الفرق بين 128 و 127
 

(what)السادة الخبراء السلام عليكم أتمنى الافادة في هذا الموضوع لأنه شغل تفكيري هل أشتري 128 ولا أسترخص شوية وأجيب 127 على فكرة أنا لسة حديث جدا سواقة وأشكر جميع من يشاهد هذا الموضوع ويعطي الرئ ANAA7TG

رد: الفرق بين 128 و 127
 

انا كان معايا ال 128 بس معلش ال 127 اشد بكتير من ال 128 وعضمها ناشف عنها لكن ال 128 اوسع منها

وديه حرية اختيار بالنسبة ليك

رد: الفرق بين 128 و 127
 

انا كل اللى اعرفه ان ال128 اقوى موتيرها 1100 و1300 واوسع
لكن ال127 ضعيفه ومتورها 900 وبصراحه انا شيفها عربيه ملهاش لازمه
ده رئى
ندى صديق لى معاه 127 عمال يصرف عليها والعربيه برده مركونه وعطلانه
وقطع غيرها مش موجود زى ال1128 وانا لما زهقت قلتله بعها ومتقرفنيش

رد: الفرق بين 128 و 127
 

127 حوضها اقوى شويه ومبيفتحش زى ال128 لانه مش علب زى ال28 والخلاصه فى الموضوع ده الحاله يعنى لو قدامك 28و27 شوف اللى حلتها كويسه وتوكل على الله

رد: الفرق بين 128 و 127
 

GIFT4U شكرا لكل من أهتم بهذا الموضوع لكن محدش أتكلم عن قطع الغيار لية لو سمحتم أي معلومة عن قطع غيار السيارتان ومشكورررررررررررررررررررر ررررررررررررررررررررررررA NAA7TG

رد: الفرق بين 128 و 127
 

الفيات 128 سيارة شبابية وعائلية
أما الفيات 127 سيارة شبابية

وعن تجربة في الحالتين 127 عضمها
ناشف عن 128 لكن 128 موتورها
أقوى وصالونها وشنطتها أوسع من 127
وعندي في المنصورة قطع غيار السيارتين
متوفرين ومافيش فيهم أي مشاكل

رد: الفرق بين 128 و 127
 

الـ127 عربية حلوة وبنت حلال وشالتني أنا و المدام والطفلين كذا سنة..
هي كسيارة -في رأيي- أفضل من ال128 شكلاً وأداءاً -طبعاً ما عدا ال128 الممتازة- ورغم فرق السي سي لكن فرق الوزن لصالح ال127 أيضاً يقلل الفرق في الأداء...
طبعاً ال128 أوسع -خاصةً الشنطة- لكن لو معندكش عيال مش حتحس بفرق..
من حيث الشكل ناس كتير بتفضل ال127..
من حيث الصيانة و قطع الغيار... أظن الاثنين قريبين من بعض... هي هي مش فارقة كتير..
ال127 أسهل في الركن علشان حجمها أصغر و زجاجها الخلفي يسهل على حديثي القيادة تقدير أبعاد السيارة.. لذلك التعلم عليها أفضل للمبتدئين.. لكن من يتعود عليها يعاني فترة عند الانتقال لسيارة أكبر -وده طبيعي- لكن بيكون عدى مرحلة عدم الخبرة الاولى..
وفي النهاية حالة السيارة هي الاساس في القديم..