فولفو 240 او 244
 

يا جماعة انا عاوز اغير العربية اللى معايا ونفسى اركب فولفو خصوصا ان العربيات دى سعرها معتدل جدا فلوس كتيرمش عارف ليه
يمكن علشان مافيش طلب كتير عليها عموما انا اعرف ان قطع غيارها معمرة جدا والعربية نفسها قوية جدا كموتور وصلبة كجسم خارجى
طيب انا مش عارف ايه الفروق بين موديلات 240 و 244 سواء فى الشكل الخارجى او التجهيزات وايهما افضل
انا عاجبنى جدا شكلها الخارجى طبعا دى اذواق لان فيه ناس مش بتطيقILIL الشكل الصندوقى بتاعها
تنصحوا اركب 240 واللا 244 وليه
طيب انا قدامى واحدة 240 اتوماتيك واللا بلاشPOLICEE خلينا مانيوال احسن
انا محتار وياريت الاقى اجابات لانى ماتعاملتش مع الفولفو قبل كده

رد: فولفو 240 او 244
 

ايه يارجالة الفولفو
مافيش حد بيرد عليا ليه (what)




تحياتى للجميع

رد: فولفو 240 او 244
 

انتو فين يا رجالة الفولفو
ايه الفرق بين 240 و244
فى الشكل والامكانيات
يا ريت حد يرد عليا




تحياتى للجميع

رد: فولفو 240 او 244
 

الفولفو احسن عربية 240او244لو عوز عربية كلمنى 0105547665

رد: فولفو 240 او 244
 

ال240 وال244 مش هتلاقى اى فروقات جوهريه كل مافيها ان فولفو انتجت لعدة اسواق وكل سوق اتنجتله بالمواصفات الخاصه بيه زى كندا وامريكا ونيوزيلانده واوروبا بصفه عامه بالنسبه للفتيس اوتوماتيك او مانيوال ده بيتغير فى نفس اليوم بمنتهى السهوله لان العربيات دى كلها مسامير مش لحامات وسعر الفتيس كله 450 جنيه مش حاجه وانا امتلك واحده 244 وانصحك بيها

رد: فولفو 240 او 244
 

ياباشا ربنا يبارك لك فيها
بس اعرف من كده ان العربيتين زى بعض او الفروق بسيطة
طيب الموتور هو نفس الموتور واللا فيه اختلافات
450 ده طبعا سعر الفتيس المانيوال طيب حضرتك تعرف سعر الفتيس الاوتوماتيك كام
مع خالص الشكر لحضرتك




تحياتى للجميع

رد: فولفو 240 او 244
 

السلام عليكم:
لا توجد فروق جوهرية بين 240 و 244 لكن تعرفها من شكل الفانوس الخلفي وبعض الفروق في التابلوه وأحيانا من شكل الشبكة الأمامية، وعلى أي حال أي فولفو 200 رائعة.
يوجد منها 2 سعة للمحرك 2000 (1998) أو 2300 (2325) ولا يوجد فرق كبير في استهلاك البنزين بين المحركين لكن الفرق الحقيقي بين المحرك ذو الكربيراتير أو الرشاشات.
جميع محركات الفولفو سلسلة 200 أو 700 أو 900 (240 - 244 - 740 - 760 - 940) تركب مكان بعضها بشكل طبيعي تماما بدون أي تعديلات وسعر المواتير مناسب جدا إذا أردت تغييره ودائما ال2000 أغلى من ال2300 (يعني موتور 2000 موديل 1992 بالرشاشات وكل أدوات التغذيه من مارش، دينامو، تكييف، مضخة بنزين كهرباء، بوبينا، مشط أشعال الكتروني، مضخة الباور - في حدود 3200 جنيه)
السيارة عموما رائعة وذات ثبات هائل على الطريق وقدرة على المناورة أكبر بكثير مما يُتوَقع من سيارة في حجمها وإن كان بها بعض العيوب مثل عدم مقاومة الصاج للبارومة فهي تنتشر فيها بسرعة وتحتاج للمتابعة المستمرة وأول ما تظهر البارومة تظهر حول الزجاج الأمامي وعند فتحة تانك البنزين.
كما يعيب السيارة "نسبياً" التسارع البطيء وذلك نظراً لوزنها الكبير (نحو 2 طن)، وكذلك فإن التابلوه الأمامي كثير التعرض للتشققات بسبب الشمس في هذه الموديلات وربما كان هذا العيب في التصنيع بسبب ندرة الشمس في السويد، وقد تداركت الشركة هذا العيب في الموديلات العليا، ويمكنك إذا كان التابلوه غير مشقق أن تحافظ عليه عن طريق دهانه كل فترة بكريم فازلين أو أي كريم بشرة وعندما تركن السيارة في مكان مشمس يمكنك تغطيته أو ترك 2سم من الزجاج مفتوحاً.
على كل حال معذرة لتأخر الرد وربنا يوفقك.