هام الى كل ممتلكين لاسيتى او دايو كما يسميها البعض
 

الحمد الله ربنا وفقنى وقدرت اوصل لكل ما يخص لاسيتى

اى حد محتاج قطع غيااار مهما كانت او يعمل صيانة العربية يعرفنى

واى حاجة متعلقة بالعربية دى هتكون فى بورسعيد علشان نبقى متفقين يعنى سواء صيانة او قطع غيار كل دة فى بورسعيد

فالى يحتاج اى حاجة يكلمنى وانا اقولة يعمل اية ولو عاوزنى معاة مفيش اى مشكلة

وبالنسبة لسير الكاتينة فالشركة منزلاة ضمان مدى الحياة يعنى ان شاء الله مش محتاج تغييير

بردة لو محتاجين اى حاجة للعربية من كوريا بردة عندى الى يجيبلكم الكلام دة

انتم تأمرو بس ومش عاوز اى حد يقلق من صيانة العربية دى

رد: هام الى كل ممتلكين لاسيتى او دايو كما يسميها البعض
 

باشا
صباح الفل
انا عندى واحده هنا فى مصر و انا بعد اذنك سجلت نمرتك علشان لو فى حاجه اكلماك
بس انا محتاج افهم جزء سير الكاتيينه
شكرا على مجهودك

رد: هام الى كل ممتلكين لاسيتى او دايو كما يسميها البعض
 

شكرا لمجهودك يا استاذ حماده
بس يا ريت تعمل موضوع بعنواين مراكز الصيانه
و اسعار قطع الغيار و الصيانات ان وجد
علشان تبقي الافاده للجميع

رد: هام الى كل ممتلكين لاسيتى او دايو كما يسميها البعض
 

حماده باشا بعد اذنك ممكن تكلما شويه عن العربيه لانى انا لسه شايفها امبارح على البحر وبصراحه عجبتنى جدا فا ياريت تكلمنا شويه عنها يعنى سعرها وامكانيتها و بلادها والثبات على السرعات وياريت لو عنك شويه صور يباء 10%10 معلش هتقل عليك شويه لكن استحملنى

رد: هام الى كل ممتلكين لاسيتى او دايو كما يسميها البعض
 

اولا انا بتأسفلكم جدا ع التأخير فى الرد بسبب انشغالى فى الدراسة
بيجينس صباح الفل عليك انت وانا تحت امرك فى اى وقت
وبالنسبة لسير الكاتينة فدة سير بيتوصل بالكرنك علشان يدور عامود الكامات يعنى هو الى مسؤال عن حركة الماتور فى شركات بتنزل السير دة جلد ودة بيتغير يأما كل 60 الف كيلو او 80 الف كيلو حسب ما هو مكتوب فى كاتالوج العربية وفى شركات تانية بتنزلة جنزير او حديد الاتينن واحد ودة مش بيتغير الا نادر جدا يعنى بيبقى مصمم ان عمرة يكون من عمر المكنة وعشان كدة الشركة منزلاة ضمان مدى الحياة فالسير دة عندى وعندك فى العربية اللاسيتى حديد مش جلد بس كدة يا سيدى دة موضوع السير وانا تحت امرك فى اى استفسار تانى

رد: هام الى كل ممتلكين لاسيتى او دايو كما يسميها البعض
 

حاااااااااااااااااااااااا ازم باشا
منور والله وشرف ليا انك موجود فى موضوعى
بالنسبة لعناوين مركز الصيانة فهو مركز واحد بس الى موجود فى بروسيعد اسمة ماتريكس كار وصاحب المركز اسمة وليد ودة رقمة 0112010208 وعنوانة اخر بنك الاسكان عند فرق الامن يعنى اى حد يروح هناك ويسأل هيلاقى الف من يدلة

طبعا بالنسبة لاسعار قطع الغيار فاى حاجة من الخارج حضرتك عارف طبعا انها هتكون نفس القطع بتاعة شيفرولية اما بالنسبة للمتور والعفشة فكل الى اقدر اقولهلوك ان كل قطع غيارها موجودة والحاجة الوحيدة الى اعرف سعرها هى الفلتر لان دى بس الى انا غيرتها وسعرة 60 جنية اما اسعار الصينات فهمى مش رسمية لانها مصنعية بينك وبين صاحب الورشة
ومنور مرة تانية يا حازم باشا

رد: هام الى كل ممتلكين لاسيتى او دايو كما يسميها البعض
 

كريم باشا انت تأمر انا هحكيلك عن العربية بالنسبة لتجربتى معاها
طبعا هى كشكل مش محتاجة كلام بالصراحة هى تفوقت على نفسها فى التصميم دة من الخارج ومن الداخل تصميم قوى وقريب جدا من تصميم البى ام او التصميمات الالمانى عموما
قوة الصاج حلوة الى حد ما بس بصراحة صاج اللانسر الشارك امتن لانها معايا بردة وقارنت بين الاتنين فى موضوع الصاج دة هو الفرق مش كبير بس فى صالح اللانسر العربية من جوة بصراحة ممتاذة وتقفيل جميل بس عيبها الوحيد بالنسبالى انهم مكترين الفبر او القطع البلاستك ذيادة عن اللزوم يعنى كانو يكملو جميلهم والتابلو كان يبقى كلة جلد من فوق وقتها كنت هتحس انك راكب المانى فعلا دة العيب الوحيد بالنسبالى من الداخل
بالنسبة كقوة مكنة وسحب وثبات فدة مش عاوز احكة فية كفاية بس انك تجرب بنفسك لان كلة المانى فبعد كدة مش محتاجة كلام يعنى انسى انك تحس بيها فى سرعات عالية ولا ملفات ولا اى كلام من دة خالص بجد عربية ما شاء الله عليها ومن ضمن عيوبها بردة سعرها مش مخليها تاخد حقها وتنافس كويس هو السعر بالنسبالى انا مقتنع بية لان عارف انا راكب اية وتقريبا كل الناس كانت فاكرة انها هى بالضبط الكروز ماعدا الاختلاف فى العلامة بس بعد مناقشة مع الاعضاء هنا وضحت الفرق بالصور وانا تحت امرك فى اى استفسار تانى