مصر موتورز مجتمع السيارات - مساعدة واستشارة

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - مساعدة واستشارة (https://www.masrmotors.com/vb/showthread.php?t=35659)

مساعدة واستشارة

السلام عليكم
ياريت يا جماعة لو اى حد عنده خبره فى اللادا يفيدنى ولكم جزيل الشكر

الدركسيون فيه بوش جامد
ايه العلاج له ؟

- بسمع اصوات تخبيط وانا ماشى

- العربية بتسحب بنزين شويه
- اى مطب او حفرة بتسمع جامد فى العربية
- الماتور صوته عالى اكنه جرار ازاى اقدر اوطي صوته

رد: مساعدة واستشارة

اقتباس:

المشاركة الأصلية كتبت بواسطة tom_gr (المشاركة 251465)

السلام عليكم
ياريت يا جماعة لو اى حد عنده خبره فى اللادا يفيدنى ولكم جزيل الشكر

للاسف ماليش خبرة بس قولت ارد مؤقتا لحين وصول اهل الخبرة

الدركسيون فيه بوش جامد
ايه العلاج له ؟

لازم ميكانيكى كويس يكشف عليها و حيبقى احد هذه الاحتمالات

بوش فى علبة الدريكسيون الاسكترا
بيض العجل

- بسمع اصوات تخبيط وانا ماشى

عفشجى كويس يبص على

اى حاجة سايبة زى الشاكمان او تيل الفرامل
جلب المقصات
المقصات
حالة المساعدين و السوست

- العربية بتسحب بنزين شويه

اسبابه كتير و اشهرها

ظبط ضغط العجل و الزوايا
التاكد من سلامة الفرامل و ان مفيش فرملة مكلبشة
التاكد من حالة الكورونا
ظبط كهرباء و عمل سرفيس كامل فلاتر و سيور و زيوت
ظبط كاربريتير
ظبط تاكيهات
التاكد من حالة اسطوانة الدبرياج

- اى مطب او حفرة بتسمع جامد فى العربية

برضه كشف على العفشة

- الماتور صوته عالى اكنه جرار ازاى اقدر اوطي صوته

نفس الحاجات بتاعة البنزين زود عاليها الكشف على الشاكمان و جواناته (جوان الفرن - الشجرة - العلب )

متنساش تطمنا

رد: مساعدة واستشارة

اقتباس:

المشاركة الأصلية كتبت بواسطة tom_gr (المشاركة 251465)

السلام عليكم

اقتباس:

المشاركة الأصلية كتبت بواسطة tom_gr (المشاركة 251465)

ياريت يا جماعة لو اى حد عنده خبره فى اللادا يفيدنى ولكم جزيل الشكر

الدركسيون فيه بوش جامد

ايه العلاج له ؟

اقتباس:

حتروح لبتاع العفشه حيلم البوش و لو الزيت ناقص حيزوده

- بسمع اصوات تخبيط وانا ماشى

اقتباس:

تخبيط من العجل الامامي

يبقي من البيض احتمال يكون في مشكله في ناحيه من الاتنين
و برده بتاع عفشه

- العربية بتسحب بنزين شويه

اقتباس:

ظبط كاربيراتر عند الميكانيكي

- اى مطب او حفرة بتسمع جامد فى العربية

اقتباس:

برده بتاع عفشه حيربط لك العفشه كلها

- الماتور صوته عالى اكنه جرار ازاى اقدر اوطي صوته

اقتباس:

ظبط الماتور عند الميكانيكي حيوطي صوته شويه

منتظر الرد منك بعد ما تخلص المشاكل الي عندك

رد: مساعدة واستشارة

الاستاذ احمد والاستاذ مصطفي قاموا بالواجب
مش حعرف اقول كلمه وراهم:)
اهلا بيك يا استاذ مصطفي و نتمني نشوف مشاركاتك دايما

رد: مساعدة واستشارة

اقتباس:

المشاركة الأصلية كتبت بواسطة hazem_khidr (المشاركة 251734)

يا هلا بيك انت يا استاذ حازم
علي فكره انا متابع المنتدي من زمان لكن مكنتش مسجل
و قلت ادخل اسجل و اشارك الاعضاء في قسم اللادا بالذات لان معايا 2004 روسي
و تقريبا حافظ كل فتفوته فيها

رد: مساعدة واستشارة

شكرا للتشجيع الجميل ده يا استاذ حازم

رد: مساعدة واستشارة

السلام على احلى رجاله فعلا قابلتها فى منتدى اللادا

بصراحة ماكنتش متوقع الرد بالسرعه دى ولا بالشرح الوافى ده

ربنا يبارك فيكم ويخليكم دايما اسباب لمساعدة الناس

ان شاء الله انا هالم المشاوير دى كلها يوم الجمعة علشان الاجازة طبعا وانشاء الله لما اخلص لازم اقولكم على النتائج لعلها تفيد حد تانى واتمنى من الله ان المشاكل دى تروح علشان اعرف اسوق بنفس ومزاجى

اصل اخوكم مزاجنجى لو مزاجى مقريف برمى العربية ومش بركبها اساسا