مقارنة 128 او لادا سمارة
 

اتمنى حد يقارن بين 128 او لادا سمارة لانى قدامى الاتنين وعايز اشترى
مقارنة من ناحية
السفر استهلاك البنزين قطع الغيار اعادة البيع والراحة ياريت فى اسرع وقت

رد: مقارنة 128 او لادا سمارة
 

السمارة سيارة درجة حرارتها لا تتعدى خمسين علشان مش على ردياتير على مروحة ثرموستات
من حيث الراحة والرفاهية السمارة تكتسح 128 من حيث البنزين السمارة لو كاربيراتيرها مظبوط بيعمل من 180 الى 250 كيلو على حسب نوع البنزين والسير داخل البلد ام طريق سريع
اثناء السفر السمارة تكسب علشان موتور 1500 سي سي بقوة 65 حصان وعربية ثابتة على الطريقوسيارة عائلية بجد

رد: مقارنة 128 او لادا سمارة
 

اللى عايز بجد يسأل اى سؤال عن لادا سمارة يتصل ب أ / تامر الليثى 0113330132
بجد الراجل ده فادنى كتير جدا وهو اللى نصحنى اشترى العربية ومن يوم ما اشتريتها وانا برجعله قبل اى خطوة بعملها وعمره ما بخل عليا بالرد

رد: مقارنة 128 او لادا سمارة
 

بصاحة انا ماركبش حاجة من الاتنين ومش معنى كده انهموحشين لكن ده اى شخصى لان الفئة السعية دى فيها ختياات كتير افضل

رد: مقارنة 128 او لادا سمارة
 

رد: مقارنة 128 او لادا سمارة
 

الكلام دا مظبوط جدا . اللادا سمارا عربيه حلوه جدا بس مش منتشره ودا بيأثر على سوقها وسوق قطع الغيار . اما ال 128 . عربيه منتشره وقطع غيارها عند بتاع الخضار كمان . وكل الناس بتعرف تصلحها حتى صاحبها . ( كل دى تعبيرات مجازيه طبعا ) بس مش اريح وانعم من السمارا .
قارن انت مع نفسك وقرر .

رد: مقارنة 128 او لادا سمارة
 

أنا استخرت ربنا انه يوفقني في عربية كويسة ودورت كتييييير وبعدين بتوفيق من ربنا اشتريت لادا سمارة 1300 مو 1988
والحمد لله لاقيتها عربية ممتازة وأصيلة وكمان متينه ومريحة في سواقتها جدا والدريكسيون ناعم والميكانيكية بيفهمو فيها يعني سهلة في تصليحها وكمان قطع غيارها متوفرة جدا في أماكن كتيرة بالقاهرة مثلا شارع دمشق بمصر الجديدة وعند سيد نصار وغيرة بسوق التوفيقية وعند حمدي لادا بجميع فروعة بمصر وأسعار قطع غيارها رخيصة ومناسبة جدا..
وده توفيق من ربنا علي والحمد لله اني وفقت ليها
وأنا بأنصح اللى عاوز يشتري يتوكل علي الله ويشتريها بس أهم حاجة تكون أساسيتها سليمة.