العربيات المتقطعة
 

السلام عليكم
انا فى فكرؤة بتدور فى دماغى بس مش عارف صح ولا غلط

فى محلات بلاقيها حاطة عربيات متقطعة
فيها ايه لو الواحد جمع العربية يبعنى يشترى النص اللى قدام و اللى وراا و الاربع ابواب
و كده
بس اللى مش فاهمة فى الموضوع والورق بتاع العربية اللى اتعملت دى ايه نظامة
يعنى لما تروح تشترى عربية جديده بيبقى فى عقود وكده
العربية اللى هتتجمع دى هتبقى ظروفها ايه

رد: العربيات المتقطعة
 

بالنسبة لأى عربية معلقة أى نمر سواء , ملاكى أو نقل أو أجرة أو خلافه , لازم يكون ليها ملف فى المرور , عشان كده بتقدر تترخص و تجدد الترخيص و خلافه .

لكن العربية اللى أنت هتجمعها , مش هيكون ليها ملف فى المرور و بالتالى مش هتقدر تعلق عليها أى نوع من النمر ( اللوحات ) و بالتالى مش هتقدر تسوقها فى الشوارع المصرية العظيمة .

هوه ده الموضوع ببساطة و طبعا سيبك من أى حد فلحوس و عامل أنه ناصح و ماجبتهوش ولادة و يقولك , يا باشا , مالكش دعوة , هات أنت بس العربية و أنا هجيبلك الورق بتاعها , لأنه لو كان يعرف , كان هوه جاب عربيات من غير ورق و ضربلها ورق للصبح و حتى لو ضرب ورق و جابهولك , هيبقى تزوير و لو اتمسكت , هتروح فى 60 ............. لأنها بتبقى قضية أمن دولة ( مش عارف ايه علاقة أمن الدولة بالظبط ) و لو ثبت أن فيه حد من الظباط الكبار اللى فى المرور متواطئ فى الموضوع ده , بيتشنير و بيتشنبر , ده غير أن اللى ضربلك الورق ده , لو اتعرف و اتمسك , من أول قلم POLICEEفى القسم , هيقر و يعترف عليك و على كل اللى ضربلهم ورق , حتى لو كانت أمه !!!!!!!!, طبعا , ده غير أنه بيكون حرام جدا لأنك بتكون بتاكل مال عام و ده بيبقى حراااااااااااااااااام , لأنك مهما عملت بعد كده , مش هتعرف ترد المال ده لأصحابه , اللى هما عامة الشعب .

الموضوع ده لو عايز تلعب فيه صح , ممكن تصطاد العربيات اللى بتبقى عاملة حوادث و مدعووووووووووكة على الآخر و تشتريلها عربية نفس اللون و الموديل و الشكل من بره و تقطعها و تبعتها مصر و تصلح بيها العربية المدعوكة دى , أو أنك تروح المزادات بتاع الهيئة العامة للخدمات الحكومية و دى هتلاقى فيها عربيات حالتها زباااااااااااااااالة , ممكن تشتريها و تصلحها بنفس الطريقة , هما دول الطريقين السلام للموضوع ده .

آسف للاطالة و شكرا جزيلا

رد: العربيات المتقطعة
 

تمام كده فعلا لو عندك عربيه حوادث ينفع معها الكلام ده لو معندكش متفكرش فى الموضوع من اساسه

رد: العربيات المتقطعة
 

يعنى لازم يكون لها ورق فى الاصل علشان تترخص

رد: العربيات المتقطعة
 

هوه ده الكلام الصح

رد: العربيات المتقطعة
 

الله ينور +1

رد: العربيات المتقطعة
 

كلام السيد مرسيدس صح الصح وأشكره بالنيابة عنك على التوضيح