|
أرجو الإفادة من ملاك الفيرنا وشيفروليه لانوس
السلام عليكم ورحمة الله وبركاته
نويت بإذن الله أشترى عربية جديدة والاختيار يإما شيفروليه لانوس يإما فيرنا أنا حاليا عندى شاهين 1400 موديل 99 أنا عندى بعض التساؤلات والشكوك - ياريت تردوا على - انا ركبت اللانوس ( الدايو ) وركبت الفيرنا الفيرنا حسيت الصالون ضيق دا غير إنى بشوفها لما بتحمل بتريح على الأرض خالص بالنسبة للانوس هل التكييف بيفرق معاها علشان هى 1500 أنا بفضل اللانوس علشان بتستحمل الحمولة وعالية عن الأرض أكتر من الفيرنا والعيلة بتبقى معايا كتير دا غير إن شكل اللانوس عاجبنى أكتر مستنى ردودكم وياريت بلاش حد يقوللى لوجان أو صينى |
رد: أرجو الإفادة من ملاك الفيرنا وشيفروليه لانوس
اللانوس تكيفها مبيأثرش على الموتور تأثير ملحوظ (بس طبعا ليه تأثير زى أى عربية تانية), وطبعا اللانوس عربية عائلية من الدرجة الأولى وسهل صيانتها والعثور على قطع غيارها, وتعتبر أريح وأوسع من الفيرنا وأكثر أقتصادية فى أستهلاك البنزين.
الفيرنا أنا بميل لها علشان موتورها وشكلها, وفيها معظم مميزات اللانوس من توافر قطع الغيار وسهولة التصليح, يعيبها عفشتها وصالونها. بس الشيفروليه لانوس مكوناتها بقت أردأ من الدايو لانوس, ومعظم مكوناتها صينى ردئ, فبتحتاج أستعمال كويس حتى يقضى الله أمرا كان مفعولا ويتم تغيير القطع بعد تلفها (وعلى حسب قرايتى, ده بيتم بعد فترة مش طويلة:)) واللانوس والفيرنا بصراحة مايتخيروش عن بعض, حضرتك أفحص الأثنبن كويس وشوف مميزاتهم وعيوبهم, وأشترى اللى بتميل أليه أكثر. وبالتوفيق. |
رد: أرجو الإفادة من ملاك الفيرنا وشيفروليه لانوس
انا كان معايا الاتنين
بلاش من اللانوس عشان طلعت عيني و كمان اللي كانت معايا دايو مش شيفروليه اولا قطع غيارها اغلبيتها صيني تعبان جدا ثانيا عفشتها ضايعه بس الفيرنا افضل في النقطه دي ثالثا حساستها بتبوظ بسرعه و خصوصا في الشتا نخش بقي علي الفيرنا طبعا كانت معايا من الزيرو عفشتها طريه جدا جدا بس بتستحمل عن عفشه اللانوس برضه حساستها بتتبهدل بسرعه بس برضه مش زي اللانوس بس في ميزه كويسه جدا ممكن تلاقي قطع غيار نضيفه بره التوكيل و بسعر كويس علي عكس الدايو او الشيفروليه عموما و انا شايف ان افضل عربيه في الفئه دي هي اللوجان و طبعا ابعد عن الصيني و غنيله |
رد: أرجو الإفادة من ملاك الفيرنا وشيفروليه لانوس
بص علي اللوجان تاني
ولما تطلب رأي الناس بلاش تحجمهم. وع العموم فيرنا في رأيي كسبت اللنوس بعد ما بقت شيفورليه وحتي من قبلها. وربنا يوفقك للأفضل ان شاء الله |
رد: أرجو الإفادة من ملاك الفيرنا وشيفروليه لانوس
الفيرنا والانوس
متشابهتين فى توافر قطع الغيار - القدرة الاعتمادية - سعر اعادة البيع - سهولة الصيانة - والامكانيات تقريبا الاختلاف الوحيد موتور الفيرنا اقوى واحدث وباالتالى الفيرنا كفتها تكسب لكن لو الانوس عاجباك اكتر بالتوفيق العربية مش وحشة |
رد: أرجو الإفادة من ملاك الفيرنا وشيفروليه لانوس
جزاكم الله خيرًا
والله انتوا ناس جدعان أنا هابص تانى على اللوجان (قال يعنى أنا بصيت أولانى) أنا قريت عنها فى المنتدى هنا لقيت ناس كتير بتشكر فيها اللى كان مضايقنى فيها الزجاج الكهربا مفاتيحه فى أماكن غريبة وكمان الكلاكس بس عرفت انهم عدلوها فى موديلات 2011 مش عارف ليه ناس بتعشق الرينو ومابتركبش غيره وناس تانية تقولك أوعى تجيبه ؟ حاجة تجنن |
رد: أرجو الإفادة من ملاك الفيرنا وشيفروليه لانوس
اقتباس:
اقتباس:
كده عشره علي عشره ان شاء الله اللوجان تعجبك عشان هي افضل عربيه في الفئه دي و كمان توكيلها توكيل كويس الي حد كبير مشكله الناس بقه انها متعوده علي عربيات معينه زي اللانسر و الفيرنا و الالنترا الخ الخ يعني متعودين علي الكوري و الياباني اما الاوروبي عموما غريب علي الناس لانه مش منتشر اوي و غالي شويتين فالناس بتخاف منه الا اذا كنت متعود عليه |
| الساعة الآن 01:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017