير 400 وات وتركبهم فى العربيى على الكاسيت بتاعك وهيدولك صوت ممتاز ... ولما امكانياتك تسمع تقوم جايب لهم كاسيت محترم (يفضل بايونير او كينوود) وتركبه وهيفرق معاك جامد .. وعلى فكرة ممكن تجيب سماعات بايونير للابواب برضه مع اللى ورا .. سعر السماعات البايونير 400 وات 300 جنية ... ولو مش نافع تركب على الكوبستة بتاعتك حلها بسيط تجيب لها قواعد بلاستيك وتركبها عليها او تعمل كوبيسته جديدة ... |
رد: لو سمحتو عايز حد بيفهم .. عايز اركب سماعتين فى عربية لانوس . Plz Help
اقتباس:
أتفق مع رأى حضرتك فى السماعات, بس الكاسيت ضعيف أصلا, السماعات الجديدة هتبقى أحسن فى جودة الصوت وأنضف, بس هتفقد نص قدرتها تقريبا لو فضل معاه الكاسيت القديم. |
رد: لو سمحتو عايز حد بيفهم .. عايز اركب سماعتين فى عربية لانوس . Plz Help
اقتباس:
طبعاً انا اول مرة اخد بالى وافهم ال RMS اللى انت شرحتو بس انا مش عايز اشتري سماعات صيني وارميها انا مع رأيك الاول فى اني اشتري كاسيت جديد على سماعتين تمام اسمع صوت تمام عايزك بقى تنصحني بكاسيت يكون سعرو معقول ونضيف (واية رأيك فى المستعمل) بجد انت ردك شامل كل حاجة كنت عايزها توضح Thanx Injection اقتباس:
اقتباس:
ان شاء الله حبقى اركب قواعد بدل ما نقطع فى الصاج |
| الساعة الآن 10:50 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017