سؤال ضرورى فى المستعمل
 

انا لاافهم فى السيارات وعايزة سيارة فى حدود 23000وناس رشحوا لى برايد سيدان
او اونو عشان السعر وجدت 2002سعر25500 1100سى سى و20600كم
واخرى 94ب22000 1000سى سى و15000كم
وفى سنة 94 ايضا ب35000 فما المقصود بالسى سى وعدد الكم
وسبب التفاوت فى الاسعار وعلى اى اساس اختار
وهل فى احسن بنفس السعر
وهل بايد او ايديا الصينى استعمال خفيف كويسين
الاسعار فوق بخصوص الاونو
الشكر الكبير للى يفيدنى

رد: سؤال ضرورى فى المستعمل
 

اهلا و سهلا نور معانا في مصر موتورز
بالنسبه لعداد ال كم دا بيوضح العربيه ماشيه قد ايه خلال عمرها
و العربيات اللي انت جايباها دي مشكوك في عدادها لان مافيش عربيه بالعمر دا و ال كم بتاعها قليل بالشكل دا
بالنسبه للسعر فالمتوسط فعلا في اوائل العشرينات لحد 25 بالنسبه للاونو
و ممكن واحد يكتب تمن عالي و يقول ممكن واحد ما بيعرفش حاجه يجي يشتريها

رد: سؤال ضرورى فى المستعمل
 

بخصوص الكيلو متر ازاى اعرف انه العداد مظبوط مش ملعوب فيه؟؟

رد: سؤال ضرورى فى المستعمل
 

من الصعب تعرفها بالعين المجرده
لكن العداد الانالوج لما بيتلعب فيه عمر الارقام ما بتبقي علي استقامه واحده ابدا
و دا مؤشر ان العداد ملعوب فيه
اما العداد الديجيتال مش بيبان فيه اي حاجه نهائي
ممكن بقي شكل العربيه العام يحدد حالتها
زي مثلا ما يبقاش العداد عامل كم قليل و الاقي الكراسي هابطه او علامه الاضاءه علي الدراع ممسوحه.
او مثلا ما تبقاش العربيه عامله 40 الف كيلو و الاقي دواسه الفرامل و الدبرياج الكاوتش تبقي ممسوحه او مش واضحه كويس و كذلك الكاوتش برضه ما تبقاش العرببيه عامله 20 الف كيلو الكواتش وحش او ممسوح
كل دا بيدل ان العربيه مستعمله استعمال كبير

رد: سؤال ضرورى فى المستعمل
 

ردوا على فى الصينى ومعلومات اكثر عن الاونو

رد: سؤال ضرورى فى المستعمل
 

اول حاجة الاونو احسن من البرايد من وجهة نظرى ..

تانى حاجة ممكن سعر العربية يتفاوت حسب سعة الموتور cc وحسب حالة العربية بس 35000 الف دى مبالغ فيها شويه وغالية اوى ...

حاولى تجيبى عربية فبريكة قدر الامكان وخصوصا الموتور وعاينى العربية كويس وانتى بتشتريها ومتتكشفيش خالص وجربى الحاجة الصغيرة قبل الكبيرة ومتسيبيش زرار غير لما تجربيه وكمان ضرورى قبل ما تشترى تاخدى العربية لميكانيكى وعفشجى وكهربائى وسمكرى يكشفوا عليها ...

وكمان لازم يكون معاكى حد بيفهم كويس فى العربيات وانتى بتتفرجى عليها وحاولى تطلعى فيها (القطط الفاطسة) علشان تنزلى السعر مع صاحبها ..

يا رب اكون افدتك ...

رد: سؤال ضرورى فى المستعمل
 

والله فكر اولا ان تكون سيارتك ان تكون امينه عليك انت واءسرتك ولا تضع نفسك في علبه من البلاستيك او اللدائن كما يسمونها وتكون السياره عاليه عن الارض في حالة تحميلها بلاءفراد انت عارف البلوعات ومطبات مصر الحبيبه وان يكون قطع غيارها معقولة السعر ولا تجري وراء الموديلات صدقني هذا الكلام بمنتهي الامانه اقوله