مساعدين خلفية لامبريزا 2006
 

يا رجال خدمة لوجه الله حد يعرف اي موزع او تاجر قطع غيار استيراد او جديد عنده 2 مساعد خلفي لامبريزا 2006 يا ريت لو حد يعرف يقول علي وجه السرعة و له الاجر عنده الله

رد: مساعدين خلفية لامبريزا 2006
 

2006 ولحقت جابت مساعدين غريبة جدا دى العربيه دى عفشتها جامدة جدا
عموما فى الصفتى اللى فى شارع دمشق وفى فى الحرفيين بس مش فاكر أسمه جنب بتوع النيون

رد: مساعدين خلفية لامبريزا 2006
 

الف شكر لردك يا ايمن هي في مساعد من اللي ورا جاب زيت خلاص لازم يتغير و ماشيه 41 الف كيلو فقط!!!

رد: مساعدين خلفية لامبريزا 2006
 

بص يا مان روح عند واحد فى الحرفيين اسمه عايد سوبارو
او واحد فى شارع الظاهر اسمة هشام سوبارو
و اكيد حتلاقى المساعدين ان شاء الله قولهم انا تبع هيثم بس ة شوف الواجب اللى حيحصلك

رد: مساعدين خلفية لامبريزا 2006
 

ربنا يخليك يا باشا الف شكر لردك :) بس المساعدين جت خلاص من مدة بعد بحث كتير شكرا يا باشا لمساعدتك و لو احتاجت حاجة تاني هنروحلهم اكيد:)

رد: مساعدين خلفية لامبريزا 2006
 

سلامو عليكو
دى اول مشاركة ليا فى المنتدى و انا سعيد جدا بالمنتدى ده
على العموم مافيش غير واحد بس هوة الى بيشتغل فى السوبارو برة التوكيل اسمه عايد و انا كنت عرفته من حوالى 7 سنين من التوكيل و عايد ده يا جماعة بيفهم كويس جدا فى السوبارو و تطمن و انت بتديله العربية لان العربية دى مشكلتها انه محدش بيعرف يشتغل فيها (تتخيلو مرة ميكانيكى ماعرفش يفك كوبلن العربية و يغيره و كان واحد مشهور)
و رقم موبيل عايد 0127745312
و انا بدور لقيت عامل سيت على النت http://aiid-subaru.com/cv.htm
اما بالنسبة لهشام عبد العادى فده مستورد عربيات يابانى و كورى فى الظاهر عايد كان بيشتل عنده ده بيجيب العربيات مستوردة و عايد ميكانيكى بيركب و بيشتغل و اعتقد انهم اختلفو
بالنسبة للتوكيل فطبيعى جدا حرامية و علنى و ليهم فضايح اكتر من كده بيجيبو حاجات استيراد من برة و يبعوها للزبون على انها جديدة
تخيلو مثلا الكوبلن فى التوكيل ب 3000 جنيه البرباريز الخلفى ب 5000 و الفانوس ب 1100 حاجات بقى من كده
و لو حد عاوز اى حاجة تخص السوبارو انا تحت امروكو لانى راكب سوبارو من 12 سنة
و ربنا يجعلو عامر