ايه أفضل نوع كاوتش ينفع للأم11
 

مساء الخير يا شباب .. و كل سنة و انتم طيبين ...
أنا عندى M11 و كنت عاوز أغير فردتين كاوتش لأن عندى فردتين تقريبا بايظين.. واحدة فيها اخرام كتير و واحدة فيها جزء من جنب الكاوتش متاكل نتيجة حادثة و احتكاك برصيف المشاة..
أنا شارى عربيتى و فيها كاوتش Good Year ...
و فكرت أجيب نفس النوع بس فى ناس قالولى انه مش كويس.. مش عارف ليه ..؟؟؟
يا ترى تنصحونى بايه .. بس لى شرطين ,انه يكون نوع كويس و يكون سعره معقول...
و يا ترى لما أجيب الفردتين الجداد الأفضل انى أركبهم فى العربية من ورا ولا من قدام ...؟؟؟
منتظر الاراء بسرعة لأنى عاوز اركبهم فى خلال يومين أو تلاتة بالكتير لأى ماشى بقالى أسبوع من غير استبن..
و أخيرا ألف شكر و رمضان كريم

رد: ايه أفضل نوع كاوتش ينفع للأم11
 

جيب زى الاصلى المتركب اصلا فيها بنفس الابعاد
وسؤال لية الجود يير مش كويس دى اسمها فذلكة من الناس وفلسفة مالهاش معنى
طبعا دة عجل محترم ونوع لا يستهان بة

رد: ايه أفضل نوع كاوتش ينفع للأم11
 

اهم نقطة فى موضوع الكاوتش انه يكون نفس المقاس اللى راكب او المقاس المسموح بيه للعربية

تاريخ انتاجه السنة دى 2010 ,ومعظم الكاوتش ماليزى وتاياندى وهندى احيانا

الكاوتش الجديد يتحط ورا مش قدام حتى لو العربية دفع امامى

رد: ايه أفضل نوع كاوتش ينفع للأم11
 

متشكر جدا على سرعة الرد غير المتوقعة دى .. و جزاك الله ألف خير..
معظم عربيات اسبيرانزا بتتسلم و فيها جود يير.. و الضمان عليها 6 شهور .. و أنا سمعت من ملاك فى الصيانة ان الكاوتش ده وحش و عمل معاهم حاجات زى بالونات صغيرة .. و لما اشتكوا فى أبورواش جابولهم مندوب شركة جوديير.. و طبعا ماخدوش معاه حق ولا باطل و قعد يقولهم ده سوء استخدام ( مش فاهم ازاى بصراحة )
و أبوالفتوح نزل أول دفعة من الأم11 كان فيها بيريللى و بعدين غير لجوديير..


طبعا يا أفندم أنا نقلت المقاس من على الكاوتش علشان أشترى زيه بالظبط
بس أنا يا جماعة كنت عاوز ترشيحات بناء على تجاربكم.. يعنى فى ناس نصحونى بال GT الأندونيسى و شكروا فيه جدا .. و فى ناس قالولى ضحى شوية و ماتركبش غير بريدجستون .. و أنا بصراحة محتار جدا

رد: ايه أفضل نوع كاوتش ينفع للأم11
 

معاك فلوس هات البردجيستون ولو ممعاكش الجى تى شغال مش وحش

رد: ايه أفضل نوع كاوتش ينفع للأم11
 

اخى العزيز لو فى عيب فى الاطار وهو لازال جديد لا علاقة ببريدجستون او جوديير او بيرللى الخ
ممكن يكون الاطار جديد لكن سوء تخزين او وضعية رص الاطار بتكون خاطئة
يعنى الاطار لازم يترص على المداس بتاعة مش يترص فوق زى ما بيعمل ساعات البعض خلاصة الكلام مالهاش هلاقة بماركة الاطار خاصة لو كان زى جوديير نوعية محترمة
وبالمناسبة شوف اللى بيقولك بريدجستون كان فى قضايا مرفوعة عليها فى امريكا انا فاكر وكان موضوع كبير اوى بسبب انقلاب عدة سيارات فورد دفع رباعى كانت تاتى جديدة مجهزة ببريدجستون طبعا مش معناه انها لازالت اطارات سيئة
المهم لو اطارتك بحاله جيدة لا داعى لتغييرها انما لو كانت فى حاله غير امنة فطبعا قم بتغيرها لكن حاول انك تستبدلها باطارات ذات نفس خصائص الاطارات الاصلية المجهزة بها سيارتك حتى تحصل على افضل اداء مع اقتصادية تشغيل حسب توصيات الصانع انا شايف ان هانكوك لها سوق كبير فى مصر وكثير من الصانعيين بيجهزوا سيارتهم بها كاطارات اصلية وبالتالى والله اعلم ممكن معظم المتوفر منها فى السوق المصرى جيد لانة تقريبا الطلب علية جيد وربنا يوفقك

رد: ايه أفضل نوع كاوتش ينفع للأم11
 

بلاش GT مهما كانت جيدة لا تصل لمستوى الاطارات العريقة الاخرى خاصة ان دة بيبان مع السرعات العالية والحرارة والاسفلت وفعالية الاطار ومدى تماسكة بالطريق مع زيادة سخونتة
انصحك بالصانعيين العالميين خصضوصا لو بتسافر كتير