|
صوت غريب فى ناحية العجله اليسرى اول متبدا العربيه تجرى
السياره جاك b15 عمله 2410 كيلوا لاأركبها بصفه مستمره لآن العربيه معايه من يوم 27 /5/ 2010 ( 1)جبتها من مصر وسافرت بها الى بورسعيد ( 2 ) سافرت بها مره اخرى بعد الترخيص الى القاهره والعوده الى بورسعيد فى نفس اليوم وده بعد السفريه الأولى بحوالة 20 يوم (3 ) العوده مره اخرى لعمل صيانة الألف بلقاهره والعوده ثانى يوم لبورسعيد (4 ) السفر الى المحله الكبرى والعوده فى نفس اليوم (5 ) السفر اليوم لرأس البروالعوده اليوم ---وهنا حدثت المشكله !!!!!!!عند وصولى لرأس البر سمعت صوت غريب عباره عن ونه اسمعها لما امشى يعنى والعربيه وقفه مفيش اى صوت وهذا الصوت مصدره يأتى من الناحيه اليسرى للعجله الأماميه وهذا الصوت مثل صوت السياره وهى راجعه مارشدير بس الصوت بيبقى عالى -- يعنى الصوت بيعمل كده -- عنننننننننننننننننننن وبيبقى متواصل --- ارجوا محدش يضحك بخصوص التشبيه لأنه تشبيه مضحك أنا عارف ولكن مش عارف اوصلكم ماحدث بلضبط بخصوص الصوت ولكنها ونه او زنه اوكأن العربيه بتعتل على طول --- مش عارف هل ده صوت كوبلن ولا اكس العجله الشمال مش فاهم حاجه الحقيقه لأن دى اول مره تحصل فى عربيه اسوقها وكما قلت لحضراتكم استعمالى للعربيه خفيف يعنى مرحتش بيها مكتبى غير خمس مرات بلعدد على الرغم من انى ساكن فى بورفؤاد والمكتب فى بورسعيد ومنطقه بعيده فى بورسعيد يعنى مشوار حوالى عشره كيلو من منزلى الى المكتب والحمد لله لم تحدث اى مشاكل يعنى منزلتش فى حفره او دخلت فى مطب بسرعه عليه يعنى مفيش اى حاجه لها رد فعل مؤزى للعربيه لأنى مليت السواقه فى بورسعيد فجأه البلد اتملت عربيات والبلد عندنا صغيره ومتستحملش الزحمه وللأسف البيسوقو جديد عندنا كتير قوى ويزهقوا ويخلوك تحرم تسوق للأسف البلد مش مستحمله هذا الكم من السيارات المهم !!!! هل اجد مبرر او معنى لما حدث ---- الرجاء المشوره الى ان اذهب فى صيانة الخمسة الاف ولكم جزيل الشكر وكل سنه وحضراتكم بخير .....
|
رد: صوت غريب فى ناحية العجله اليسرى اول متبدا العربيه تجرى
او اذهب الى الوكيل ل4BY4تغيير بلية عجل امامى لان كل السيارات الجديدة لا تشحم البلية مقفولة
|
رد: صوت غريب فى ناحية العجله اليسرى اول متبدا العربيه تجرى
أنا من رأيى خلى ميكانيكى يفك العجل ويكشف على الصره يمكن يكون فى تراب او طينه دخلت فيها من غير ما يفك الصره ويلعب كتير....لو الصوت فضل موجود أمرك لله روح التوكيل لان الصوت ده ممكن يكون بليه صره وممكن يكون راس كوبلن وخلى بالك التوكيل فى ابو رواش اتنقل جنب مصنع الفيروز وجنب مرسيدس وياريت تتصل بمركز الخدمه السريع للتأكيد.....وطمنا ضرورى يأستا ذ أيمن...
|
رد: صوت غريب فى ناحية العجله اليسرى اول متبدا العربيه تجرى
مش عارف بس ان شاء الله مشكلة بسيطة ويسهل حلها يعنى
وتمنياتى شخصيا بحلها فاسرع وقت الحمد الله العربية عدت ال 4200 كيلو وتمام ومفيش اصوات بس كنت عاوز اعرف هل حد خلى العجل نيتروجين لوا لا؟ |
رد: صوت غريب فى ناحية العجله اليسرى اول متبدا العربيه تجرى
اقتباس:
هى غالبا بلية بنسبة كبيرة علشان تتأكد او تسمعها افضل خلى حد يزق العربية وهى مبطلة هتحس ان العربية تقيلة ف الزق مش بتتزق بسهولة بالاضافة انك هتسمع صوتها بشكل واضح وهتتأكد من مكانة بالظبط من انهى عجلة |
رد: صوت غريب فى ناحية العجله اليسرى اول متبدا العربيه تجرى
الف شكر لكل من ساهم بلرد وسوف اذهب الى ميكانيكى ليسمع الصوت معى ونعرف ايه الموضوع بلضبط ---- وربنا يستر --- الف شكر مره اخرى وكل سنه وحضراتكم بخير
|
رد: صوت غريب فى ناحية العجله اليسرى اول متبدا العربيه تجرى
الأخوه الأعزاء -- اشكركم مره اخرى على التواصل --- واود ان انقل ماحدث اليوم -- قبل ان اذهب الى الميكانيكى قلت اجرب واسمع الصوت مره اخرى ووجدته ماذال موجود وفى طريقى للحرفيين ببورقؤاد يوجد طريق فاضى قلت اجرب واعمل مناورات بلدوران يمين وشمال حتى اختبر الكوبلن الشمال بلذات ووجدت ان الزنه مش مسموعه قوى الا فى طريق مستقيم وتذكرت نصيحة الأخ /nic egypt --- بأن اقوم بزق العربيه حتى اسمع الصوت كما انه اذا حدث وكانت العربيه ثقيله فى الزق يبقى العيب يكون هو بليى العجل هذا طبقا لما قاله الأخ الفاضل ----- المهم عملت كما نصحنى كتر خيره زقتها كذا مره الى الأمام والخلف ولم اسمع صوت فقلت اتوكل على الله واروح للميكا نيكى وانا فى طريقى الصوت راح تماما وتعمدت ان اسرع وأخش فى مطبات ولم اسمع صوت والحمدلله ومش عارف هل الحصل حاجه فى كوبلن ولا البليى الخاص بلعجل مش عارف ---- ولكن مرى اخرى احمدالله على --- وهذا ماحدث بلضبط ---- وفى انتظار اصحاب الخبره فى صدد هذا الموضوع --- لأنه بلفعل لم يحدث معى فى اى عربيه سابقا !!!!!!!!! وتحياتى لكم جميعا ........
|
| الساعة الآن 01:41 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017