مصر موتورز مجتمع السيارات - استفسار بخصوص السيراتو

مصر موتورز مجتمع السيارات (https://www.masrmotors.com/vb/index.php)

- كيا سيراتو Cerato (https://www.masrmotors.com/vb/forumdisplay.php?f=137)

- - استفسار بخصوص السيراتو (https://www.masrmotors.com/vb/showthread.php?t=31777)

استفسار بخصوص السيراتو

انا سمعت من ميكانيكى ان السيراتو الشكل الجديد سير الكاتينة بتاعة مش كاوتش زى الفيرنا والاسبيرانزا وسير الكاتينة الموجود فى العربية حديد او جنزير حاجة زى كدة
يا جماعة فى اى حد عارف اى معلومة عن الموضوع ده

رد: استفسار بخصوص السيراتو

اقتباس:

المشاركة الأصلية كتبت بواسطة mido_00750 (المشاركة 223787)

انا سمعت من ميكانيكى ان السيراتو الشكل الجديد سير الكاتينة بتاعة مش كاوتش زى الفيرنا والاسبيرانزا وسير الكاتينة الموجود فى العربية حديد او جنزير حاجة زى كدة

يا جماعة فى اى حد عارف اى معلومة عن الموضوع ده

برغم انى متأكد ان الميكانيكى سمع الموضوع ده من حد وهو مش متأكد لكن فعلا سير الكاتينه جنزير مش كاوتش وده سبب علو صوت الموتور نسبيا على السرعات العاليه

رد: استفسار بخصوص السيراتو

الف شكر لحضرتك فى الحقيقي هى العربية مش ليا هى لى واحد قريبى وكان سمع الموضوع الجنزير ده فشكرا لحضرتك انك اكت المعلومة

رد: استفسار بخصوص السيراتو

السير فعلا جنزير مش كاوتش
الفرق بيكون فى الصوت
الاداء عادى جدا لايوجد ما يقلق

رد: استفسار بخصوص السيراتو

شباب ممكن أعرف فئات السيارة دي في الأوتوماتيك؟
لإني بجد قربت أتجنن
شفت منها أوتوماتيك بس التحكم في المرايات يدوي والمرايات مافيهاش إشارة ومش متجنطة ولا متنكلة والطارة عادية (مش مكسوة بالجلد) ومش مالتي فانكشن و ب100 ألف وواحدة تانية فيها كل ده ب104 فهل الأسعار دي مضبوطة؟

بصراحة أنا نفسي في العربية دي بس أخري خالص تماماً جداً 100 وفي نفس الوقت لما شفت العربية منغير الكماليات دي حسيت إنها واحدة قرعة واتفقعت فمش عارف أعمل إيه ولا أجيب إيه

رد: استفسار بخصوص السيراتو

اقتباس:

المشاركة الأصلية كتبت بواسطة crypt76 (المشاركة 224245)

العربيه 6 فئات ( مانيوال Lx - اوتوماتيك Lx - اوتوماتيك Ex - اوتوماتيك Sx - أوتوماتيك Sx فتحة سقف - اوتوماتيك Sx هاى لاين )
المانيوالLX : تكييف - كاوتش 15 ( 195/65 ) - باور - سنتر لوك - 4 زجاج كهرباء - مرايات كهرباء - سى دى اوديو (السعر : 96 الف جنيه)

اوتوماتيك Lx : جميع ماسبق + الاتوماتيك (السعر : 103 الف)

اوتوماتيك Ex : تكييف - ايرباج - جنوط سبور 16 ( 205/55 ) - باور - سنتر لوك - 4 زجاج كهرباء - مرايات كهرباء - ضبط ارتفاع الكرسى - مسند يد امامى وخلفى - حامل اكواب - طى الكنبه الخلفيه - راديو سى دى Mp3 مع فتحة Aux - تحكم فى السى دى من الطاره - فوج لايت - نور قراءه - جراب نظاره - فتيس كروم - طاره جلد - مقابض الابواب مطليه بطلاء معدنى (السعر : 109 الف جنيه)

اوتوماتيك Sx : تكييف اوتوماتيك - 2 ايرباج -جنوط سبور 17 ( 215/45 ) - فرامل Abs - باركنج سنسور - اضاءه اوتوماتيك - باور - سنتر لوك بريموت - 4 زجاج كهربا - مرايات كهربا - طاره جلد - الفتيس وفرامل اليد كروم - مقابض الابواب مطليه بطلاء معدنى - عجلة قياده مطليه بطلاء معدنى - المقابض الداخليه والخارجيه كروم - ضبط ارتفاع الكرسى - مسند يد امامى وخلفى - حامل اكواب - طى الكنبه الخلفيه - راديو سى دى Mp3 مع فتحة Aux - تحكم فى السى دى من الطاره - عدادات رياضيه وكمبيوتر للسائق - مسند رأس قابل للتعديل - فوج لايت - نور قراءه - جراب نظاره (السعر : 116 الف جنيه)

بفتحه سقف Sx : نفس كماليات Sx + فتحة سقف (السعر : 120 الف جنيه)

Sx هاى لاين : نفس كماليات Sx + فتحة سقف وسمارت كى وفرش جلد (السعر : 126 الف جنيه)

ـــ كل فئات ماسبق وكيل , اما الخليجى فى منها سعودى وكويتى واردنى وسورى واللعب فى كمالياتها كتير وعليك انك تختار

رد: استفسار بخصوص السيراتو

بجد مش عارف أشكرك ازاي أستاذ عادل :)