هيونداى ﻻفيتا 2001 - مشكلة وﻻعة السجائر
 

السلام عليكم و رحمة الله و بركاته
وﻻعة السجائر ﻻ تعمل لدى و قد قمت بالتأكد من اسلاكها و لكنى وجدت بها صدأ فهل من الممكن ان يكون هذا هو سبب عطلها؟ ام علىّ ان اكشف عن الفيوز الخاص بها c/light 15A ؟ و اين اجده بمصر؟ وكم تكلفته؟

و عذراً للاطاله ..

رد: هيونداى ﻻفيتا 2001 - مشكلة وﻻعة السجائر
 

هو حضرتك جايب العربية دى من مدة؟ أنا هجيب واحدة معاقين الأسبوع دة وقلقان شوية من العربية لانى جديد فى حكاية السواقة وفحص العربيات..

رد: هيونداى ﻻفيتا 2001 - مشكلة وﻻعة السجائر
 

فعلا العربية جت شهر 7 الى فات و مجهزة و 36 الف . جت من بور سعيد . اهم حاجة ﻻزم تاخد بالك منها البارومة ﻷن معظم ان لم يكن كل عربيات ماتركس ﻻفيتا هناك عندها مشاكل فى البارومة (طبعا نسبية) - يعنى مثلا كنا هندبس فى عربية البارومه واكلة الجزء الخلفى بتاعها كله و كانوا مغطيينها بمعجون لون العربية و بفرش شنطة العربية بس ربنا سترها.

و حتى العربية الى استقرينا عليها اكتشفنا فيها بارومة فى الكبوت و تحت الموتور (عرفناه بعد عمل الفحص الفنى) و فى اماكن متفرقة بس بنسب بسيطة . الحمد لله على كل حال

على العموم خد بالك من الموضوع ده كويس جداً و فى حاجات تانية بس عشان مطولش عليك :)

نرجع لموضوعنا مفيش حد لسه عارف الموضوع بتاع الوﻻعه. انا عرفت ان الفيوزات الوان . يعنى مثلا فيوز 15A يبقى لونه ازرق !! فهل ده صحيح؟ و شكراً

رد: هيونداى ﻻفيتا 2001 - مشكلة وﻻعة السجائر
 

أستاذ ساسو.. أنا شكر للنصح وأرجو من حضرتك مساعدتى بخبرتك لانى هجيب وحدة يمكن الشهر دة بعد ظهور نتيجة الكشف الطبى.. ممكن تجاوبنى على الاسئلة اللى محيرانى دى

1- حضرتك كشفت على العربية أزى ( أخدت ميكانيكى ولا كهربائى ولا رحت بيها ورشة فحص)

2- هل قطع الغيار نفسها اللى بيستخدمها الماتركس المصرى ولا فى إختلاف.

3- حضرتك أشتريت العربية بكام؟ وما هو متوسط الأسعار للمتركس الموجودة فى بورسعيد لانى هشتريها من جمرك تانى....؟

أكون شاكر جدا لو تفضلت بالإجابة على الأسئلة السابقة....

شكرا...

رد: هيونداى ﻻفيتا 2001 - مشكلة وﻻعة السجائر
 

السلام عليكم و رحمة الله و بركاته
بصراحه لما اشترينا العربية مكنش عندنا اى خلفية خلاف المشاكل الى كنا بنواجهها فى العربية القديمة و اكبرها البارومه (عشان كده اى عربية كنا بنتفرج عليها كنا بنتأكد لو فى اماكن فيها بارومه وﻻ ﻷ)
شوف حضرتك دى اهم الملاحظات الى انا اخدت بالى منها:

1- ﻻزم لما تنجح فى الكشف الطبى ان شاء الله يبقى اسمك عندهم فى الكشوفات ﻷن بصراحة لو اسمك مش موجود , يبقى انت جى تتفرج و بس و مابيهتموش.

2- لو هتاخد حد معاك يبقى ﻻزم يكون سمكرى شاطر جدا و اهم من ده تكون ضمنه بحياتك ﻷن هناك اول ما هتتدخل هتلاقى مليون واحد بيقولك تعال افرجك على المعرض بتاعنا و من معرض الى معرض وطبعا ده هيسمسر عليك مليون فى الميه غير الى هيخده منك .

3- اول حاجه تشوف العربية عاملة كام كيلو و عايزين فيها كام و اعرف انك ممكن تنزل عن السعر ده اد ايه (يعنى شوف هيناسبك ولا ﻷ)

4- طبعا لون العربية ممكن يفرق معاك من 1000 الى 2000 جنيه (الالوان دايما اغلى من العربية الى لونها ابيض ﻷن الاقبال على الابيض اقل ..)

5- اتأكد من البارومه حسس على العربية من تحت - شيل كاوتش الابواب - شيل الفرش بتاع الشنطة ... لحد ما تتأكد

6- بعد كده شغل العربية اسمع صوتها و تأكد من الكهرباء و شوف لو عايز تستفسر على اى حاجه تانية

7- ان شاء الله لو ناويت تشترى ماتدفعش المبلغ بالكامل (طبعا مع الاوراق المطلوبه) عشان فى خطوه مهمة جدا و معظم الناس بتتخم فيها و هى اكسسوارات العربية.

8- انت بعد ما تنوى الشراء ﻻزم تتأكد من بادى العربية يعنى مخبوطة كام خبطة وايه منهم ممكن يتعالج - لو فى فانوس مكسور او مساحة مش شغاله - حتى الفرشه الى جايه مع العربية اتاكد انك هتخدها (مش حقك برده :) ) و كمان متنساش الاستبن و الكوريك و طبعا الافضل انه يجربهولك

9- بعد ما تتأكد من كل حاجه بقت تمام و متنساش البادج بتاع العربية المجهزه طبعا هترش رشه على العمّال (بمزاجك او من غير - شر لابد منه)
10- هتدفع باقى المبلغ و اكيد يبقى معاك حد هيسوقهالك لحد مصر و متنساش اللوح المؤقته عشان تعرف تعدى (طبعا دى شغاله لحد 24 ساعه)

11- فى حاجه مهمه ﻻزم تكشف عليها و هى الزيت بكل انواعه و البطاريه (شوف لو عايز تغيرها وﻻ ﻷ علشان معظم العربيات هناك بتبقى مركونه لفترات طويلة من غير تشغيل و طبعا البطارية بتبقى نايمة)

12- ممكن بعد ما تخرج من المعرض تبقى تروح للبنزينه عشان تزود زيت لحد ما توصل مصر و بعدين ابقى غيره للزيت الى انت بتستعمله

العربية زى ما قلت عاملة 36 الف جنيه و من بق الراجل 38 و بلعافية قللناها بس طبعا خدت كمان الف زياده لزوم زيت و عرق العمال و تخليص ورق حتى خروجك من المعرض بفلوس (طبعا حلاوة العربية الجديدة)

طبعا احنا اتأكدنا من معظم الحاجات دى بس تاه علينا موضوع الوﻻعه و الشاحن (فى العربية فى وﻻعه واحده و 2 شاحن) فجينا مصر نستخدمها مشتغلتش (اتأكد منها برده)

اتمنى انك تكون فهمت الخطوات ديه كويس ولو فى حاجة تانيه افتكرتها هقولك ان شاء الله.

رد: هيونداى ﻻفيتا 2001 - مشكلة وﻻعة السجائر
 

أستاذ ساسو أنا عاجز عن الشكر. صدقنى ان عينانى رغرغت من كثرة إهتمامك وسعة صدرك أنك تكتب كل الكلام دة لواحد مش تعرفه. أنا بقالى 7 شهور فى موضوع العربية دى من قراءه لحد ما رسى الرأى على الماتركس لانها عليه فأقدر أقعد وأقوم منها برحتى على عكس العربيات التانية ( لانوس والنوبيرا) كما شكلها عجبنى وسعرها كمان حلو.. أرجو أن تساعدنى بالإجابة على اسئلة أخرى جاءات على ذهنى وأنا بأقرأ ردك الكريم..

1- العربية بتاعة حضرتك عاملة كام كيلوا فى العداد؟
2- هل فى العربية كاست ولا CD
3- التجهيز للسيارة حضرتك عملته فين فى بورسعيد ولا القاهرة؟ ( قصدى الجهاز اللى بيركب مكان الدبرياج او البنزين والفرامل) أنا محتاج أجهز دبرياج فقط.
4- كم ثمن الجهاز دة اللى بيركب؟
5- واحد قالى ان فى صنيعية غشيمة ممكن تقطع فى الدريكسيون علشان تركبة. هل الجهاز اللى ركبته شوه شكل العربية؟؟؟

للمرة المليون أنا شاكر ليك وأرجو أن تتاح لك الوقت للإجابة على أسألتى.....

تامر

رد: هيونداى ﻻفيتا 2001 - مشكلة وﻻعة السجائر
 

ج1 : بصراحة مخدناش حد معانا (منعرفش حد نثق فيه)
ج2: و الله انا معنديش فكره كبيره بس حقولك على كام اختلاف ما بين ماتركس و ﻻفيتا (الشكل الخارجى فقط بسبب عدم خبرتى)
- فوانيس العربية ﻻفيتا اعتقد انها نفس المقاس الخارجى مع اختلاف الشكل (ﻻفيتا فوانسها مدوره - ماتركس مربعه)
- ﻻفيتا 2001 بها مساحه واحده و مرايه كبيره بالخلف اما ماتركس 2001 معندهاش الاتنين
بمعنى انك ممكن تلاقى صعوبة فى الحصول على المرايه و المساحة مثلا .. اكيد فى كتير فى المنتدى هيشوفوا اعمق و يفدوك اكتر منى فى الموضوع ده .. والله اعلم.
ج3: احنا اشتريناها ب 36 الف بعد ما كان عايزين فيها 38 الف -- متوسط الاسعار هيفرق من مانيوال لاوتوماتيك طبعا. بس على العموم من الى شفته المانيوال ما بين 38الف - 40 الف و الاوتوماتيك (الى طبعا هينصحوك بيها اكتر و اكيد ده على حسب نوع الاعاقة) ما بين 40 الف - 42 الف و طبعا ده كله من غير متفاصل لسه.
اتمنى لك التوفيق.