مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   المرور والشهر العقارى (https://www.masrmotors.com/vb/forumdisplay.php?f=89)
-   -   ينفع اغير لون العربية ؟؟؟؟؟؟؟ (https://www.masrmotors.com/vb/showthread.php?t=36397)

mr_astra 08-10-2010 10:56 AM
ينفع اغير لون العربية ؟؟؟؟؟؟؟
 
تابع مرور مدينة نصر وكنت هناك من شهر بس مهندس الفحص ادانى شهر عشان الاكصدامات ودهان العربية
العربية لونها ابيض عادة موديل 73 عاوز اعملها معدل واغير لونها اللى الاحمر مثلا هل فى مشاكل مع المرور دى واحد نمرة اتنين فنيا ينفع اللوان الابيض يقبل لون اغمق فوق منة ولا هايكشف ويكون شكلة وحش ؟
وشكرا لكل من قرا موضوعى

sad-bird 08-10-2010 11:30 AM
رد: ينفع اغير لون العربية ؟؟؟؟؟؟؟
 
ينفع
بتروح تجيب استمراه تغيير بيانات وةتثبت اللون الجديد ولو فيه حاجة عمتلهافي العربية ( تسقيط ماتور مثلا ) وتروح تعملها بعدها بتاخد فترة علاشن الفحص وتنفذ اللي عملته وبتروح تعمل اللي انت عاوزه وترجع المهندس يشوفه ويمضيلك عليه كده خلاص

اما بقى فنيا فاي لون قبل ما تحطة لازم الصنايعي بيحط بطانه مبيحطش على اللون القديم لنه لو حط على اللون القديمة على طول هيقشر
البطانة بتكون اما ابيض او رصاصي وغالبا اذا هتعمل اسود ملوكي هتبقى البطانة رصاصي ويمكن يديها سنة اسود كمان علشان تغمق اكتر وكل واحد ادري بمهنته اتكلم مع واحد بتاع دوكو وهو يقولك الصح ايه بالضبط

mr_astra 09-10-2010 02:36 PM
رد: ينفع اغير لون العربية ؟؟؟؟؟؟؟
 
اخى الكريم جزاك الله كل خير

koko1971 24-10-2010 11:15 AM
رد: ينفع اغير لون العربية ؟؟؟؟؟؟؟
 
نصحتي بلاش علشان أنا كان عندي عربية توب لون أخضر كئيب وبعدين غيرتها بلون فضي وكان بتاع الدكو عنده أمانة وشال اللون القديم كله بالصاروخ ولما رحت المرور قام المهندس قعد يقشر الدهان الجديد وبالطبع مكانش فيه أثر للون الأخضر فرفض يمضي على ورقة الفحص وقاللي لازم تعمل لجنة فحص خاصة ومشوار كبير قوي

سيف الدين سعيد 24-10-2010 11:22 AM
رد: ينفع اغير لون العربية ؟؟؟؟؟؟؟
 
اقتباس:
المشاركة الأصلية كتبت بواسطة sad-bird (المشاركة 257024)
ينفع
بتروح تجيب استمراه تغيير بيانات وةتثبت اللون الجديد ولو فيه حاجة عمتلهافي العربية ( تسقيط ماتور مثلا ) وتروح تعملها بعدها بتاخد فترة علاشن الفحص وتنفذ اللي عملته وبتروح تعمل اللي انت عاوزه وترجع المهندس يشوفه ويمضيلك عليه كده خلاص

اما بقى فنيا فاي لون قبل ما تحطة لازم الصنايعي بيحط بطانه مبيحطش على اللون القديم لنه لو حط على اللون القديمة على طول هيقشر
البطانة بتكون اما ابيض او رصاصي وغالبا اذا هتعمل اسود ملوكي هتبقى البطانة رصاصي ويمكن يديها سنة اسود كمان علشان تغمق اكتر وكل واحد ادري بمهنته اتكلم مع واحد بتاع دوكو وهو يقولك الصح ايه بالضبط
الكلام دا مظبوط من ناحية التعديلات . اما موضوع اللون فانت مش محتاج لبطانه . اللون الأبيض يقبل اى لون عليه لأن اللون الأبيض لون فاتح زيه زى الأصفر او السماوى او اى درجة لون فاتحه . تقبل الألوان الأغمق منها عليها دون ما تكشف . اما الألوان الداكنه فقط هى اللى بتحتاج لبطانه عليها عشان اللون الفاتح ينزل على نظيف وما يكشفش . ربنا معاك ...

sad-bird 24-10-2010 11:40 PM
رد: ينفع اغير لون العربية ؟؟؟؟؟؟؟
 
اقتباس:
المشاركة الأصلية كتبت بواسطة سيف الدين سعيد (المشاركة 267985)
الكلام دا مظبوط من ناحية التعديلات . اما موضوع اللون فانت مش محتاج لبطانه . اللون الأبيض يقبل اى لون عليه لأن اللون الأبيض لون فاتح زيه زى الأصفر او السماوى او اى درجة لون فاتحه . تقبل الألوان الأغمق منها عليها دون ما تكشف . اما الألوان الداكنه فقط هى اللى بتحتاج لبطانه عليها عشان اللون الفاتح ينزل على نظيف وما يكشفش . ربنا معاك ...

الف شكر استاذ سيف على التوضيح
لكني كنت اقصد خامة الدهخان لازم يكون خمة اللون اللي بيرش تحت خشنة شوية علشان كده سموها بطانه بتلزق في القديم بعد صنفرته وتبقى خشنة وممهده علشان تمتص الجديد وتثبته كويس عليها ده الهدف منها لكني لم اقصد درجات اللون
ومرة تانية شكرا على التوضيح

لكن موضوع الظابط اللي قالك لازم فحص تاني دي رخامة والله اعلم
انا ابن خالي كان معاه 504 بيضاء راح غير الماتور وغير اللون وراح بجواب الماتور الجديد وطلب تغيير اللون من غير ما يروح بالعربية عمل الورق وروح
بعد لما خلص توضيب وداها المراور المهندس شافها ومضي واخد 100 جنية وخلص الموضوع على كده
بس للعلم الكلام ده من سنتين تقريبا او اقل

سيف الدين سعيد 25-10-2010 03:18 AM
رد: ينفع اغير لون العربية ؟؟؟؟؟؟؟
 
اقتباس:
المشاركة الأصلية كتبت بواسطة sad-bird (المشاركة 268395)
الف شكر استاذ سيف على التوضيح
لكني كنت اقصد خامة الدهخان لازم يكون خمة اللون اللي بيرش تحت خشنة شوية علشان كده سموها بطانه بتلزق في القديم بعد صنفرته وتبقى خشنة وممهده علشان تمتص الجديد وتثبته كويس عليها ده الهدف منها لكني لم اقصد درجات اللون
ومرة تانية شكرا على التوضيح

كلامك مظبوط يا باشا . وعموما هو اللون عنده فى الأصل ابيض . ودا حايسهل عليه حاجات كتير فى الشغل . وشكرا يا باشا .


الساعة الآن 03:34 PM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017