مركز الخدمه والصيانه ؟؟؟؟؟؟؟؟؟؟؟؟؟؟؟
 

أولا : سلام عليكم .
وثانيا : كل سنه وانتم جميعا بخير .
وثالثا : انا قلقان جدا من حاجه وياريت لو الاقى عندكم رد يريحنى شويه . كنت عايز اسأل عن مركز الخدمه والصيانه . نظامهم ايه ؟؟؟؟؟ ومعاملاتهم مع الجمهور ازاى وكويسه واللا لأ ؟؟؟؟؟؟؟ وهل فى اتصال بين مالك السياره والورش واللا لأ؟؟؟؟؟ لأن انا حاجز سندريللا فى الدفعه الجايه . وأصلا كان عندى سبيرانزا وبعتها بسبب ان الخدمه فى ابو الفتوح مش كويسه . وكمان اصبح همهم هو جمع الفلوس على أد ما يقدروا وخلاص . بس اتمنى يكون الوضع مع هورس موتورز مختلف . وطبعا زى ما انا متابع مع حضراتكم . انتم اتعاملتم مع مركز الخدمه مره واتنين وتلاته . وخبرتكم فى العربيه فى تزايد مستمر .. ربنا يحميلكم عربياتكم ويكفيكم ويكفيها شر العيون والحسد .

رد: مركز الخدمه والصيانه ؟؟؟؟؟؟؟؟؟؟؟؟؟؟؟
 

أنا عملت صيانه الالف فى مركزخدمه كوين سرفيس ك 4.5 طريق السويس يعنى حوالى ثلث ساعه من الكليه الحربيه وكانوا ناس جيدين جداا بصراحه فى المعامله والاستقبال والصيانه كلها خدت حوالى ساعه بالضبط وكان فى خبطه خفيفه كسرت كلبسات الاكضم الخلفى وخرج من مكانه من ناحيه الرفرف الشمال وعملوها ورجعوها ذى مكانت بس العيب الوحيد مكنش عندهم قطع غيار وبلغونى ان قطع الغيار هنجبها من المركز الرئيسى فى ابو رواش الكلام ده كان فى شهر 7 ومش عارف جابوا قطع الغيار ولا لسه.....وياريت اللى يروح هناك يطمنا ويعمل تقرير

رد: مركز الخدمه والصيانه ؟؟؟؟؟؟؟؟؟؟؟؟؟؟؟
 

انا كمان المعاملة جيدة وخلصت الصيانة بتاعة الالف بسرعة ومشيت خصوصا انى مش من القاهرة

رد: مركز الخدمه والصيانه ؟؟؟؟؟؟؟؟؟؟؟؟؟؟؟
 

د. كمال ... odaoda . لكم منى كل الشكر والتقدير والاحترام . بس انا لاحظت من الكلام اللى حضراتكم قلتوه . ان فيه فصل بين العميل والورشه . وحسب ما قريت انهم بيستلموا العربيه عند دخولها المركز وانت تطلع تتفرج عليها فقط من الشباك . يعنى لو فيه اى ملاحظات او استفسارات عند مالك السياره مش حايكون سهل انه يوصلها للناس اللى بيشتغلوا فى عربيته . يعنى حلقة الوصل بين العميل والفنيين فى الورشه ( مفقوده ) .
وارجو ان تقبلوا تحياتى .....

رد: مركز الخدمه والصيانه ؟؟؟؟؟؟؟؟؟؟؟؟؟؟؟
 

بكل امانه ياأستاذ سيف حلقه الوصل دى كانت موجوده بينى وبين الفنيين فى مركز كوين سرفس ....لما جالى فنى السمكره وكلمته على كلبسات الاكصدم بعد معملها ندهلى ودخلت شفتها ولما فنى العفشه ربط مسامير العفشه جالى وجربنا العربيه خارج المركز لكن مش هفضل طول الصيانه واقف معاهم......لاكن ممكن تخش الورش تكلمهم فى حاجه او تشوف حاجه وتخرج تانى......وياريت ده يستمر على طول دى كانت اول صيانه ليا مش عارف بعد كده هيستمر ده ولا الغزاله كانت رايقه فى المركز اليوم ده

رد: مركز الخدمه والصيانه ؟؟؟؟؟؟؟؟؟؟؟؟؟؟؟
 

يا دكتور . انا اصلى باتكلم لأنى لامس الفرق الكبير بين مركز زى ابو الفتوح فى (سبيرانزا) ومركز تانى متواضع زى ( شركة النصر ) ومركز صيانتها اللى فى غمره . لأنى عندى فيات 128 مو 2007 ولما باروح اعمل الصيانه بتاعتها بتكون العلاقه بينى وبين الفنيين مباشره : أسأل . وأقترح . وأستفسر . وأشرح . وأستفيد . وفوق كل دا باشوف اللى بيحصل فى العربيه مباشرة وباعرف ايه اللى اتعمل وايه لأ . عكس مراكز زى غبور وابو الفتوح .