|
عايز اركب Sound System فى العربية
سلام عليكم و رمضان كريم عليكو يا رجالة نيل موتورز ..
انا لسه جايب مازدا 3 الجديدة و انا الصراحة مش عاجبنى السماعات بتاعتها ف دلوقتى انا عايز اركب 4 سماعات على البوردة و الى اعرفه انى محتاج بوردة جديدة و GM & Amplifier & RD مع ال 4 سماعات ف عايز اعرف ايه اقوى حاجه و اجيبهم منين مع العلم ان الفلوس مش مشكلة المهم الصوت يكون قوى جدا عشان مش عايز اركب صبات و بازوكا و الجو دا يا ريت حد يقولى اعمل ايه و شكرا |
رد: عايز اركب Sound System فى العربية
الف مبروك العربيه الجديده ربنا يحفظك ويحفظهالك من كل شر
اما بخصوص الصوت ولوازمه عليك وعلى ارابكوم عندهم تعديل للصوت على ايدى محترفين الختيار الثانى مركز كينوود واسأل على الا jbl او البلو بنكنت |
رد: عايز اركب Sound System فى العربية
الف شكر على رد بتاعك الجميل .. بس ارابكوم موجود فين و كمان الاسعار هاتبقى ازاى و شكرا ليك مرة تانية
|
رد: عايز اركب Sound System فى العربية
دور على 4 سماعات بايونير 460 وات وهات جى ام JEC 2000 وات 4 تشانيل وهات صباية بايونير 1400 وات وتجيب فارغة بازوكا من عند فانتازيا وجى ام سيمفونى 700 2 تشانيل واسمع صوت صح ووطى بيز السماعات وارمى على البازوكا
|
رد: عايز اركب Sound System فى العربية
لالا يا برنس الليالى انا مش عايز صب و لا بازوكا انا عايز بس 4 سماعات بس عايز اجيب اقوى حاجة
|
رد: عايز اركب Sound System فى العربية
زى ما قال لول باشا, حضرتك هتجيب سماعتين كينوود دبل بيز بيضاوى يركبوا ورا, بحوالى 390 جنيه وسماعتين مدورين بايونيير قدام من 90 جنيه الى 120 جنيه, وهتسمع صوت جامد جدا, وبعد كده لو عايز أحسن ممكن تركب أمبليفاير (جى أم) أثنين قناة300 وات للسماعات الكينوود وساعتها هتسمع أجمد صوت ممكن تسمعه من غير صب وبازووكا.
أنا أنصح حضرتك تروح مول سبير كار, عندهم تشكيلة كبيرة وحلوة وهينصحوا حضرتك تركب أيه وهما اللى هيتولوا مهمة التركيب بأحترافية, وأسعارهم حلوة, والعنوان موجود فى المنتدى بتاعهم. |
رد: عايز اركب Sound System فى العربية
الف شكر يا رجالة
|
| الساعة الآن 04:11 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017