شارك بنصيحة , شارك براي.......
 

مساء الخير عليكم جميعااا
الحمد لله اشتريت مازدا 323
و النهاردة جاي اسأل على حبة نصايح

من كام يوم و انا رايح كارفور عند مدخل كوبري سكينة.....و اذا بـ اتوبيس راح عمللى علامة صح على الباب اللي ورا و تقريبا قطع الصاج فـ حتة قد 5 سم
بس الراجل غلطان و نزل بيقولى مستعجل على ايه و عاوز ياخدنى بالصوت بس انا قلتله اتكل على الله طالما بسيطة و انا عوضى على ربنا.....

و النهاردة هههه كنت فـ العصافرة وما ادراك العصافرة و انا طالع من شارع المفروض اللي جاي شايفنى طالع يهدى , ولا كانه شايفنى و انا كنت متابع اللي جاي من ورا وهوب وروحت حكيت بلاكصدام ف اكصدام المكروباص.....جات سليمة جات سليمة و انا الاكصدام عندى كاوتش و الحته دة كانت متخيطة راحت فكت بس برضة بسيطة

للعلم كل دة بيبقى باليل.....لكن ف النهار مبيحصلش حاجة
وانا استنتجت ان السواقة بليل عاوزة دمااااااااااااغ تانيه غير الصبح خالص

هل بقى كل اللي بيحصل دة عادى !
و تنصحونى ارد الخبطات و الحاجات البسيطة دى اول بـ اول ولا استنى لما ابقى خلاص اخدت ع الطريق و السكة و العربية , واعمل كل دة مرة واحدة !

رد: شارك بنصيحة , شارك براي.......
 

اولا الف مبروك يا hooka ربنا يعطيك خيرها ويكفيك شرها

طبعا انت نسيت انا مين
ههههههههههههه


شوف يا سيدي انا من رأيي انك تصبر لما تتعود على ابعاد العربية والدنيا تتظبط معاك من غير مشاكل وبعدين ابقى اعمل اللي فيها كله مرة واحده
بس انت مقلتش بقى العربية عاملة معاك ايه
كويسة والا فيها مشاكل والا فيها مقالب و والا ايه
وخلصت على 23 والا عرفت تنزل معاه

رد: شارك بنصيحة , شارك براي.......
 

سيبها تاخد العين وبعد كدة فكر فى تظبيطها
والف مبروك عليك العربية ربنا يكفيك شرها

رد: شارك بنصيحة , شارك براي.......
 

هى السواقة كدة فى مصر .. هتلاقى ناس كتير بتسوق بعنف واكلة الطريق رايح جاى ... وكلام sad-bird مضبوط 100%

رد: شارك بنصيحة , شارك براي.......
 

الف الف مبروك عليك السياره
ربنا يعطيك خيرها ويكفيك شرها

رد: شارك بنصيحة , شارك براي.......
 

شكرا ليكم كلكم يا رجاله انا بجد حاسس انى بين اهلي و ناسي
@ sad-bird
كويسة مشيها حلو الحمد لله و خلصت على 23 مرضيش ينزل منها جنيه , المقالب هههه اول مقلب كان الزجاج بتاع الباب اللي ورا يمين , قال الدراع مفوت و النهاردة و انا على الدائرى لاقيت هوااا كدة قلت خير خير ببص لاقيته نزل لواحده هههه طلع الراجل زانقه بعصاية مكنسة هههه و عملته وزى الفل ولسه شكلي ياماا

بس حاسس كده انها بتاكل بنزين والنهاردة نازل لواحد يظبطلي الكاربراتير عشان الدخنة و ربنا يستر !

رد: شارك بنصيحة , شارك براي.......
 

خليه يكشف على الكربارتير والبوجيهات وبص على كل سيور العربية وبالذاااااااااااااات سير الكاتينة لو لقيت حالته نص نص غيره واخلص لان اللسعة منه هتبهدل الدنيا
انت بتقول فيه دخانه لونها ايه ومنين ؟؟؟