حد ركب كماليات جديده للجاك
 

الاخوه الاعزاء عشان كلنا نستفيد من بعض لو حد ركب اى حاجه جديده فى سيارته الجاك وشاف انها تزيد من جمال سيارته ياريت يقول لكى تعم الافاده........يعنى انا مثلا ركبت دلايات خلف العجل الامامى والخلفى وبصراحه حمت العتب والببان من المياه وطينه شوارعنا وركبت فرش جلد للأرضيات وبصراحه كنت بأعانى من تنظيف الارضيات من التراب وركبت فرش للكراسى خوفا من الاطفال وأكل الدولسىولحمايه الجلد الاصلىوأنا عارف ان خامته نظيفه وشكله حلو لكن أحترس من الاطفال .....وركبت طاره للدركسيون ذياده فى الحمايه......وجالى هديه 2 راس دبدوب للهد رست للصالون الخلفى وركبتهم وخليت وشهم مواجه للزجاج الخلفى وبصراحه شكلهم تحفه لما تبص عليهم من الزجاج من خلف العربيه..... وشكراا لكم جميعا

رد: حد ركب كماليات جديده للجاك
 

يعنى حاجات بسيطة
مركبتش فرش عشان استمتع بالجلد حبة
بس للكرسين الى قدام جبت مقعدين كدة عشان العرق
ومخدتين صغيرين كدة عشان لو السفر طويل يبقى يدى راحة اكتر
طبعا دواسات للعربية
وغطاغالى حبة بس اتقطع لما العربية اتخبطت وهى تحت البيت
بس لاجديد يمكن لما ودتها تتغسل غلفلى كل حاجة فلعربية
الفتيس والاشارا والنور وكدة باكياس بلاستيك وسبتها عادى اهو تحافظ حبة
مستقبلا لو نزل كماليات افتكر هجيب
وجبت كلمة jac وكتبتها فضهر العربية
بس كدة متشكرين يا دكتورنا العزيز

رد: حد ركب كماليات جديده للجاك
 

بس نفسى اجيب الدى فى دى بتاع العربية بس مش عارف التوكيل بيجيبة ولا لا

رد: حد ركب كماليات جديده للجاك
 

فكره حلوه كلمه جاك .....انا هسأل فى التوكيل اذا كانت العلامه موجوده ونشتريها ولا اجيب ستيكر حروف والزقها بصراحه الواحد عايز يرتاح من كتر الاسئله عن اسم العربيه

رد: حد ركب كماليات جديده للجاك
 

دكتور كمال
لا داعى لشرائها من الوكيل ولا حاجة
3 حروف بتوع الكلمة
وتلزقهم جنب بعض
الحرف ب 2 حنية تقريبا
بس نضف مكانها قبل ما تحط عشان متقعش مطرح التراب وكدة وانت عارف بلدنا ما شاء الله مفيش تراب ابدا ابدا والشوارع ما شاء الله نضيفة لدرجة فظيعة تستفز يعنى والناس كلها مبترميش حاجة على الارض والشوارع متسفلتة تمام التمام
والزقها كويس ولا اى مشكلة مش مستاهلة توكيل اقصد
فكرة بسيطة يعنى
تقبل تحياتى

رد: حد ركب كماليات جديده للجاك
 

شكراا أستاذى العزيز دايماا بنتعلم منك وبنستفيد منك وربنا يكرمك يارب

رد: حد ركب كماليات جديده للجاك
 

انا بحب جدا اى واحد يحب يدلع عربيته ، والناس بتدلع عربيتهم واحنا معاهم