مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   ﻻنوس (دايو - شيفروليه) (https://www.masrmotors.com/vb/forumdisplay.php?f=153)
-   -   فى تخبيط أمامى عند دوس الفرامل فجأة ...! (https://www.masrmotors.com/vb/showthread.php?t=34497)

tamer0000 09-09-2010 12:17 PM
فى تخبيط أمامى عند دوس الفرامل فجأة ...!
 
التيل الأمامى خلص وغيرته بواحد جديد نمساوى .. وكله بقه تمام لحد ما بدأت أسمع صوت تخبيط لما بفرمل فجأة .. ولو فرملت بالراحة مفيش صوت خالص .. كمان مفيش رعشة خالص فى السرعات العالية ولا حتى لما بفرمل .. كمان مفيش تصفير خالص .. فى السواقه العادية مفيش مشكلة ... حد عنده فكره ايه السبب مع العلم ان التخبيط ناحية الجهه الامامية اليمنى فقط ... انما الجهه اليسرى فسليمه ومقيش صوت .. أرجو النصيحة مع الشكر ..

احمد على 1999 11-09-2010 11:36 AM
رد: فى تخبيط أمامى عند دوس الفرامل فجأة ...!
 
لازم العجلة تتفك و يتبص كويس و يتراجع على خطوات تغيير التيل ممكن فى حاجة مش متثبته كويس و مبتبانش فى الاحمال الخفيفة لكن مع الحمل العالى العزم بيبقى عالى على مجموعة الفرامل فلو مش متثبتة كويس ممكن تلف فى مكانه و تصتدم بالطنبورة
f86b1903-b5fd-40b6-b1c0-d14776472b48
1.03.01

mahdyez 14-09-2010 01:55 AM
رد: فى تخبيط أمامى عند دوس الفرامل فجأة ...!
 
اخبار العفشه ايه

tamer0000 17-09-2010 01:57 PM
رد: فى تخبيط أمامى عند دوس الفرامل فجأة ...!
 
المشكله اتحلت يا جماعة ... والمفاجأه كانت ...................
......................... ........ تيل الفرامل طلع مغشوش !!!!!!!!!! أول ما غيرت بالتيل الآصلى الى تمنه فوق 200 جنيه من التوكيل التخبيط اختفى !!!!
ممكن بقى من حضاراتكم تبلغونى بعنوان وارقام ادارة حماية المستهلك علشان أبلغ فى المحل اياه فى شارع دمشق الى أكدلى ان التيل ده أصلى 100% وأرخص 50 جنيه كمان ... ومش عاوز أألكم العلبه هيه هيه والشكل نسخه طبق الاصل من التيل الأصلى ... لكن أأقول ايه فى ضماير الناس الى بقت فى الأرض ... حسبى الله ونعم الوكيل فيهم .. التوكيل أكدلى ان ربنا ستر والتيل المضروب بان على حقيقته قبل ما كان هيبوزلى الدنيا ... !! .. منتظر ردودكم بخصوص حماية المستهلك مع جزيل شكرى لمشاركتكم ..!

corsair 17-09-2010 02:11 PM
رد: فى تخبيط أمامى عند دوس الفرامل فجأة ...!
 
كلم 140 دليل واتصل بحماية المستهلك وبلغهم وابعتلهم صورة الفاتورة علي الفاكس واسم المحل وعنوانه وياريت كل الناس زيك كدا يا استاذ تامر

tamer0000 26-09-2010 06:53 AM
رد: فى تخبيط أمامى عند دوس الفرامل فجأة ...!
 
اقتباس:
المشاركة الأصلية كتبت بواسطة corsair (المشاركة 248439)
كلم 140 دليل واتصل بحماية المستهلك وبلغهم وابعتلهم صورة الفاتورة علي الفاكس واسم المحل وعنوانه وياريت كل الناس زيك كدا يا استاذ تامر
كلمت حماية المستهلك على 19588 وللأسف قالولى الفاتورة الى معاية صالحة حتى 15 يوم من تاريخ الشراء !!! ومادام التيل عدى عليه شهرين هما ما يقدروش يعملولى حاجة!!!! بالزمة ده رد؟؟؟؟؟؟

حسبى الله ونعم الوكيل فيهم جميعا !!!!!!!!!!!!!!!!!!!

hazem_khidr 26-09-2010 03:11 PM
رد: فى تخبيط أمامى عند دوس الفرامل فجأة ...!
 
هو كلامهم صح لو في حاله انك عاوز ترجع التيل و تاخد فلوسه
انما ممكن تعمل بلااغ في المحل عادي جدا لانه بيقدم بضاعه مغشوشه.
دا لو في حاله ان التيل مغشوش فعلا و الصنايعي اللي ركبه ركبه صح.
لان ساعات التوكيلات بتعمل افلام كبيره علشان تقنعك انك ممكن تموت لو ما عملتش الصيانه في التوكيل!!!
و يكبروا الموضوع زي ما الموضوع كبر معاك كده بالضبط
اصل حته الحمد لله انك جيت قبل ما التيل يبوظ الدنيا ليه يعني؟؟
ايه اللي حيحصل ما العربيه بتمسك فرامل و الطنابير استحملت التيل لمده شهرين ما حصلش فيها حاجه.
ايه بقي اللي كان حيتدمر من التيل؟؟ العفشه و لا المساعدين و لا بدال الفرامل ههههههههه


الساعة الآن 05:27 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017