سؤاااال يعني ايه اير باج
 

لو تكرمتم يا جماعه
يعني ايه اير باج
مشكورررين(what)

رد: سؤاااال
 

وسادة هوائية air bag
لقدر الله فى حالة التصادم بتفتح هذه الوسادة بسرعة لا تقل عن 160 ميل / ساعة يعنى بسرعة تقدر ب 200 كم / ساعة على الاقل و ذلك للحيلولة من اصطدام منطقة الراس و الصدر باجسام صلبة مثل التابلوه او الدريكسيون علشان كده مهم جدا حزام الامان عامة و خاصة مع العربيات المزودة بايرباج لان من غير الحزام الايرباج يكسر الرقبة و ناس كتير ماتت كده علشان كده فى العربيات الحديثة الايرباج مشحيشتغل لو الحزام مشمربوط

رد: سؤاااال
 

الله يفتح عليك .... و اللى بيحصل للأير باج فى الفيديو ده

http://www.youtube.com/watch?v=lku2LjcwWL8

الأيرباج هو الوسادة البيضاء اللى أتنفخت أول ما بدأ التصادم

رد: سؤاااال
 

طيب بس ليه يا اخي توجع قلبي على لوجي الجميلة كنت اعملها على اي حاجة تانية

أطيب تحية

ROSE4U

رد: سؤاااال
 

سلامتك يا باشا ... متخافش لوجى كويسة ده كده بس فيديو يبين الأمان فى العربية
سلاااااااااام

رد: سؤاااال يعني ايه اير باج
 

ماهى العربية لو محصلش فيها كده الى جواها حيموت
يعنى العربيات الجامدة بتاعة زمان كانت مبتطبقش من قدام بنفس درجة العربيات الحديثة فمفيش الدرجة الكافية لامتصاص التصادم و ده يخلى معامل الجاذبية عالى جدا تؤدى الى وفاة الركاب
لكن العربيات الحديثة كمثال الفيديو كان في تعليقات اثناء المراحل المختلفة للتصادم
زى لحظة خروج الغاز من الوسادة ( معرفش نوع الغاز بس كان لونه ابيض) لان الوسادة بيبقى فيها اخرام لخروج الغاز اثناء اصتدام (مش عارف اكتب اصتدام ازاى) جسم الراكب بها لانها لو مقفولة حيبقى زيها زى اى جسم صلب لكن هى مخرومة علشان حجمها يقل مع ضغط الجسم عليها فتعمل على امتصاص الطاقة الحركية للراكب
و كمان من ضمن التعليقات ان هيكل الامان للسيارة (الصالون - يعنى جسم السيارة بدون منطقة الشنطة و منطقة الماتور) محصلوش اى انبعاج
و الانبعاج كله شاله الجانب الامامى شمال و ادى معظم مرحلة امتصاص الصدمة
اما لو راكب دبابة مثلا و خبطت فى حاجة صلبة وقفت الدبابة ففعلا الدبابة مش حيحصلها حاجة لكن الى راكب حيتقطع من حوالين الحزام و لو لابس حزام عريض اوى اعضائه الداخلية كلها حتتقطع من مكانها جوة و حيبقى من برة سليم لكن من جوة هريسة

رد: سؤاااال يعني ايه اير باج
 

إصطدام إصطدامات :)