ارجوكم افيدونى لانوس ولا نيو أكسنت
 

السلام عليكم
اعرفكم بنفسى محمد من الفيوم من شهر أنا محتار بين اللانوس (69500) بين النيو أكسنت (82500) هل الفرق فى السعر يستاهل المزايا اريد مقارنة وافية بين نقاط القة الضعف فى العربيتين

رد: ارجوكم افيدونى لانوس ولا نيو أكسنت
 

مع انى معايا لانوس بس كنت ناوى ادخل و اقولك مينفعش المقارنة بس لما لقيتك بتقول الفرق يستاهل ؟
كده يبقى ردى حيختلف
طبعا كمقارنة اداء حيبقى لصالح النيواكسنت بس انا عن نفسى لو الزمن رجع بيا لورا برضه حشترى لانوس لاسباب تتعلق بشخصى انا زى
1- قطع غيارها رخيصة و متوفرة
2- غير مجبر على التعامل مع التوكيل لانها اصبحت سيارة شعبية
3- فيها معظم الكماليات الهامة بسعر مغرى
4- اعتمادية عالية
5- امكانياتى المادية تخلينى اقدر احافظ عليها
مما لا شك فيه لو كانت امكانياتى المادية اعلى كنت حافضل النيو اكسنت و قصدى بالامكانيات المادية مش فلوس تمن العربية بس لأ كمان مصاريف تشغيلها و صيانتها

رد: ارجوكم افيدونى لانوس ولا نيو أكسنت
 

مجرد احساس موش اكتر خليك في الانوس

رد: ارجوكم افيدونى لانوس ولا نيو أكسنت
 

اللانوس افضل بكتير من الاكسنت لانها اوسع من الاكسنت وقطع الغيار اوفر من الاكسنت

رد: ارجوكم افيدونى لانوس ولا نيو أكسنت
 

لو كانت الامكانيات الماديه كويسه وهتقدر تصرف على العربيه ليه متفكرش تجيب
C4 موديل مثلا 2007 وهيبقى سعرها فى نفس حدود اللانوس ويمكن اقل مع الفارق الشاسع فى الامكانيات والتقفيل والخامات والثبات.
ودى بعض الصور ليها من الداخل من مشاركه اخى محمود من القدس
http://citroen.c4.free.fr/C4_INSIDE/C4_IN_01.jpg

http://citroen.c4.free.fr/C4_INSIDE/C4_IN_02.jpg

رد: ارجوكم افيدونى لانوس ولا نيو أكسنت
 

بص يا باشا انا كان عندي واحد صاحبي مزنوق ف نفس الموقف من كام شهر ولفينا وسالنا له اصحاب الخبرات + تجار وملاك هيونداي ودايو اجمعو ان النيو اكسنت فيهاالباور بيقولو كهربا فصعب ف تصليحه وغالي جدا مقارنة باللانوس + فرق سعر + قطع غيار اكسنت اغلى شويه و كمان نقطه لصالح اللانوس كانت سهولة اعادة البيع ف اي وقت الله لايقدر لاي ظرف يستدعي بيع العربيه وفعلا اشترى لانوس من اول السنه ومريحاه جدا ومبسوط بيها اوي ربنا يحفظهاله يارب

رد: ارجوكم افيدونى لانوس ولا نيو أكسنت
 

تصحيح لى معلومة بعد اذن حضرتك البور فى النيو اكسنت كان بينزل فى موديلات الاول وبعد كدا اتعدل وبقى كهرباء على زيت وبقى زى اى بور فى اى عربية
تانى حاجه اعادة البيع لصالح الهيونداى فى اى سوق لو نزلت تتفرج حتلاقى الهيونداى الناس عليها زى النمل
وخصوصا ان مفيش حد دلوقتى بيفكر فى اللانوس بعد ما شركة دايو فلست وباعت نفسها لى منصور شفرولية
وكل الناس عارفة ان التوكيل دة مش كويس وقطع غيار الاكسنت كانت غالية اول منزلت
عشان عربية كورى من الاول لحد الاخر
متقفلة هناك لاكن دلوقتى قطع الغيار بتتعمل هنا وسعرها بقى عادى جدا
وكفاية ان النيو اكسنت عربية متقفلة كلها فى كوريا بالكامل عربية مستوردة بمعنى اصح مفيش حد عمل فيها اى حاجة جوهربية زى التقفيل و الموتور والكلام دة
وكفاية فرق التكنولجية الى مستخدمة فى موتور النيو اكسنت
وكفاية التقفيل النضيف الشيك الى فى النيو اكسنت
مش متقفلة هنا وتلاقى العربية متبهدلة اخر بهدلة
وكفاية الشكل الجديد مش افضل اعمل نفس العربية 10 سنين بنفس الشكل اية الملل دة
مفيش ياحبى مقارنة بينهم اصلا
لائن النيو اكسنت بتتقارن بالاوبترا والجين 2