لانسر ولا مازدا ام 3 ولا هوندا سيتى كلهم مستعمل
 

السلام عليكم
معلش انا اسف كتير بجد تقلت عليكم قوى
كل شوية استفسارات واسئلة معلش انا حيرتكم معايا
بس معلش دى اول سيارة ليا وعاوز اختار بعناية
وما فيش مكان ثقة وخبرة اكثر من هذا المنتدى الرائع فرجاء
ان تتحملونى وتساعدونى لحين شراء السيارة
ومش هطول عليكم
امكاناتى المادية لحد 85 الف ماكسيمام
وكنت قررت شراء لانسر مستعمل مو 2008
لكن واثناء تصفحى للمنتدى قريت عن سيارات مثل هوندا سيتى وعجبتنى قوى
وكذلك مازدا ام 3
بس بجد انا هوندا سيتى دخلت دماغى
انا عاوز العربية للتنقل داخل المدينة والسفر قليل قوى ممكن مرة فى الشهر
وعاوز عربية يابانى شكلها شيك موديل حديث ما بين 2007 الى 2010
وامكاناتى زى ما قلت 85 الف جنية
ياريت تساعدونى ف الاختيار
وسؤال اخير هل يوجد بالصعيد مراكز خدمة معتمدة لهذة السيارات
واسف جدا على الاطالة بس بجد انا خام قوى ف السيارات ومحتاج مساعدتكم
والمبلغ دة يجيبلى اى سيارة من ال3 اللى فوق ومواصفاتهم اية
وجزاكم اللة خيرا
منتظر ردودكم

رد: لانسر ولا مازدا ام 3 ولا هوندا سيتى كلهم مستعمل
 

اية يا جماعة ما حدش عاوز يرد عليا ولا اية
وكمان ياريت لوحد عندة فكرة عن قطع الغيار
يبقى الف شكر
فى انتظار اى حد يعبرنى ولو بكلمة

رد: لانسر ولا مازدا ام 3 ولا هوندا سيتى كلهم مستعمل
 

السلام عليكم اية يا جماعة ما حدش عارف ولا ما حدش عاوز يرد عليا
ع العموم شكرا وجزاكم اللة كل خير
انا عارف انا تقلت عليكم كتير

رد: لانسر ولا مازدا ام 3 ولا هوندا سيتى كلهم مستعمل
 

خليك في LANCER AW Elantra
اضمن

رد: لانسر ولا مازدا ام 3 ولا هوندا سيتى كلهم مستعمل
 

شكرا لحضرتك يا استاذ معتز حضرتك الوحيد اللى عبرتنى ورديت ع رسالتى
طيب لية حضرتك بتقول لانسر اضمن
واضمن ف اية

رد: لانسر ولا مازدا ام 3 ولا هوندا سيتى كلهم مستعمل
 

بم ان حضرتك فى الصعيد فانت بعيد عن مراكز الصيانه ولومالئيتش أى قطع غيار حتاخد بعضك وتسافر على القاهرة أو للو مشكله فى العربيه حتشيلها على عربيه و تسافر بيها
يبقى الحل هو انك ما تطلعش من الشركات ديه (تويوتا - ميتسوبيشى - هيونداى - شيفروليه)
والترتيب ده حسب ااكثر جوده للاقل ................... يارب اكون فيدتك فى حاجه

رد: لانسر ولا مازدا ام 3 ولا هوندا سيتى كلهم مستعمل
 

Thanks very much
your reply is very important for me
gazak allah kheyran
in your opinion
whats better
lancer 1600 or yaris 1300