سؤال بخصوص مقاس الكاوتش المناسب للجنوط
 

وجدت فى السوق مقاس 14/ 55 /185

بتصميم و نقشة رياضية رائعة

هل يوجد ضرر على العفشه من هذا المقاس علماً بانه سوف ينخفض ارتفاع السياره قليلاً ؟

رد: سؤال بخصوص مقاس الكاوتش المناسب للجنوط
 

ينخفض الارتفاع ازاى بالظبط ؟
قصدك المسافة ما بين اسفل السيارة و الارض

حاول المقاس ميبعدش كتير عن الاصلى حرصا على سلامة العفشة
و لو فى تغيير عن قيمة نصف القطر النهائى الخارجى للكاوتش (المسافة ما بين سطح الكاوتش و مركز الجنط) عن الاصلى حيتسبب فى بيان خاطىء لعداد السرعة و المسافة

رد: سؤال بخصوص مقاس الكاوتش المناسب للجنوط
 

نعم المسافة ما بين اسفل السيارة و الأرض

المقاس مش فارق كثير عن الأصلي 14/ 60 / 185

رد: سؤال بخصوص مقاس الكاوتش المناسب للجنوط
 

معلش للتوضيح
يعنى الاصلى الى كان راكب فى العربية (بتاع المصنع) هو 14/ 60 / 185؟
و حضرتك عايز 14/ 55 /185؟
لو فعلا كده حيبقى
نصف القطر الاصلى = 7 بوصة (نص ال 14 بوصة قطر الجنط) + 60 % من 185 مليمتر
و نصف القطر الجديد = 7 بوصة (نص ال 14 بوصة قطر الجنط) + 55 % من 185 مليمتر
يعنى الجديد حيقل 5 % من 185 مليمتر = 0.925 سم يعنى تقريبا 1 سم
اهو الفرق ده حيعمل بيان غير حقيقى لعداد السرعة و المسافة
لسة محسبتوش بس لو عايزنى احسبه ماشى

رد: سؤال بخصوص مقاس الكاوتش المناسب للجنوط
 

في ناس مركبين 15 / 50 / 195 عادى بس بيأثر على العفشه شويه على المدى الطويل

رد: سؤال بخصوص مقاس الكاوتش المناسب للجنوط
 

دون الدخول فى حسابات معقدة انا حسبتها بسرعة بين الاصلى و اخر واحد انت كتبته لقيت ان القطر تقريبا مش حيتغير و اشك ان فرق ال 1 سم فى عرض الكاوتش حياثر على العفشة هو ممكن الجنط نفسه لو حيبعد مكانه بالنسبة للعربية ( يعنى العجل يبقى بارز لبره ) ياثر على الاكسات

فلو فى شك بلاش احسن

العربية نوعها ايه؟

رد: سؤال بخصوص مقاس الكاوتش المناسب للجنوط
 

فيرنا 2010
لان الكاوتش اللي نازل وحش جداً( نسر) والجانط برضو أي كلام

بيعمل معايا رعشه بعد 100 ك على الرغم من الترصيص