هل تريوس 99-2000 بتقلب على الطريق
 

لو سمحت انا عايز اجيب تريوس 99أو/2000 بس سمعت ان قطع غيارها نار وفى حاجة تانية هل هى فعلا بتقلب بسرعة يعنى سهلة تتقلب على الطريق وهل العفشة ناشفة وايه رأيك فيها كعربية كمميزات وعيوب وقطع غيارها بتعيش زى الألمانى ولا لاء انا فى انتظار الرد من أهل الخبرة والى راكبين العربية لإتخاذ قرار نهائى سريع ولكم تحياتى ...ايه ياترى

رد: هل تريوس 99-2000 بتقلب على الطريق
 

انا حرد عليك فى اللى اعرفة وهو اسعار قطع الغيار
ناااااااااااااااارررررررر رررر
ومش معمرة زى الالمانى

رد: هل تريوس 99-2000 بتقلب على الطريق
 

أولاً : بالنسبة لقطع الغيار ..... غالية زي اي عربية ........ بس مش غالية نار مقارنة ببقية الياباني ....

ثانياً : قطع الغيار معمرة زي الالماني و زي الامريكاني .......... و زي اي عربية ياباني ........ الالماني نقول انه اكتر ثم الامريكاني ثم الياباني .......
و كدا كدا قطع الغيار تتبع نظرية الاستهلاكية ... حتى لو معاك اودي او فيراري ... لازم ح تبقى معمرة لعدد معين من السنين .... بعد كدا بتقل عمرتها لان عمرها المخصص للاستهلاك بيبقى منتهي ...... هيا دي النظرية اللي بتتبعها كل شركات السيارات ......

ثالثاً : كل العربيات العالية ( تريوس - جيب - لاند كروزر - جي ام سي - هامر ) لازم بتتقلب ع الطريق لو انتا واخد ملف على سرعة عالية ........
لكن غير كدا التريوس ثابتة جداً جداً جداً جداً على السرعات العالية ( من غير ملفات ) ....... انا معايا تريوس 2010 و اكلت بيها حفر على 120 و على 140 و العربية ماشاء الله زي الفل مفيهاش حاجة .......

رابعاً : ثبات التريوس يرجع الى عفشتها الناشفة .... و دي بيدي احساس بالطريق غير اي عربية سيدان تانية .... و دا يرجع الى سبب ان العربية عالية عن الأرض ....

خامساً : مميزات التريوس : ثباتها - علوها عن الأرض -التكييف تلاجة - وسع الصالون بشكل كبير - وسع مساحة الشنطة ( بالنسبة ل 2010 ) ....

عيوبها : شكل التابلوه مش متطور الى حد ما ..... ( دا بالنسبة ل 2010 ) .....

التريوس 99 ليها نفس مميزات 2010 فيما عدا وسع الصالون .. الصالون في التريوس 99 مش واسع قوي لكنه مقبول .... و كذلك مساحة الشنطة مش كبيرة الى حد ما .... و عيوبها نفس عيوب 2010 .....
---

المجمل العام : التريوس ثابتة جداً ........ و قطع الغيار معمرة و الى حد ما غالية لكن مش بشكل كبير زي المازدا مثلاً أو الهوندا ... :)

و كل سنة و انتا طيب :)

رد: هل تريوس 99-2000 بتقلب على الطريق
 

أنا معايا تريوس 99 زى الفل من يومها حصلت فقط مشكلة فى الفتيس والحمد لله اتحلت لكن العربية مش بتقلب ولا حاجة بس يجب ان تكون حريصا فى سواقتك مس اى عربية وسعر قطع الغيار غالية جدا وبردوا صعب تلقى بعض منها فى التوكيل حتى لكنها كسيارة زى الفل وبتشتغل كويس بس ضيقة شوية

رد: هل تريوس 99-2000 بتقلب على الطريق
 

شكراً جزيلاً ياجماعة على النصائح الغالية وكل سنة وانتم طيبيين:)

رد: هل تريوس 99-2000 بتقلب على الطريق
 

وحضرتك طيب وبالف صحة وسلامة

رد: هل تريوس 99-2000 بتقلب على الطريق
 

كل سنة وانتم طيبين جميعا ، اما معايا تريوس موديل 99 مانوال ورأى فيها انها عربية فوق الممتازة من كافة الجوانب
1- تكييف يابانى 10/10
2- استهلاك بنزين جيد جدا
3- دفع رباعى دائم مع محول عزم كهربائى وده بيساعد على ثبات العربية بشكل كبير .
4- بها كماليات اساسية فى كافة موديلاتها وهى التكييف والباور والمريات الكهربائية والزجاج الامامى كهربائى وكاسيت بعدد اربع سماعات وسنتر لوك .

وعلى فكره سحب العربية رائع جدا كونها 1300 سى سى ودفع رباعى اما على السرعات فانا جبت بيها 155 كم وكانت على آربى ام 6 مع العلم ان الرد زون يبدأ من 7 حتى 8 وكانت راسية تمام جدا على الارض مع الحرص كل الحرص فى اتخاذ اى ملف على سرعة عاليه او بشكل مفاجىء وقاصى .
اما الناس اللى اشتكت من عدم الثبات على السرعات فى الغالب ان المساعدين او الكاوتش بتاع العربية مش حلو .
- العفشة فعلا ناشفة شوية وده اعتقد انه ضروى لثبات العربية نظرا لعرضها الصغير فى مقابل الارتفاع.
- المساحة الداخلية جيدة جدا فى الامام وضيقة فى الخلف يعنى لو اثنين ورا يبقى حلو ثلاثة بالعافية .
- قطع الغيار متوفرة وسعرها عادى جدا ولم الاحظ حتى الان مسألة غلو اسعارها عن باقى السيارات اليابانى وانا شخصيا بتعامل مع ثلاثة محلات هم الفاروق فى باب اللوق وجمال انيس فى شمبليون والسرساوى فى ميدان الدقى .
وفى النهاية وارجو ان يكون تقريرى مفيد ووفقق الله