|
طلب بليز
السلام عليكم ورحمه الله وبركاته
انا عضو قديم مش جديد اوى يعنى و مشركاتى كانت صفر علشان مكنش عندى عربيه ف كنت بستفيد من اراءكوا لحد مخترت العربيه الحمد لله دلوقتى قبلتنى مشكله و هى الرخصه انا كل اصحابى الى سقطوا فى اختبارات القياده علشان معهومش واسطه علشان مرور فيصل مش بيمشى من غير واسطه للاسف وانا مش عندى واسطه و لو قلت اجرب حظى وادخل اكيد هاسقط زى اصحابى وفى المرور لما الواحد بيسقط بيقلولوا تعالى بعد 3 اسابيع و انا بالنسبالى ماينفعش اتاخر عايز اسوق العربيه بقى 444546 من الاخر حد يعرف حد فى مرور فيصل اديله فلوس و يطلعلى الرخصه انا عارف انه غلط بس صدقونى هناك ماينفعش غير كده ياريت الى يقدر يقولى اى حد علشان انا والله مستعجل |
رد: طلب بليز
أنا للأسف معرفش واسطة هناك, بس عموما ولا يهمك, البلد ماشية كوسة ومش أنت أول أو أخر واحد يعمل كده, وطالما بتعرف تسوق مش هتفرق.
حاول تتعرف على الدنيا ماشية أزاى, روح بدرى وشوف الناس بتتعامل مع الظابط اللى واقف بيمتحنهم أزاى, وهل بيقبل رشاوى ولا لأ, وغالبا هتلاقيه بيقبل. حاول لما تديله فلوس تكون بين ورق أو تحت بطاقة يعنى بطريقة غير مباشرة علشان لو عمل شريف تعمل أنك ماكنتش عارف أن فيه فلوس بين الورق. وأمتحن وهينجحك, ولو موضوع الفلوس مانفعش خليك محترم معاه وعدى الأمتحان بالطريقة الصح, وهتنجح بأذن الله. ومبروك العربية الجديدة وعقبال الرخصة. |
رد: طلب بليز
إيه يا جدعان الكلام ده ، عينى عينك كدة ، و بتعرفه ازاى يدفع ، و بعدين فلوس للظابط إيه ، انت عاوز تسلم الرجل ولا إيه يا عم :)
|
رد: طلب بليز
اقتباس:
وخصوصا ظباط الأمتحان بيتلككوا بغباء وبيغلطوك فى كل حاجة, وفيه حكاية قريتها عن واحد قعد يسقط لغاية ما راح وأدى للظابط المعلوم, الظابط قاله دور العربية فدورها, وقام الظابط منجحه. ده والدتى اللى مبتعرفش حاجة فى العربيات طلعت الرخصة وهى بتشرب شاى وقاعدة فى مكتب الظابط (الواسطة) مع الوالد الله يرحمه يعنى مفيش كوسة أكثر من كده. ياريت فعلا لو يقدر يطلع الرخصة من غير واسطة ولا الكلام ده, بس هنعمل أيه فى بلد الأمن والأمان؟ |
رد: طلب بليز
ياعم انجكشن انت هتودي الراجل في داهيه
وانت يا أخ شاندو اوعى تسمع الكلام ده أبدا مفيش ضابط بياخد فلوس في ايده(عمرها ماتحصل)ده تخاريف انجكشنيه صياميه(هزار)ILILwhat!! الضابط لو كان بياخد بيبقى عن طريق وسيط او امين شرطه لكن ضابط ياخد في ايده مباشره مبتحصلش انت روح الصبح بدري أو حتى بالليل واقعد على اي كافتيريا تكون قريبه واتكلم مع صاحب الكافتيريا هتلاقيه عارف سماسره يمشولك الحوار ده وممكن تلاقي سماسره قاعدين اصلا لانهم بيبقو مستنيين الرزق يجيلهم والكلام ده عن تجربه أنا مره رحت اطلع رخصه وكان معايا واحد يخلصهالي قالي اشرب كوبايه شاي على ما أخلصلك الورق بصيت لقيت سمسار قعد يفتح معايا حوارات ويوريني قد ايه هو واصل لدرجه انه عرض عليا(بطريقه غير مباشره) يدخلني شرطه وادفعله 150ومش هياخد منهم ولامليم غير بعد القبول بس طبعا أنا قلتله شكرا لإنى أصلا في كليه صيدله..وربنا يوفقك ياباشا |
رد: طلب بليز
اقتباس:
وانا ان شاء الله بكره هاعمل كده بس خايف يتخد منى نص المبلغ و مشفوش تانى ربنا يستر وفعلا اخاف ادى فلوس للظابط يعملى فيها شريف :S |
رد: طلب بليز
اقتباس:
ربنا يستر بقى وشرا لردك GIFT4U |
| الساعة الآن 03:45 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017