|
مفتاح السيراتو ضاع مني أعمل إيه
السمارت كي بتاع النيو سيراتو ضاع مني أمام البيت ... أنا كنت بسقي الجنينة إللي قدام البيت قبل المغرب سألت كتير مفيش فايده وتقريبا وقع من جيبي محستش بيه غير الساعة عشرة بالليل بعد ما صليت العشاء ... مش عارف لأعمل إيه أنا نعايا واحد سبير بس إللي معاه المفتاح ده يقدر يعمل أي حاجه في العربية .... أعمل إيه يا ذوي الخبره ... هل من الممكن تغيير البرمجه بين المفتاح والعربية بحيث يتم إيقاف عمل المفتاح التاني ... عااااااااااااااجل محتاج مساعدهايه ياترى
|
رد: مفتاح السيراتو ضاع مني أعمل إيه
SLEEEP ارجع للتوكيل ولازم تغيره بسرعة
|
رد: مفتاح السيراتو ضاع مني أعمل إيه
اقتباس:
|
رد: مفتاح السيراتو ضاع مني أعمل إيه
5350 جنيه علشان مفتاح, ده دول يكفوك تجرش بيهم العربية فى جراج محترم مدى الحياة.
من وجهة نظرى الحلول كالتالى:- 1- جراج نضيف فى المنطقة يريح حضرتك من مشاكل الركن وتبقى مستريح من ناحية أمن العربية. 2-ممكن تجرب تعمل المفتاح بره, بس ده أكيد مفتاح KEY LESS أو العربية فيها أيموبلايزر يادى المصيبة مينفعش. 3- ممكن تغير وتجيب كوالين وتغير الكونتاكت وموال كبير قوN بس مش هتبقى خايف عليها. 4- حضرتك أنزل دور على المفتاح, ووصى بواب العمارة يدور عليه, ويحط عينه على العربية. 5-الدنيا لسه بخير ولو حد لقى المفتاح ممكن يدور على صاحبه, وممكن ياخد المفتاح ويرميه أو يحطه فى ميدالية مفاتيحه وخلاص. 6- حضرتك لازم تجيب عصاية الدركسيون بتاعة السرقة وتركبها, وتخلع وش الكاسيت وتاخده معاك, وممكن لو حضرتك بتفهم فى الكهرباء تاخد الفيوز بتاع طرمبة البنزين معاك علشان العربية متمشيش خالص, والكلام ده لمدة شهر ولا حاجة بس, علشان الحرامى لاقدر الله مش هيدخل العربية وهى مفيهاش حاجة تتسرق. طبعا أنسب حلين هما بتاع الجراج والتدوير على المفتاح, وعصاية الدركسيون بالمرة. وموقف حضرتك صعب قوى وربنا يعينك وتلاقى المفتاح. |
رد: مفتاح السيراتو ضاع مني أعمل إيه
يالهوي 5000 علشان اعمل مفتاح ياعم ده لو سرقها ورجعتها مش هتدفع المبلغ ده كله
مفيش اودامك غير حل واحد بس تجيب كلابش الدركسيون اللي بيمسك الدركسيون في التابلوه وتريح دماغك |
رد: مفتاح السيراتو ضاع مني أعمل إيه
والله ردود عملية ورخيصة بس فيه حاجه العربية مش بتشتغل بمفتاح العربية طول ما إنت شايلة تقدر تشغل العربية من مفتاح بدء التشغيل تقدر تعمل كل حاجه بالمفتاح ده من غير ما تطلعه خالص بس أنا فكرت في كلبش للعجل مش للدريكسيون حد يعرف موجود ولا لقه وبكام وأجيبه منين
|
رد: مفتاح السيراتو ضاع مني أعمل إيه
أيوه ياباشا ما أنا عارف key less entry يعنى بدون مفتاح, علشان كده قلت لحضرتك على فكرة الفيوز والجراج وكلبش للدركسيون.
الحرامى مابيخاطرش بدخول عربية مافيهاش حاجة تفيده أو تعطله وقت زيادة علشان كده قلت لحضرتك تشيل وش التسجيل وتجيب كلبش الدريكسيون. كلبش العجل بيتباع فى المرور, لا بجد, مابيتباعش طبعا, وحتى الكلابشات اللى فى المرور عهدة وتعتبر من أملاك الدولة. الجراج هو أحسن فكرة , المفتاح ممكن يكون أتكسر أو عيل خده يلعب بيه, مش لازم اللى ياخده يكون حرامى. وحاجة تانية, مش علشان الباب يفتح لازم المفتاح يكون فى مجال معين حول العربية واللى خد المفتاح مش هيقعد يجرب صدقنى خليها على الله, محدش عنده جرأة يقتحم عربية لأن ده تعدى وفيها قضية وسجن. ومش عارف ليه عندى أحساس أنك هتلاقى المفتاح معاك فى الأخر. اجمد فكرة فيهم هى فكرة فيوز الطلمبة, بعد خلع الفيوز العربية مش هتدور, والفيوز مكانه أكيد تحت الكبوت فى علبة الفيوزات, ومعتقدش أن الحرامى هيبقى شايل معاه فيوز للطلمبة. |
| الساعة الآن 08:30 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017