|
العربيه بتسخن مع التكيف
عربيتي دايو لانوس 2 موديل 2005
مع سخونه الجو بالنهار المؤشر بيطلع يعدي النص بعد تشغيل التكيف بساعه مثلا بالليل المؤشر مابيطلعش عن النص بس بحط ايدي عل الكبوت بلاق يالعربيه سخنه اوي مولعه فيه مشكله تانيا ان التكيف عل السرعات العاليا مابيطلعش هوا ساقع اوي ولما السرعه تنزل الهوا بيرجع ساقع |
رد: العربيه بتسخن مع التكيف
العربيه عاديه مش بتسخن ولا حاجه
لو حاسس ان التكييف ضعيف ممكن تشحن فريون و تكشف علي الثرموستات |
رد: العربيه بتسخن مع التكيف
برضه نضف سربنتينة التكييف من الخارج بضغط الهواء لازالة الاتربة المتراكمة
|
رد: العربيه بتسخن مع التكيف
التكييف حمل زيادة على الموتور, وبيسحب من قوته وعزمه وبيخلى العربية دايرة على نفس عدد اللفات مع حمل زيادة على الموتور ده غير جو جهنم, فموضوع السخونية يعتبر عادى, لكن مفيش مانع من الكشف على التكييف وتنضيف فلتر الهواء الخاص به وتزويد الفريون كصيانة دورية.
بس ممكن حضرتك توضح فى السؤال التانى, هل قصدك على سرعات عالية ولا على عدد لفات عالى؟ وأنا عندى تقريبا حل, ممكن حضرتك تكون ظابط التكييف على تبريد الهواء من بره العربية, تجديده يعنى بدل ما التكييف يدور الهواء جوه العربية, وده أكيد بيأثر على قدرة التكييف على السرعات العالية. حضرتك جرب تظبط التكييف على وضع تدوير الهواء جوه العربية recirculation وجرب وقولنا. |
رد: العربيه بتسخن مع التكيف
الاستاذ بسيونى
1-اتأكد من بلية الكباس 2-اتأكد من نوع زيت الموتور (مدى الحرارة) 3-اتأكد من عمل السرعة الثانية للمراوح 4-اتأكد من كفاءة دورة التبريد(توصيلات-مياه-الطلمبة-الرادياتير) 5-اتأكد من عمل حساس المياة scanner |
رد: العربيه بتسخن مع التكيف
التكييف يضيف حمل ميكانيكى على المحرك بالاضافة الى حمل اضافى على دورة التبريد نفسها لأنه يصدر سخونة اضافية.
مشكلة سخونة السيارة مع التكييف لها عدة اسباب, -اتساخ السربتينة و تنظيفها عملية بسيطة فى اى محطة بنزين. -ضعف دورة التبريد النسبى نتيجة للتقادم و الصدأ فى الرادياتير, أو ضعف مروحة الرادياتير, أو صدأ فى ثرموستات الكوع. -هناك سبب اخر و هو حدوث عطب بأمبير الحرارة نفسه و تأثره بسخونة التكييف أو سلك الارضى, و ده ممكن جدا خاصة اذا كانت الحرارة تظل ثابتة عند حد معين. - اكشف على مروحة السربتينة و هل تعمل ام لا. |
رد: العربيه بتسخن مع التكيف
التكيف شحنته من قتره قريبه
وبشغله علي وضعيه التدوير من جوا العربيه اخر نوع زيت حطيته التعاون والرادتير منضفه قريب هو والتكيف لكن الحاجات الي حضراتكوا قلتوا عليها الثرموستات وبلية الكباس وحساس المياه ومروحة السربنتينه ماكشفتش عنها الواحد مالوش خبره ف الحاجات دي انا كان قصدي ف السؤال التاني علي السرعات العاليا فوق 90 التكيف مش بيطلع هوا ساقع زيي السرعات القليله ولما سالت حد ف الموضوع دا قلي عشان العربيه ف السرعات العاليا مابتسحبش بنزين كتير والتكيف بيعتمد عل البنزين |
| الساعة الآن 06:13 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017