|
مطلوب مساعدتكم شباب مصر محتار بين كم عربية وعندى كم سؤال
بسم الله الرحمن الرحيم
السلام عليكم ورحمة الله وبركاته --- شباب انا اخوكم مطلع رخصة جديد ان شاء الله لاكن بقود من فترة تزيد عن عامين والحمد لله تعالى لى خبرات سابقة داخل المدن وعلى الطريق السريع وناوى بإذن الله اشترى عربية اروح بيها الجامعة وكدا السنة دى محتار بين 3 عربيات طبعاً عشان السعر مقيدنى مش اكتر لاكن لو عليا كنت اخدت السيراتو وانا مغمض فى سبرانزا a113 هيونداى i10 كيا بيكانتو شيفروليه سبارك --- طبعاً كلهم عشان سعر الزيرو بتاعهم يعتبر جيد مقارنةً بالاسعار اولاً انا استخدامى للعربية جوا البلد وهسافر بيها كمان ان شاء الله هسافر للجامعة وهسافر كمان مصايف وحجات من دى يعنى بإختصار محتاج عربية تكون بتستحمل وياريت اعرف منكم اسعار الكم عربية اللى قولت عليها فوق ^^ وياريت المانيوال والاتوماتيك لو فى اتوماتيك منهم ياريت كمان تفيدونى بواحد يكون بيقسط كويس اوى مع العلم انى فى المحلة الكبيرة << مش كبيرة اوى يعنىANAA7TG ,, لو حد قريب من المحلة تعرفوه او فى المحلة يبقى شغاااال عندى كم سؤال بقى العربية اللى حضراتكم هترشحوهالى وليكن مثلاً هيونداى i10 تقبل تعديلات شبابية ؟ مع العلم ان التعديلات اللى بفكر فيها كالتالــ(ت)ـــاتى ( على فكرة انا من اصل سعودى وياريتنى كنتى فى السعودية عندنا التعديلات رهيبة وهنزل لكم موضوع ان شاء الله فى تعديلات صحابى من جدة ) نكمل موضوعنا ,,: 1- فتح ال 4 ابواب لأعلى وليس بالشكل التقليدى الجانبى 2- تركيب طقم زينون قوى 3- طقم صوت يكون بيرج العربية ويسمع من أول المحلة لآخرها 4- فاميه الا 4 زجاج 5- طقم جنوط يكون مش ولا بد ارجو اخبارى بكم سعر كل شئ من هذه الاشياء ^^ ماهو المخالف فيها حسبما قانون مرور الجديد لإن الظباط رخمة اوى بصراحة واخيراً سلامتـكمـ |
رد: مطلوب مساعدتكم شباب مصر محتار بين كم عربية وعندى كم سؤال
وعليكم السلام ورحمة الله وبركاتة
بص انا عن نفسى ارشحك الهيونداى i10 ودى سعر المانيوال 64500 كاملة فول ابشن وسعر الاتوماتيك 72500 كاملة فول ابشن وفية الفضى من غير تكييف ولا زجاج كهربا تقل 5000 سواء كانت مانيوال او اتوماتيك بالنسبة للتعديلات انا معرفش فيها ولا باسعارها حتلاقى مواضيع كتير عن التعديل الحاجة اللى حيعترض عليها المرور الزينون والفامية |
رد: محتار وعندى اسئلة وبحاجة لمشورتكم يارجالة مصر
اقتباس:
اي استفسار تاني اخوك احمد في الخدمة والف مبروك مقدما علي العربية وربنا يديك خيرها ويكفيك شرها وهنستناك في مقابلة رمضان نفطر مع بعض اوك كل الاعضاء هنا بنتجمع في رمضان اوعي تخلع |
رد: مطلوب مساعدتكم شباب مصر محتار بين كم عربية وعندى كم سؤال
مبدأيا أنا من رأيى الأربعة ماينفعوش شاب عايز يظبط وعايز عربية جامدة, وأنا أنصحك بالفيرنا ثم ال i10 والأسعار موقع كونتاكت كارز عليه أسعار العربيات والفئات كلها
contactcars.com ال i10 تقبل تعديلات شبابية بس شكلها وموتوره مش كويسين ومعظم الi10 والبيكانتو مع بنات444546. الفاميه ممنوع تماما وده مفيهوش كلام وفيها سحب رخص أو هيوقفك ويقولك أنزل شيله, والأسعار من حوالى 70 جنيه, وممكن تركب ستاير كبس للزجاج الخلفى كله والزجاج الجانبى الأمامى تفيمه وتنزله فى اللجان لتحت وتشد الستايرPOLICEE. طقم الزينون كل الموجود هنا تقريبا صينى, والأسعار من 250 حتى 800 حسب عالى وواطى ولا عالى بس, واللون وهكذا, أهم حاجة تاخد معاه ضمان على الجهاز واللمض, والضمان أهم من الجهاز نفسه. والزينون فى حد ذاته مش ممنوع, الأنوار المبهرة كلها ممنوعة, راعى بس تطفيه قبل اللجان ومتستخدموش فى الرذالة على حد علشان ربنا يكرمك. طقم الصوت حسب ميزانيتك, يعنى ممكن تبدأ ب سماعتين كينوود ب 350 جنيه وصولا الى 12 سماعة وصبين و 6 أمبليفاير, المهم الميزانية, والكاسيت نفس الحكاية, من سى دى بايونيير ب450 جنيه ل سونى دبل دين بفوق 1000. فتح الأبواب الأربعة بيتطلب شغل سمكرة فى العربية, عموما المفصلات بتبتدى من 500 الأثنين وصولا الى 2000 والمهم السمكرى اللى هيركبهم. طقم الجنوط فيه محلات كتير وأشكال أكثر وفيه من أول oz الى الصينى الى بيتكسر, بس راعى أن حجم الجنط لازم يكون مناسب للعربية, والموضوع أزواق شخصية. أنا مش من المحلة فاللأسف معرفش حد هناك. ونصيحة منى ورأى شخصى خليك فى الفيرنا, رخيصة وجميلة وموتور جبار وقطع غيار وسهولة تصليح مافيش بعدها, وأمكانيات رهيبة فى التعديل, والعربيات اللى ذكرتها بصراحة مش زى الفيرنا فى أى حاجة و التعديلات صعب فيها4BY4 . بس نصيحة على الماشى كده, طلع صدقة على العربية علشان ربنا يباركلك فيها وفى مشروعك, ودى بصراحة أول حاجة تعملها بعد ماتجيب العربية الجديدةفلوس كتير. وربنا يوفقك. |
رد: مطلوب مساعدتكم شباب مصر محتار بين كم عربية وعندى كم سؤال
احمد باشا بدر و انجكشن باشا قالوا كل اللي يتقال
و بالتحديد انجكشن وضح كل حاجه علي فكره انت بلدياتي انا كمان من المحله و دا رقمي لو احتجت اي حاجه قولي و نتصرف سوا 0122949398 |
رد: محتار وعندى اسئلة وبحاجة لمشورتكم يارجالة مصر
والله ماعارف اشكرك إزاى يابوحميد انت جاوبتنى على حجات كتير اوى
بالنسبة للرخصة فأحب أقولك ربنا يبارك فيك يارب بالنسبة للأى تن والبيكانتو انا داخلة دماغى الهيونداى ولو ان كتير بيقولى موتور الكيا بشكل عام افضل من الهيونداى على فكرة عندنا فى المحلة تفييم الإزاز بيبقى تمام أوى وبيتكلف حوالى 50 جنيه لل 4 زجاج وفى ناس بتوصله لفوق ال 150 لاكن دا سعر واحد لسا عارفه بليل بالنسبة للتعديلات فيارتنى فى السعودية , التعديلات هناكـ رخيصة جداً وشكلها ولا أحلى وانا واثق لو عربية معدلة على الطريقة السعودية نزلت شوارع مصر هتكون هى الاكثر تمييزاً بين العربيات كلها اما باقى الحجات اللى ذكرتها بصراحة حاسس انى هصرف على اد تمن العربية عليها عشان كدا هكتفى بوحدة صوت تكون تمام كدا وممكن طقم زينون متوسط بالنسبة للرينو فعلاً عربية جميلة جداً بس مشكلتها 1600 وانا عاوز حاجة موفرة فى البنزين خصوصاً انى هسافر الكلية مثلاً يومياً بيها وهلف فى البلد فعاوز حاجة موفرة فى البنزين والفيرنا كمان عربية جميلة وانا من عشاقها من يوم نزولها لاكن بصراحة ابتديت أمل من شكلها وبيقولوا انها خفيفة اوى وهبلة على الطريق يعنى هواء التريلات يدخلها الطريقـ المعاكسـ وربنا يستر اما الرينو بصراحة عجبانى شكلاً وموضوعاً خصوصاً ان احد اصدقائى منزلها جديدة بقاله كم شهر اما الصدقة وكدا فبإذن الله هتطلع بس نجيب العربية مليون شكر ليك يابوحميد وتم تقييمك ودا اقل حاجة والله |
رد: محتار وعندى اسئلة وبحاجة لمشورتكم يارجالة مصر
ان شاء الله هتلاقونى معاكم فى رمضان على طول
انا اصلاً عندى موقع وشركة استضافة وببيعهم حالياً لظروف الدراسة وكدا ان شاء الله هكون متواجد معاكم بإستمرار ., |
| الساعة الآن 01:40 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017