الطريق بقا ظلمه ولا عزاء للى نظرهم ضعيف
 

السلام عليكم ورحمه الله و بركاته
فى حاجه انا شايلها فى نفسى بقالى حوالى شهر كده
الطريق الزراعى و الدائرى و اغلب الطرق فى مصر بقت شغاله عمود منور و عمود او 2 او 3 او 4 او 5 مطفى لدرجه انى بشوف العربيات كلها فى المرايه كشافات منوره ومبقاش عارف جاى من اليمين عربيه ولا 2 ولا 3 ..و من الشمال جايه تريلا ولا توك توك ..دا غير المقابل اللى ضارب العالى فى وشك لان المصدات بين الطرق قصيره و مش موجوده احيانا كثيره
ولا عزاء لضعفاء النظر

رد: الطريق بقا ظلمه ولا عزاء للى نظرهم ضعيف
 

عندك حق .. حتى وانت ماشى فى البلد ...ولاعزاء ليا

رد: الطريق بقا ظلمه ولا عزاء للى نظرهم ضعيف
 

حصلت معايا ومكنتش شايف الطريق فمشيت على الخط الابيض بتاع الاسفلت
ربنا يسترها معانا جميعا

رد: الطريق بقا ظلمه ولا عزاء للى نظرهم ضعيف
 

دا الحطومه الرشيده بترشد في استهلاك الكهرباء
و كمان وصلت الدرجه لقطع التيار عن بعض بلاد الارياف من بعد العشاء

رد: الطريق بقا ظلمه ولا عزاء للى نظرهم ضعيف
 

لنا الله يا حكومه وربنا علي الظالم والمفتري

رد: الطريق بقا ظلمه ولا عزاء للى نظرهم ضعيف
 

معاكم حق فعلا لله الامر من قبل و من بعد

رد: الطريق بقا ظلمه ولا عزاء للى نظرهم ضعيف
 

الكلام ده صحيح وحصلت معايا فى الطريق اللى انا بمشى فيه بصورة شبه يوميه معتش فيه نور خالص تقريبا وده لأن الحكومة عاوزة تخفف الضغط على شبكة الكهرباء بسبب موجة الحر اياها لأ واللى يغيظك اكتر يطلع عليك صحفى حدق يقول ان مفيش دولة متقدمة ملتزمة بتنوير الطريق وده لأن العربيات الحديثة فيها نور كفاية فمش محتاجة نور العمدان بتاع الحكومة وبهذا المنطق الغبى سيادته بيطالب الحكومة برفع ايدها عن نور الطرق يعنى عاوز يقول خلوها ضلمة