مكافأة 1000 جنيه لمن يبلغ عن مخالفات السيارات!
 

أعلن قدري أبو حسين محافظ حلوان أن أي مواطن سيحصل مكافأة 1000 جنيه إذا قام بالابلاغ عن سيارة تلقي بمخلفات في الشوارع أو المجاري المائية.

قال المحافظ خلال تفقده أعمال الإنشاءات والاصلاحات في أحياء المعادي وطرة إنه سيتم توقيع عقوبات مشددة على صاحب السيارة المضبوطة تتراوح ما بين غرامة فورية قدرها 5 آلاف جنيه وتصل إلى مصادرة السيارة وتحرير محضر، حسب صحيفة "المساء" الخميس.

قرر المحافظ إنارة شارع الوحدة وإنشاء أعمدة إنارة جديدة ورفع كافة المخلفات في المعادي ووضع 50 صندوقاً جديداً لجمع القمامة بالشوارع للقضاء على ظاهرة إلقاء القمامة حول الصناديق الممتلئة على آخرها.

رد: مكافأة 1000 جنيه لمن يبلغ عن مخالفات السيارات!
 

والله لو عمل ايه دى ثقافة لازم نغيرها ونبدأ بانفسنا وعموما مش هينفع نظام الترهيب بعد كدا

رد: مكافأة 1000 جنيه لمن يبلغ عن مخالفات السيارات!
 

لكن برده 1000 جنيه مبلغ مغرى جدا فى الظروف دى وشكلك كده انت مش من حلوان


وشكرا

رد: مكافأة 1000 جنيه لمن يبلغ عن مخالفات السيارات!
 

المشكلة مش فى الزيادة فى الصناديق المشكلة الأكبر إن فى ناس يوميا بتروح تطلع الزبالة اللى فى الصناديق علشان تفرزها ( نظرًا لطبيعة عملها ) وفى الآخر تلاقى الصندوق فاضى وحواليه جزيرة زبالة ياريت يشوفولهم حل مع الناس دى

رد: مكافأة 1000 جنيه لمن يبلغ عن مخالفات السيارات!
 

فعلا ...فى ناس بتدور على الكراتين و على البلاستيك و المعادن و احيانا على الخبز لاستخدامة ف اطعام الماشية .......عشان كده بيبهدلوا الدنيا .....ممكن يشغلوهم ف الهيئة كعمال نظافة و بكده يبقوا قضوا على الظاهرة دى خصوصا ان الناس دول بياخدوا صناديق الزبالة الجديدة عشان يلموا فيها البلاستيك اللى بيجمعوه من مقالب الزبالة ..........يعنى بيغمروا الحكومة : صناديق زبالة
بهدلة للشوارع ......
ربنا يستر ...بس باقى المحافطات ....؟؟؟؟ ...امتى هنلاقى الكلام ده ف كل المحافظات ؟؟؟؟ ...ولا هم مش عايزين يدفعوا كتير ؟؟

رد: مكافأة 1000 جنيه لمن يبلغ عن مخالفات السيارات!
 

الحل قديم وموجد من زمااااااااااااااااااااااا ن لكن نقول ايه في البهوات اللي ما سكين البلد


الحلول
1. توزيع اكياس 3 الوان على المناطق لاسكنية وكل واحد يحط القمامة بتاعته في مكانها وده علشان تتجمع في اصناف ( طبعا المناطق الريفية مش محتاجة الكلام ده لان مخلفات بتاعتها غالبا بتسستهلك تاني )
2. عمل صناديق قمامة 3 انواع الأول لمنجات البلاستيك التاني لمنتاجت المعدنية التالت لمنجات الزجاج
3. عمل وتفعيل وتنشيط مصانع تدوير القمامة مع الاشراف الكامل على مصانع تدوير البلاستك حتى يلا يتم انتاجه في مواد تستختدم في المواد الغذائية


الحل التاني والاسهل
ضبط قواعد شركات القمامة والزام كل شركة بفرز وتصنيف القمامة المجمعة منها وحثها على ذلك بااكثر من طريقة ابسطها شراء ما تم فرزة من المواد الاولية وخاماات التصنيع وتصنيعها بمعرفة الدولة
تفعيل وانشاء مصانع الوقود الحيوي من مخلفات القمامة وليس من القمح كما تم سابقا وذلك لاستهلاك القمح في تصينع الوقود الحيوي


جدير بالذكر انه في المناطق الريفية معدلات القمامة اقل بكثيييييييييييييير من مثيلاتها في المناطق الحضريةو خاصة القاهرة الكبري
وذلك لاكثر من سبب
1. الدخول اغلبها منخفض نسبيا وبالتالي معدل الاستهلاك يكون اقل وبالتالي القمامة تكون اقل
2. القمامة تفرز في المنزل قبل خروجها وتخرج في ثلاث اتجاهات الاول الطيور المنزلية وهي القمامة الحيوية او بواقي الطعام ، والثاني ، افران الخبز وان كان الافران الصاج احتلت مكانه كبيرة وقضت تقريبا على افران الحرق ، الثالث بائع الروبابكيا وذلك للمواد البلاستيكية والمعدنية وبالالي شنطة القمامة التي يخرجها منزل في المناطق الحضارية في يوم يخرجها المنزل في المنطقة الريفية في اسبوع او اكثر
3. باقي فضلات الطيور يتم جمعها ورميها في الارض الزراعية فهي سمد حيوي وطبيعي وتساعد في رفع خصوبة الارض
4 لكن ما تحتاجة المناطق الريفية هو التخلص من مخلفات الزراعة بطرق صحيحه بدل من ركنها على اطراف الارضي لتتجمع وتسد الطريق وهو امر سهل اذا علمنا ان اغلبها يمكن رميه في لاصحراء وقد يفيد في حاله الرغبة في استصلاح مناطق صحراوية

رد: مكافأة 1000 جنيه لمن يبلغ عن مخالفات السيارات!
 

نفسي اشوف النظام دا مطبق علي سواقين النقل الثقيل اللي واخدين الموضوع عافيه و الطريق بتاعهم و ماشيين في الحارات اليسري و غير مدركين لباقي السيارات باعتبار ان احترام الكبير واجب و من حق الكبير يتدلع و باقي العبارات التافهه التي نراها علي سياراتهم
اتمني ان يوجد ولو خط ساخن لتلقي السيارات المخالفه و تتبعها و ادراك انها خاطئه ام لا
حتي ولو بدون مقابل ..ولو حتي الواحد يدفع فلوس من جيبه بس ننتهي من النقل !!!!!