مصر موتورز مجتمع السيارات - عاوز أنظف الرشاشات بتاعت البنزين

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - عاوز أنظف الرشاشات بتاعت البنزين (https://www.masrmotors.com/vb/showthread.php?t=34051)

عاوز أنظف الرشاشات بتاعت البنزين

عاوز أنظف الرشاشات بتاعت البنزين علشان افوق العربيه ..وسمعت ان فى سائل بينحط فى تانك البنزين بيعمل كده ...عاوز اعرف
1- اسمه ايه
2-بكام
3-اجيبه منين

رد: سؤال الى خبراء المنتدى

فيه أنواع كتير, أشهرها stp و gunk, فيه اللى بينضف الرشاشات بس وسعره بيبدأ من 20 جنيه وفيه اللى بينضف دورة البنزين كلها وده فى حدود 50 الى 70 جنيه على ما أذكر وهكذا.

المكان أى بنزينة وسط المنتجات المعروضة, أو أى فرع ل on the run وعند معظم محلات قطع الغيار والكماليات.

وبيتحط على تفويلة كاملة أو نص تفويلة حسب التعليمات اللى على العلبة, ولازم تقرا اللى على العلبة كويس قبل ماتشتريها وتستعملها لأن اللى بيبع غالبا هيفتى عليك ومش هيبقى عارف حاجة.

المشكلة أن فى ناس جربت الحاجات ديه وبتحلف بيها, وناس جربتها ومحستش بحاجة.

وفيه طريقة تانية للتنضيف وهى الألتراسونيك, وده بيعمل حوالى 100 جنيه وهتلاقيه موجود فى الحرفيين, والطريقة دى أحسن طريقة للتنظيف لأنه بيخلع الرشاشات وينضفهم على المكنة.

وربنا يوفقك لما فيه الخيرROSE4U.

رد: سؤال الى خبراء المنتدى

مشكور يا انشكشن باشا و الله انت عضو محترم

رد: سؤال الى خبراء المنتدى

ياريت لو حد يعرف معلومه تانى فى الموضوع دا يقولى

رد: سؤال الى خبراء المنتدى

يا جماعه عاوز معلومات كمان فين الخبراء الكبار

رد: سؤال الى خبراء المنتدى

ما شاء الله انجيكشن بيرد رد وافى
انا عن نفسى بصفة دورية بحط منظف الرشاشات الى قال عليه انجيكشن و مرة واحدة حطيت بتاع الدورة كاملة و كان ب 50 جنيه
موضوع ان انت تحس بفرق مش حيحصل الا اثناء وجود البنزين المضاف اليه العبوة لان المركبات دى بتبقى زى وقود الطائرات لكن بعد ما التفويلة تخلص مش حتحس بحاجة الا لو فعلا الرشاشات كانت حالتها سيئة و ساعتها حيبقى ال الالتراسونيك حيبقى احسن
لكن الى رشاشاته سليمة المفروض يعمل موضوع العبوات كل 20000 كم مثلا كاجراء وقائى علشان يطول عمرها كذلك لا ينصح بالاستخدام المفرط لانه ممكن يبوظ الرشاشات

رد: عاوز أنظف الرشاشات بتاعت البنزين

طيب دلوقتى انجكشن واحمد على ردو اقول ايه انا بقى :)

انا برضو بستخدم منظف دورة الوقود للانجكشن - لان فيه انواع للكربراتير من انواع Gunk & STP برضو بس فاكر انى بجيبهم ارخص من كده بكتير فى حدود 20 - 30 جنية بس خد بالك اون ذى رن غالى ممكن تجيبها من هايبر او كرفور او شارع دمشق او التوفيقيه ارخص بكتير

منظفات الرشاشات ديه مش حاجة بتحسن الاداء بشكل مباشر انا بحطها قبل الصيانة الدورية ال 10 الاف او العشرين مثلاً بحط العبوة على صفيحة بنزين 20 لتر واجرى بالعربيه طوالى واحرق وكيك دون لحد ما احس انى جبت اخر الرشاشات بعديها بسقط الزيت واغير فلاتر هواء وبنزين وزيت والصيانة الدورية عموماً وطبعاً بحس بفرق مع كل الحاجات ديه

لكن هى لوحدها مش هتحس بفرق طبعاً ولو الرشاشات بايظة بجد يبقى لازم تنظيف بالمكنة لكن ديه حاجات للمحافظة على الرشاشات مش تحسين ادائها

وخد بالك انك لازم على الاقل تغير فلتر البنزين بعد استخدام المنظفات ديه علشان الرواسب الناتجة من التنظيف مترجعش لدورة البنزين تانى انا شخصياً بفضل اعملها مع الصيانة الدورية زى ما قولت سابقاً