عضو جديد بستروين ax
 

السلام عليكم اخوانى الافاضل محتاج مساعدتكم بحكم خبرتكم
وفقنى الله فى شراء ستروين ax (بالمناسبة الصح ستروين ولا سيتروين؟؟)
مو 95 1400سى سى دواخل فبريقة وحالته جيده جداَ يعنى مش محتاجه مصاريف بإستثناء التكييف و هى دى العقبة اللى قدامى دلوقتى المفروض ان اصلا فيها تكييف بس الراجل اللى اشتريت منه قالى ان الكمبروسر بتاعها بايظ وشاله وماعرفش باظ منه ولا هوه مشتريها كده؟؟ بخلاف ذلك كل حاجه لغاية دلوقتى تمام وقالى ان التكييف بحاجاته يعمل حوالى 1000 جنيه اكتر او اقل حاجه بسيطة استيراد طبعا وقالى فى واحد عند ايهاب جلال بتاع الستروين صقر قريش عنده صنايعى اسمه طارق ممكن يركبهولك ويظبطة ويخليه تمام فى حدود السعر المذكور
فهل الكلام ده مظبوط؟؟؟؟ دى اول حاجه
تانى حاجه هوه كان عارض العربية على 18500 وانا خلصت معاه بالعافية على 17250 هل متوسط السعر بالنسبة للحاله كويس؟؟؟
اسمع طبعا ان قطع الغيار مش منتشرة بجانب انها غاليه شويه بالنسبة لباقى الماركات
لكن فى نفس الوقت اللى عجبنى انها فيها امكانيات كتير من اول الحجم لغاية سعة الموتور مرورا بالكماليات الاصليه اللى فيها بالاضافة الى ان قطع الغيار معمرة مش مستهلكة زى الفيات وانا ما قررتش انى اشترى الستروين بالذات الا بعد ما جمعت عنها معلومات وسألت ناس مجرباها واتعاملوا معاها ..عشان كده رسيت عليها بعد ما فكرت فى الفيات والبيجو
طبعا ماحدش عارف قيمتها غير اللى يركبها واللى بيشتغل فيها غير كده اى حد هيحكم عليها بالسمع انها وحشه ويحذر من اقتنائها لكن انا توكلت على الله واشتريت لانى ناوى ماغيرهاش لفترة طويلة وان شاء الله هطلع منها ادخل فى زيرو وستروين برضه
معلش طولت عليكم لكن دى اول مره اشترى واركب عربية فى حياتى يعنى عندى جهل تام بكل ما يخص العربيات عموما والستروين خصوصا
اتمنى مساعدتكم واتوجيهاتكم ونصاايحكم
وبإذن الله هقولكم على التطورات اول بأول عشان امشى معاكم صح
والف شكر ليكم مقدما

رد: عضو جديد بستروين ax
 

الف مبروك علي العربية
وربنا يبارك لك فيها
وعلي انا اول عربية امتلكتها كانت الستروين ax
وكنت جايبها زيرو وفضلت معايا من 97 الي 2003
وبصراحة عربية ممتازة جدا عكس ما يشاع عنها ولحد دلوقتي مع اخويا
وبالنسبة لقطع غيارها متوفرة وباسعار تعتبر معقولة
اهم حاجة تاخد بالك من الصيانات بتاعتها

رد: عضو جديد بستروين ax
 

الف مبروك علي العربية يا استاذ ايمن وربنا يديك خيرها ويكفيك شرها وتقبل تحياتي

رد: عضو جديد بستروين ax
 

الف مبروك على العربية
خد بالك من مواعيد الصيانة

رد: عضو جديد بستروين ax
 

الف مبروك وربنا يكفيك شرها
انا كمان اول عربيه ركبتها كانت ستروين وكانت نفس مودي عربيتك وبردو 1400 وكانت معانا من الزيرو الاول كانت مع اخويا وبعدين انا خدتها بس للاخدتها متبهدله علي الاخر عشان كده متعقد منها ولكن ده لايمنع انها عربيه كويسه وبالنسبه لقطع الغيار موجوده في الحرفين وفي شارع دمشق عند نافع او العشماوي .
بالنسبه لسؤالك عن السعر كده كويس قووووووووي لو حلتها زي ما انت بتقول انا عربيتي كانت متبهدله خالص وبعتها من سنه ب 15 الف .
بالنسبه بقي للتكيف انا اعرف واحد بتاع تكيف الصراحه ممتاز جدا في جسر السويس عند الف مسكن جمب بنزينة موبيل المجل اسمو ( الابيض ) وصاحب المحل اسمو المهندس عصام انا كنت محتار برعربيتي الكيا وودتها للمراكبي الي بردو في جسر السويس بس حسبي الله ونعم الوكيل بهدلني معاه غيرلي 2 كمبروسير وبردو مفيش فيده وجه في الاخر يقلي هو التسقيع اخرو كده حتي لو جبت واحد جديد فسبتو وخدت فلوس بس طبعا بعد ما اخد منها مبلغ ورحت للمهندس عصام وهو راجل محترم جدا جدا ومن اول كمبروسر ركبو الحمد لله العربيه تمام والتكيف تلاجه ولو تحب انا ممكن اجي معاك كمان .

واخيرا مبرك العربيه وتحت امرك في اي حاجه واسف علي الاطاله

رد: عضو جديد بستروين ax
 

السلام عليكم جميعا
انا مبهور بسرعة الردود والمشاركات احقيقة ماكنتش متوقع مشاركات كتيرة كده فى الوقت القليل ده واحب اشكركم كل بأسمه:
mostafa2000 اللى اول واحد شاركنى
corsair العضو المخضرم
احمد بدر1978 الف شكر
محمد زكي اللى طمنى على السعر
اشكركم جميعا لاخوتكم وتعاونكم جزاكم الله خيرا
احب افتح باب المناقشة مع اخويا محمد زكى....
حضرتك بتتكلم عن بتاع التكييف اللى فى جسر السويس وعلى ما اعتقد اسمه احمد الابيض مش كده ؟؟؟ انا سمعت عنه من المنتدى وناس كتير بتشكر فيه
سؤالى بقى هوه حضرتك بتتكلم عن تكييف عربيتك الكيا ولا الستروين لانى توهت فى المشاركة وهل فعلا جودة التكييف بتعتمد على مكوناته ولا كفاءة الفنى؟؟؟
واشكر تعاونك معايا بصفة خاصة انك تعرفنى على ناس متخصصين وذوى كفاءة وبسعر معقول وان شاء الله مش هتردد انى اطلب مساعدتك مع استحيائى ان اتقل عليك
ملحوظة يا جماعة انا اشتريت العربية بمعنى انى اتفقت عليها وان شاء الله اكتب العقد واستلم يوم الخميس 29/7/2010 اللى جاى بإذن الله
بس انا من حرصى قولت اتزود بالمعلومات عشان يكون عندى رصيد من التفاهم مع العربية اللى هتعامل لانى مؤمن بإن العربية مش مجرد حديد ماشى على الارض ولازم يكون فى موده بينا وبين الجماد عشان نطوعة لخدمتنا
وشكرا ليكم جدا على الترحيب والمباركة

رد: عضو جديد بستروين ax
 

انا بتكلم علي تكيف عربيتي الكيا . لان الستروين كان ماتورها مفوت شويه فكان التكيف هيبقي حمل عليها فمردتش اركب خصوصا انو كان عايز سربنتينه وكمبروسور وكمان انا مكنتش ناوي اكمل بيها والحمد لله بعتها والكيا دلوقتي مريحاني . بالنسبه للابيض بتاع التكيف انا اعرف ان صحاب المحل اسمو المهندس عصام والمحل مكتوب عليها الابيض للتكيف . بس بصراحه هو حد كويس جدا وامين حتي الكمبروسير الي ركبهولي مكنش بتاع الكيا الاصلي لان بتعها الاصلي الاستراد الي منو كلو مش كويس زي الي ركبتو عن المركبي فهو ركبلي بتاع تويوتا وعدلهولي علي العربيه وشحن وظبطها كلها ب 600ج والحمد لله التكيف تلاجه .
ولو في اي حاجه انا تحت امرك ومتترددش ابدا في السؤال عن اي حاجه