نقصان الزيت فى نيو اكسنت اسبور
 

السلام عليكم ارجوكم اى احد عندة خبرة يفدنى فى المشكلة دى ان اشتريت نيو اكسنت اسبور2010 عملت صيانة 1000ك وغيرت زيت 10000ك المهم انا مغير الزيت بقالىاربعة شهور فوجئيت وانا بقيس الزيت انة نقص عن الطبيعى بشوية يعنى ملحوظ ياريت حدا يفهمنى دة طبيعى ولا عيب مكنة فىمشكلة تانية اوقات بحس بسخونية داخل صالون العربية او فى الدواسة

رد: نقصان الزيت فى نيو اكسنت اسبور
 

ده طبيعى وممكن طالما بقالك اربع شهور .. وعلى فكرة اربع شهور كتير المفروض الزيت يتغير كل 1000 او 1500 كيلو لتحافظ على الموتور ....

رد: نقصان الزيت فى نيو اكسنت اسبور
 

متشكر على الاهتمام بس حضرتك ان مغير زيت 10000ك ولسة العربية مجيابتهمش

رد: نقصان الزيت فى نيو اكسنت اسبور
 

راجع كتالوج عربيتك لمعرفة كيفية قياس الزيت بطريقة سليمة, يعنى مثﻻ عندى فى الفيرنا ادور العربية و هيه باردة و استنى لحد ما الحرارة توصل للنص و بعدين ابطل الموتور و استنى 10 دقائق و بعدين اقيس الزيت

رد: نقصان الزيت فى نيو اكسنت اسبور
 

شكرا على الرد ان فعلا بقياس الصبح اقبل مدوار اجرب الطريقة دى

رد: نقصان الزيت فى نيو اكسنت اسبور
 

يجب ان تقيس الزيت في الصباح او بعد ايقاف المحرك بنصف ساعة عشان القياس يكون مظبوط

رد: نقصان الزيت فى نيو اكسنت اسبور
 

اولا العربية عاملة مسافة اد ايه؟
ثانيا لازم يبقى القياس على ارض مستوية لان المقياس حساس جدا لاى ميل فى الارض
ثالثا طبيعى الزيت المخلق ينقص بعد مسافات فوق ال 7000 كم نتيجة طبيعية لظاهرة البخر علشان كده فى عبوات 1 كجم بس ملهاش لازمة تزود الا لو قرب من خط ال min
رابعا بس طبعا انت مش حيجيلك قلب تعملها بس ان بعملها (لانوس 2002 ماشية 203000كم) مين قال ان الزيت المخلق يقعد 10000 كم بس ان بقعده بكل ثقة من 17000 الى 25000 كم اهم حاجة الى انت بتعمله ان المستوى ميقربش من العلامة الى تحت

اما بالنسبة لاحساس السخونية
بالنسبة للدواسة قصدك بتحس بالسخونية حوالين رجلك و لا لما فعلا تلمس الدواسة بايدك؟
و السخونية الى فى الصالون برضه بتحسها حوالين جسمك

عالعموم تاكد من اوضاع مفتاح اختيار دورة الهواء (فى وضعين : وضع هواء خارجى - وضع تدوير الهواء داخليا )
شوف هو على انهى وضع و جرب اعكسه
و برضه فى مفتاح اختيار توجيه الهواء ( لمنطقة الوجه - الوجه و الارجل - الارجل - البرابريز .....هكذا مع اختلافات من عربية لعربية)
اتاكد انه مش على وضع الارجل

مش عارف فى النيو اكسنت بس فى اللانوس (طبعا لا تقارن بالنيواكسنت بس حبيت اوضح عن تجربه) ساعات بعد مشوار و بعدين اركن شوية و ابطل و اجى اطلع تانى احس ان فى هبو سخن بس بيستمر لمدة قصيرة يمكن ثوانى و بعد كده بيختفى
و تفسيرى ان منطقة التابلوه الداخلية فى كل العربيات فيها سربنتينة السخان فلما تركن العربية بعد مشوار لوقت يكفى لتسخين الهواء المحيط بالسربنتينة و بياثر على الانفاق الداخلية الى فى التابلوه و بيسخنها حتى لو وضع المفتاح على الهواء البارد فلما تمشى السخونية بتطلع عليك مرة واحدة لمدة قصيرة عكس و العربية ماشية بتبقى السخونية غير ملحوظة بالمرة لانها مش حتاثر على انفاق الهواء بالدرجة المحسوسة (لو المفتاح على وضع البارد) لان الانفاق بيجرى فيها هواء متجدد عكس و العربية واقفة