|
المساعدة مطلوبة بشدة
بسم الله الرحمن الرحيم
الاخوة الافاضل اعضاء المنتدى الكرام كل عام وانتم بخير ارجو المساعدة فى الاختيار ما بين: 1. تويوتا كورولا 2. سكودا اوكتافيا 3. ميتسوبيشى لانسر 4. كيا سيراتو 1600 سى سى انا عارف ان الفرق واضح جدا بس انا عاوز معلومات محددة عن: 1. عدد الاحصنة 2. اسعار قطع الغيار - ان امكن بالتفصيل 3. المساحة الداخلية للركاب - واسعة ومريحة من جوا ولا ضيقة اعتذر للاطالة عليكم وشكرا جزيلا لمساعدتكم وكل عام وانتم بخير اخوكم احمد |
رد: المساعدة مطلوبة بشدة
انت عاوز كله جديد الاول ولا مستعمل؟
|
رد: المساعدة مطلوبة بشدة
بعد اذنك ان امكن للجديد والمستعمل
بس اظن الفرق بين الجديد والمستعمل فى المعلومات المطلوبة مش كبير والا ايه راى حضرتك وشكرا جزيلا لاهتمامك وردك |
رد: المساعدة مطلوبة بشدة
مش معقول يا جماعة
19 مشاهدة ورد واحد فقط فين الاراء والمعلومات يا اهل الخبرة شكرا لمرور الجميع |
رد: المساعدة مطلوبة بشدة
السلام عليكم.....اهلا بك...اتمنى ان تكون بافضل حال......
الصراحة انا افضل السيراتو (من وجهه نظرى)يعنى ازواق..... وانا ماليش اوى فى حتة قطع الغيار...فممكن حد من الاعضاء الكرام يفيدك...... 1-هى السيراتو تعتبر من افضلهم فى الموتور و كتسارع.....124 حصان ......وكمان كماليتها كويسة جدا وخاماتها ايضا ليست سيئة......ولا ننسى شكلها الذى يوحى بالقوة و السرعة.....وكمان السيراتو واسعة جدا من ورا بس فى ناس بتشتكى من العفشة بيقولوا انها نشفة ..... بس اكيد بتلين بعد فترة.....يعنى انا طويل وركبت فيها لقيت نفسى مرتاح جداااااااا.من ورا ومن قدام .........فانصحك بها .... 2-الانسر(الشارك)انا معرفش عنها معلومات اوى بس سمعت انها 109 حصان....... وركبتها مرة على طريق سفر بس مكنتش انا اللى سايقها......هى قعدتها مريحتنيش اوى مش عارف ليه ؟؟........خصوصا انى كنت قاعد قدام....وكمان اللى معجبنيش فيها ان التابلوه بتاعها مش اد كده عكس السيراتو التبلوه بتاعها منسق..........مع احترامى لملاكى الانسر......يعنى المسئلة مسئلة ازواء انت اركب الاتنين وقرر .....الاوكتافيا الصراح مركبتهاش ومعرفش عنها كتير.....والكرولا ايضا...لكن انا مبحبش شكل الكرولا سواء من قدام او ورا ........وانا مش مقتنع ان دى يابانى و دى كورى .......دا الكورى دلوقتى من احسن العربيات اللى ماشية فى الشارع....دانا اللى اعرفه الصراحة عنهم ..اعذرنى فانا مليش فى قطع الغيار خالص.....تقبل تحياتى..ولا تنسى صلاة الاستخارة....وربنا يوفقك الى مايحبه و يرضاه....... السلام عليكم...... |
رد: المساعدة مطلوبة بشدة
اقتباس:
السلام عليكم ... ارجو ان تكون بخير حال وفى صحة تامة اشكر لك اهتمامك وردك ومبدئيا انا ركبت الكورولا 2007 و 2009 قدام وورا وكانت واسعة ومريحة وركبت السيراتو 2009 قدام وكانت واسعة جدا بس مجربتش القاعدة ورا اما اللانسر فانا معايا كريستالة 98 وركبت 2003 و وكمان ركبت تقريبا كل موديلات البومة كلاسيك او سبور او سوبر اكشن وهى كويسة قدام وورا بس فى اوقات مبتكونش واسعة ورا لما واحد طويل زى حالاتى بقعد قدام لانى على طول بعدل الكرسى والاوكتافيا معرفش عنها حاجة بس الشكل الجديد الفانتازيا جميل جدا والاوبشن سمعت انه جامد علشان كده انا بسأل على اسعار قطع الغيار + عدد الاحصنة وانا عارف ان الفئة السعرية مختلفة تماما بس ان كانت واحدة قطع غيارها اقل + عدد احصنتها اكتر يبقى عليها ان شاء الله وشكرا جزيلا لذوقك وردك جزاك الله كل خير وارجو من ذوى الخبرة الافادة السلام عليكم |
رد: المساعدة مطلوبة بشدة
الاوكتافيا كعربيه لا تقارن ب السيراتو او الكورولا او ال لانسر
فهى اقلهم من حيث التسارع ومن ناحيه الشد والجرى موتور الاوكتافيا 102 حصان الاوكتافيا تقارن بمثيلاتها من العربيات الاوروبيه مثل الجيتا - الباسات - الفورد ( فوكس - مونديو ) من ناحيه المتانه والثبات تتفوق الاوكتافيا على الباقى ( السيراتو - ال لانسر - الكورولا ) من ناحيه الكماليات ايضا تتفوق الاوكتافيا عليهم من ناحيه قطع الغيار : الاوكتافيا اغلى قطع غيار فيهم انا رأيي شخصيا الاوكتافيا عربيه تشتريها وتستمع بيها وماتفكرش تبيعها او تغيرها يعنى تبقى عربيه البيت الاساسيه ( زى العربيات المعمره مثل الشاهين وال 131 وال 132 والبيجو 504 ) ربنا يوفقك الى ما فيه الخير |
| الساعة الآن 07:13 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017