انا عايز رايكم فى عربية 128 بالله عليكم
 

السلام عليكم ورحمة الله وبركاته

انا عاييز ردكم فى العربيه 128

انا دلوقتى معايا فى حدود 16500 ممكن بيهم اجيب عربية 128 كويسه انا اول مره اشترى عربيه وعايز عربيه متقرفنيش مش كل شوية عند المكانيكى وكده اركبها وادور وامشى وبس ولا انتوا متنصحوني اركب 128 اصلا بصراحه عايز نصيحة الناس اهل الخبره والناس اللى راكبين 128


ولو الفلوس دى متجبش 128 كام بالظبط يجيب 128 كويسه ؟

وربنا يكرم ويبارك للى هيرد عليا ولو باى نصيحه

رد: انا عايز رايكم فى عربية 128 بالله عليكم
 

المبلغ المذكور ممكن يجيب 128 من 1987-1989
ممكن تكمل لغاية 20000 وتجيب 128 مو 1990-1991
دور كويس ولا تتسرع حتى لا تندم
اسأل واستشير صاحب ثقة قبل الشراء وعند المعاينة يفضل احضار ميكانيكى وسمكرى تثق فيهم
اعانك الله على قضاء حاجتك

رد: انا عايز رايكم فى عربية 128 بالله عليكم
 

شكرا يا محمد باشا مفيش ردود تانيه يا اخونا

رد: انا عايز رايكم فى عربية 128 بالله عليكم
 

السلام عليكم
128 عربية كويسة بس لو اساسيتها كويسة وقطع الغيار متوفرة ورخيصة بس بيعبها انها عفشتها ضعيفة وصلونها ضيق الموتور مش وحش ولو لموتور الكبير1300 تبقى تمام بس لو فى امكانية انك تزود على المبلغ دة 3 الاف جينية وتجيب ريجاتا يبقى تمام عربية واسعة وشيك وموكيفة وموتورها اكبر 1500 تريحك واحسن من ال128 بس اهم حاجة الاساسيات
وربنا يكرمك وتختار صح

رد: انا عايز رايكم فى عربية 128 بالله عليكم
 

بالمبلغ المتوفر لا تتمني شراء سياره بعيده عن الاعطال
فأي سياره مستعمله تعتبر صديقه للميانيكي
من الممكن بهذا الثمن سراء سيراه 128 معقوله
لكن توقع ايضا اي عطل يحدث

رد: انا عايز رايكم فى عربية 128 بالله عليكم
 

يا ريت تزود شويه وتجيب 131 يكون احسن وتحمل العربية دى اقوى طبعا من 128 زه زائد انها اكبر واوسع ...

المبلغ اللى معاك اعتقد يجيب عربية 128 جيدة لكن الموديل هيكون قديم حبتين (يعنى اواخر تمانينات بالكتير) ..

برضه انزل السوق وخد فكرة لان الاسعار فى تغير مستمر حسب المواسم (على فكرة الاسعار بتنزل فى الشتاء) ..

رد: انا عايز رايكم فى عربية 128 بالله عليكم
 

ربنا يكرمك جميعا بس انا دلوقتى غيرت وبفكر فى ريجاتا فى حدوود 23000 ايه رايكم يا اصدقائى بجد رايكم يهمنى جدااا وشكرا للاستاذ طارق البدرى اللى لفت انتباهى للريجاتا وياريت تفيدونى بالله عليكم