طعنة في قلب "رينو" (ميجان بالتحديد)
 

قبل أي حاجه إللي عنده اعتراض على الموضوع ده يتصل بشركة "بيت التأمين المصري السعودي"

http://www.esih.com.eg/Branches.aspx

ويستفسر منهم ويعرف إيه الأسباب

------------------------------------------------------------------------------------------------

الحكاية اني حبيت أغير شركة التامين إللي أنا مأمن تبعها السنة دي فقلت لنفسي أجرب التأمين التعاوني التكافلي ده واتعرف عليه عن تجربة

وإللي مايعرفش التأمبن التعاوني التكافلي (الأسلامي)يقدر يقرأ عنه من خلال الموقع الخاص بالشركة

http://www.esih.com.eg/Default.aspx

ولما قلت للموظف أني هائمن على الأوكتافيا و الميجان قاللي الأوكتافيا OK لكن الميجان لاااااااااااا


طبعا أنا أستغربت جدا جدا من الرد العجيب ده
أشمعنى الميجان لأه ؟!!!!!!!!!

قالك لانها فيها عيوب كتير واحنا ما بنأمنش عليها

وبعد حوار مطول عشان اوصل للنقطه الجوهرية لعدم تامينهم على الميجان (لاني بصراحة ماقتنعتش بحكاية العيوب دي لأنه بيأمن على البودي مش على كل الأجزاء) قاللي أن الإير باج بيفتح ساعات لوحده وفي أقل الحوادث مما يكلف الشركة مبالغ طائلة
وقاللي مش احنا بس إللي مابنأمنش على الميجان في كمان شركات تامين تانيه مابتأمنش على الميجان

أنا بصراحة شايف إن في حاجه غلط في الحكاية دي

وياريت لو حد عنده طولة بال يعرف إيه سبب رفض بعض شركات التأمين التعامل مع مالكي الميجان

رد: طعنة في قلب "رينو" (ميجان بالتحديد)
 

يا باشا أنت بس تأمر...................

أنا كنت مأمن معاهم لحد شهر 6 اللى فات وغيرت للدلتا

سبب عدم التأمين هو أنهم شايفين أن قدع غيار الفرنسى والألمانى مبالغ فيها وكلفتهم كتيييير قوى فى حوادث السنة اللى فاتت.....واللى أتقالى ساعتها أنهم بيفكروا يرفعو سعر التأمين على الفرنسى والألمانى.......

سيبك بأه من قصة التأمين التعاونى التكافلى الأسلامى اللى بيقولو عليه فى بيت التأمين المصرى السعودى عشان هما أصلاً ما بيصدقو يعرفو ينصبو عليك فى أى حاجة.

أنا شهر 8 سنة 2007 كنت بغير الأكصدام الأمامى عندى و رشيته وقولت أرش الخلفى بالمرة زكنت بغير فانوس شبورة كمان........القاتورة مش فاكرها بالظبط بس كانت تقريباً 3000 جم........يخصمو منها 500 جنيه أهلاك ليه ؟؟؟؟؟
هو أصلاً اللى أعرفه أن نسبة الأهلاك بتبقى فى الحاجات الميكانيكية.....أو لو عدا على العربية فترة من ساعة التأمين وكان سعرها نزل.....لكن يأمن عليها وبعديها بشهرين يقولى أهلاك ويخصم 1\6 الفاتورة ؟؟؟؟ أمال لو كان عدا 11 شهر كان دفعنى فلوس فوق الفاتورة ولا أيه؟؟؟؟


بايو باشا...............يا ريت متصدقش كلام مندوب تأمين بيحاول يلاقى أى حجة يطلع بيها من الموقف اللى هوه فيه
خلينا نشوف أنت وأنا أيه اللى حصل معانا........أنا العربية معايا ماشية 82 ألف كم وأتخبطت مرة أول أمبارح.....واحد أبن حلال كان عاوز يلف U Turn عكسى وجاى من أقصى اليمين و أنا فى أقصى الشمال ومن غير ما يبص.......خبطلى المراية والباب الأمامى يمين.............و فى شهر 8 سنة 2007 ,انا ماشى فى طريق الساحل خبطت كلب بزاوية العربية اللى قدام الشمال أدت لكسر الأكصدام الأمامى والفوج
مش لو الأيرباجز بتفتح لوحدها كان الأولى أنها تفتح فى الحوادث دى ؟
و أنا برضه فهمت من حضرتك أن بتعمل كيلومتر عالى......ممكن تقولى أيه اللى حصل فى الأيرباجز عندك ؟

المندوب بيقول كده لأن جالهم حوادث كتير الأيرباجز فاتحة فيهم وهو طبعاً بخبرته العلمية المعملية الفذة شايف انها خبطات لا تستحق أن الأيرباج تفتح.....وهتلاقيه بيقول بينه وبين نفسه ".أيه يعنى لو الراجل أتخبط فى الدركسيون ولا فى الأزاز....خبطة صغيرة مش هتأثر.....وبعدين ما هو لو مكتوبله أنه يموت هيموت حتى لو 1000 أيرباج فتحت"

رد: طعنة في قلب "رينو" (ميجان بالتحديد)
 

رد: طعنة في قلب "رينو" (ميجان بالتحديد)
 

حضرتك مش محتاج سبب او ان حد يقولك ان العربيه كويسه او وحشه.... مش مهم الناس كلها تقول الميجان تحفه و هايله ومفيش زيها ..... ( مع كل احترامي ل tronky و بالرغم من ولعه الشديد بالميجان اللي هو حقه ) كفايه انها مش عجباك ... انت اللي بتختار العربيه و تشتريها وانت اللي بتبيعها .... ليه تستحمل عربيه مش على مزاجك.... العشرة ؟!! ولا كلام الناس؟!!

بيــع يا لطفي على رأي محمد صبحي
على الاقل عشان تستريح و نستريح معاك .... والله صعبت علياptmnlo123per191

اهو يا عم tronky طلعلك اهه ... وطلع عارف الموضوع والرد جاهز.... (ابوس ايدك يا tronky ارحم payoo شويه ..... ده لو عفريت مكنش لحق رد عليه بالسرعه دي.... ولا انت كنت مجهز الرد؟!!!!!

رد: طعنة في قلب "رينو" (ميجان بالتحديد)
 

مش كده برضه ؟..... أنا بس بحاول أنى أساعده يحب الميجان شوية طالما مش هيبعها ptmnlo123per1114

الصدف السعيدة يا باشا.......أنى لسه مخلص تأمين معاهم من كام شهر......وطبعاً حبيت أعرف السبب ليه مش عاوزين يأمنو.......بس الفرق أنى سألت مندوب التأمين اللى بنتعامل معاه فى الشغل......... وهو مندوب مستقل بالمناسبة أو تقدر تقول عليه وكيل شركات تأمين.....منهم بيت التأمين المصرى السعودى.......و بالتالى الرد كان مختلف زى ما شفتوا كدا ptmnlo123per193

وبالنسبة للرد.........يا باشا أنا أى شئ يخص عربيتى تلاقينى جاهز أن شاء الله ( أى عربية عدت عليا مش الميجان بس)ptmnlo123per179

رد: طعنة في قلب "رينو" (ميجان بالتحديد)
 

الف شكر ليك يا هاني باشا علي موضوعك
الميجان بصراحه ناس كتير اشتكت منها
و السوق مش عبيط او اهبل علشان يقول علي عربيه كويسه انها وحشه فعلا
مع احترامي لجميع ركابها
بس عربيه زي دي عاوزه اوربا و دخول مرتفعه مش الدخول بتاعتنا ابدا

رد: طعنة في قلب "رينو" (ميجان بالتحديد)
 

طب ياريت تقولنا تقرير عن "دلتا" وإذا كانت شركة جامده وللا زي غيرها ونسبة التأمين كام ؟


أنا شايف أنهم ماعندهمش حق في النقطة دي لان العربيه كل ما سعرها كان غالي كل ما المبلغ نفسه بيزيد ومافيش فرنساوي ولا الماني رخيص اصلا



أهو أكثر حاجه بتضايقني ptmnlo123per111 في حياتي الناس أو المؤسسات إللي بتستخبى ورا الدين و يتكلموا بلسان الدين وهما أصلا نصابين وحراميه (وياما الواحد شاف من النوعية دي كتير) ptmnlo123per1125

وعلى فكرة لما كلمته عن نسب التوزيع إللي وزعوها اخر سنة رد عليا وقاللي
"أحنا من ساعة ما عملنا قسم السيارات ما وزعناش أرباح خالص لأن القطاع ده مابيكسبش نهائيا"




أنا مغير باب بسبب خبطة شديدة و الإير باج مانفتحش ولا حاجه ptmnlo123per140

ptmnlo123per188
وعليكو السلام ورحمة الله وبركاته
أتفضل يا عرب ptmnlo123per177

الكام سنة برضه إللي الواحد اتفرج فيهم على ليالي الحلمية ورافت الهجان والسقوط في بئر سبع خالوا الواحد بقى متأثر تليفزيونيا

لاني بصراحة كنت متوقع منها اداء وراحة بال اكثر من كده يليق بشكلها الجميل على الأقل


ياسيدي الفاضل أنا مابتعاملش إلا مع التوكيل أو مركز خدمة "الميكانيكيون العرب" وهو مركز معتمد
ومع ذلك بلاقي دايما أشتغالات جامده قوي بتحصل وكأني جاي من كوالالمبور طازة

يا عم انا تمام التمام وزي الفل ومش عاوزين نتكلم عن نفسينا لامؤاخذه ptmnlo123per181

والله العظيم ما لاقي مأذون يطلقنا قصدي سمسار يبعهالي وبدلل عليها مش لاقي حد يشتريها ومستعد اخسر شوية كمان (بس مش خسارة جامده يعني) ptmnlo123per1106

المشكلة اني مش لاقي حد يشتري والله يا جدعان ولو حد أتكلم عليها ألاقيه بقول 70 ألف ويقوللي هو ده توبها في السوق .... ده يرضي ربنا ده ؟

جااااااااااي
تصدق بالله انا شكلي هاتعلم الباتيناج زي "سنبل" و ومش هاركب عربيات خالص
ptmnlo123per150






سيبه يا ريس TRONKY ده حبيبي ولو انه تقلان عاليا وما اتصلش بيا لحد دلوقتي بالرغم من اني بعت له تليفوني في رسالتين لحد دلوقتي



وأنا سعيد بمساعدتك دي لاني فعلا هاحاول أتئقلم معاها وأحسس عليها واعاملها معاملة الهوانم من هنا ورايح ptmnlo123per1119


طب يا ترى الـEOS عدت عليك ؟
لاني بصراحة عاوز اخد الخطوة دي ومتردد من فترة وعاوز أعرف بس أي حاجه تطمن قلب في الفلوس إللي هاتدفع فيها
ياريت حتى لو تعرف حد معاه EOS تساله عنها


وكفاية إن سوق المستعمل حكم عليها بالأعدام وبتتباع باقل من نصف تمنها
وأنا كنت فاكر نفسي ناصح لما أشتريته بفرق سعر 45 ألف جنيه ptmnlo123per1127