مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- كيا سيراتو Cerato (https://www.masrmotors.com/vb/forumdisplay.php?f=137)

- - جنط 16 ولا 17 (https://www.masrmotors.com/vb/showthread.php?t=30828)

جنط 16 ولا 17

السلام عليكم ورحمة الله و بركاته
تحية مباركة و بعد..............
انا سمعت مشاكل كتيييييييير عن الجنط 17 ......سمعت انه بيقلب العربية وان هو تقيل عالعفشة فهل الكلام دا صحيح؟
الجنط 16 مسمعتش عنه مشاكل فايهما افضل؟؟
وهل العربية ممكن يحصلها حاجة او يكسر مقص لو الحمولة زادت اوىى يعنى 6 افراد بالغين +شنط كتيرر و هل هذا له علاقة بمقاس الجنط؟؟؟
شكرا مقدما ....و جزاكم الله كل خير...............

جنط 16 ولا 17

رد: جنط 16 ولا 17

الجنط ال 16 ميزته أنه بما أن الكاوتش أكبر من الجنط, فالجنط مش هيتثنى أو ينبعج من الحفر والمطبات والبلاعات اللى موجودة فى كل حتة.
الجنط يؤثر على السيارة فى حالة أذا كان الجنط الجديد أتقل من الأصلى, ساعتها بيتعب العفشة شوية وبيتعب الموتور جامد علشان الموتور بيضطر يحرك وزن زيادة.
الجنط مش مهم قطره قد مامهم مساحة الأطار الملامسة للأرض, يعنى 17 هيدى نفس ثبات 16 لو مساحة الأطار دى متماثلة, وشوف الفرق بين ثبات عربية لانوس الأطار بتاعها رفيع زى الورقة وعربية مرسيدس بكاوتش محترم...
ومفيش حاجة أسمها الجنط يقلب العربية, يقلبها بس لما تاخد ملف بزاوية 60 على سرعة 120 مثلا, ده بالعكس بيزود من ثبات العربية, أنما تتقلب دى صعب قوى تحصل ألا لو اللى سايق خلى العربية تمشى بالعرض على سرعة عالية وكد كده حتى لو جنط 10 هتتقلب, والحكاية هتلاقيها أفتكاسة مصرية.
ومعتقدش أن مقاس الجنط بيأثر على أحتمالية أنكسار المقص, ده الواحد وهو محمل 6 أفراد ممكن يلاقى المساعد طالع قدامه من الكبوت.
المهم أن الجنط الجديد ميكونش أتقل من القديم ,بس.

رد: جنط 16 ولا 17

سيارتي جنط 16 والحمد لله رب العالمين مش لاقي فيه أي مشكلة علي عكس زملائي أصحاب جنط 17 بيقولولي العفشة نشفة وكمان الكاوتش باظ لما خدوا حفرة علي طريق الاتوستراد علي سرعة وطبعاً ما أكثر الحفر في الطرق السريعة في مصر

رد: جنط 16 ولا 17

اقتباس:

المشاركة الأصلية كتبت بواسطة reduxe (المشاركة 219072)

تمام يا باشا, هو ده اللى كنت عايز أقوله, بس نشوفية العفشة قدامها ثبات على السرعات العالية, وعيب ال 17 فعلا أنه معرض للكسر والأنثناء من أى نقرة.

رد: جنط 16 ولا 17

شوف يا باشا
انت دلوقتى قدامك حريه الاختيار بين ثبات العربية والشكل وده متمثل فى الجنط 17 مع مراعاة استخدامه
او تغير الكاوتش والجنط لمقاس اصغر
على فكرة اذا جبت اي نوع كاوتش على مقاس 17 حتى لو بريدجستون او كونتينتال بردوا لازم معامله خاصه
علشان دول بيبوظوا فى الجيتا اذا كان الاستخدام مش بعنايه
فرق الكاوتش والجنوط 16 و 17 فى السيراتو الجديده حوالى 5000 وانت بتشترى العربيه جديده
الوكيل بيبيع الجنط الواحد فى حدود 1700 جنيه
احسب الفروقات وشوف متطلباتك فى الاستخدام وتوكل على الله