معايا 42 ألف جنية وهموت واركب فيرنا مانيوال بس مش أقل من 2005
 

رد: معايا 42 ألف جنية وهموت واركب فيرنا مانيوال بس مش أقل من 2005
 

ربنا يوفقك ... و احب اطمنك ... دور انت بس و اتعب شوية وان شاء الله هتلاقي

انا عربيتي 2007 .. هاف .. ماشية 44000... لما تمنتها من حوالي سنة ايام ما كانت ماشية حاجة و30 الف .. كان تجيب 50 - 48
اغتقد ممكن تلاقي دلوقتي 2006 او 2007 في الـ40ــات

رد: معايا 42 ألف جنية وهموت واركب فيرنا مانيوال بس مش أقل من 2005
 

فعلا انتا ممكن تلاقي موديل 2005 عامله 40 وحالتها نظيفة جدا

رد: معايا 42 ألف جنية وهموت واركب فيرنا مانيوال بس مش أقل من 2005
 

الكلام ده مظبوط
لان انا اتعرض عليا موديل 2007 فول اوبشنز وكانت ماشيه 37 الف كم فابريقه بالكامل وصيانه بالضمان وكان مطلوب فيها 51 الف ج
ولولا مشكله السيوله كنت خلصت فيها .

عموما باذن الله هتلاقى طلبك - بس اعتقد هتتعب شويه لغاية ماتلاقى حاجه نظيفه .
وربنا يوفقك

رمضان كريم

رد: معايا 42 ألف جنية وهموت واركب فيرنا مانيوال بس مش أقل من 2005
 

خالي بالك مفيش فيرنا اقل من 2005 لو لقيت اقل من كده حتبقي خليجي
وعايز اقلك ان موديل 2005 حتلاقيه موتور1500 زي بتاع الاكسنت القديم
فدور برده علي اكسنت لانها مش حتفرق كتير عن الفيرنا
ونصيحه لو حتركب فيرنا يبقي 1600 علشان تحس بيها

رد: معايا 42 ألف جنية وهموت واركب فيرنا مانيوال بس مش أقل من 2005
 

جبت فيرنا ياجماعة الحمد لله و 2007 بس مانيوال
وهاف أوبشن
يعني ازاز مانيوال ومن غير سنتر ولا فتحة شنطة ولا أي حاجة
وبصراحة لسه جديد والعربية بصراحة كويسة
بس في السعر ده اكيد فيها مشكلة
وفعلاً العربية كانت واخدة خبطة في الشنطة بس مش جامدة أوي
والسمكري قاللي كويسة وممكن نظبط الشنطة دي ونحط إكصدام جديد
والدنيا هتتظبط

خي بقالها معايا يومين والنهاردة التالت وبصراحة وانا رايح اصلي الفجر
سمعت تكتكة كده فيها
بس خفيفة مش تقيلة وممكن لو حد مش مركز فيها مياخدش باله منها
بس طبعاً عشان عربيتي ولسه جديدة أكيد هحس بدبة النملة فيها
ياترى ايه التكتكة دي
ويارب تكون حاجة خفيفة

رد: معايا 42 ألف جنية وهموت واركب فيرنا مانيوال بس مش أقل من 2005
 

انا كان نفسي تستلمها في مركز الصيانه بتاعتها علشان كانت تتحط علي الاسكانر ونشوف ايه اللي فيها بالظبط وكنت تبقي مطمن 24 قيراط المهم الف مبروك وربنا يديك خيرها ويكفيك شرها

ونصيحة روح التوكيل وخليهم يشوفولك التكتكه ديه جايه منين علشان متخليش ميكانيكي يفتيلك فيها واحسن مركز انصحك بيه تروحه ابو غالي اللي في العبور عربيتك هتاخد حقها هناك تالت ومتلت