سنتر لوك وزجاج كهرباء - فين وبكام
 

السلام عليكم ورحمة الله وبركاته

الاخوة الكرام اعضاء المنتدي
ارغب في تركيب سنتر لوك وجهاز انذار لعربية فيات 128 موديل 87 عايز اعرف ايه الانواع وايه احسنهم ومين احسن واحد ويكون سعره كويس

ولو ممكن كمان اعرف الزجاج الكهربائي انواعه واسعاره واركبه فين وبكام

جزاكم الله خيرا


اني احبكم في الله

رد: سنتر لوك وزجاج كهرباء - فين وبكام
 

الأنواع كثيييييييييييييييييير بس عليك وعلى سبير كار أمام وزارة الداخلية مباشرة ناس فاهمه كويس وشغلهم نظيف .

المسؤول عن شغل الكهرباء هناك مهندس عمرو قله بس إنك من طرف إسلام شاهين .

رد: سنتر لوك وزجاج كهرباء - فين وبكام
 

اخي الكريم اسلام شاهين
جزاك الله كل الخير
بس ممكن اعرف الكلام ده علي الانذار والسنتر لوك ولا الزجاج الكهرباء
وبرضه عايز اعرف ايه احسن الانواع واسعارها ايه
بس انواع تكون كويسة بأسعار معقولة
عشان انا اساسا بصلح في العربية كلها
سمكرة ودوكو وميكانيكا وكهرباء
وغطسان لغاية شعر راسي في المصاريف
فكنت عايز اعرف الحدود السعرية للانواع الجيدة واسمائها
للانذار والسنتر لوك وكذلك الزجاج الكهرباء
وجزاكم الله كل خير
سؤال اخير
مش سبير كار دول اللي في عابدين


إني أحبكم في الله

رد: سنتر لوك وزجاج كهرباء - فين وبكام
 

رد: سنتر لوك وزجاج كهرباء - فين وبكام
 

فيه ماركة اسمها ولف كويسة وسعرها ما بين 210 - 230 للانذار وطبعا هتجيب مكن القزاز والزراير وكتاوت مش عارف سعرهم كام بس اعمل حسابك فى 300 جنية وديه بتتباع فى كل حتة بس احسن اماكن لتركيبها فيه واحد فى التوفيقية عامل يفطة كبيرة كده عليها ولف وفيه التوكيل بتاعها نفسه ورا سوق القنال الدولى اخر جسر السويس (اسمهم ماورا البلاد او البحار حاجة كده ) لو قريبين منك اوصفهملك بالظبط

رد: سنتر لوك وزجاج كهرباء - فين وبكام
 

تمام زي ما الأخ ميدو تفضل وقالك ، واعذرني في موضوع الأسعار ده لأني مشافر بره بقالي فترة ومش عارف الدنيا وصلت لإيه بس عامة هما عارفني كويس جدا اسأل بس على المهندس عمرو أو أمير ابن الحاج محمد مصطفى صاحب المحلات وقوله إنك من طرفي .

بالنسبة للإنذار والسنتر أنا فاكر إني ركبت اإنذار للانسر بحوالي 250 أعتقد بس مش متأكد وعندهم الزجاج الكهرباء ووحدات الرفع وكل اللي إنت عايزه وأفتكر كمان إن واحد صاحبي كان معاه فيرنا الشنطة مش بتفتح من جوه عمللهاله كهرباء بزرار صغير كده وعجبتني أوي الصراحه .

بالتوفيق وتخلص عربيتك على خير .

رد: سنتر لوك وزجاج كهرباء - فين وبكام
 

اكتر نوع انذار شغال فى مصر هو الولف وده ناس كتير اصحابى مركبينه(انا مبحبش الانذار وعندى سنتر فى المفتاح) ولسه اخر واحد مركبه كان عامل 180 جنيه بالتركيب وعليه ضمان 5 سنين وبتاخد شهاده ضمان بكده وفى امكانيه لذيذه فى الانذار ده انك لو قفلت كل الابواب وسبتها لمده دقيقه هو بيعمل لوك لوحده ممع الاسف انا مش هقدر افتى فى تمن الزجاج الكهرباء لانه لا انا ولا حد اعرفه ركبه بصراحه كلنا يا موجود من الاول يا مركبناهوش بس لو حضرتك تدينى يوم انا ممكن اسألك عند ناس اعرفهم
ولو فيه اى ااستفسار تانى انا موجود اخوك بوب