|
بتخاف تنزل بالعربية؟
طبعا أكثرية الأعضاء فى المنتدى عندهم عربيات( ولا ده منتدى طبيخ) وأكيد أكيد طالما عندهم عربيات يبقوا بيسوقوها وأكيد بيمشوا بيها فى الشارع مع باقى خلق الله.
السؤال دلوقتى هو هل بتخاف تنزل تاخد العربية ولو خايف بتبقى خايف أو مضطرب من أيه؟ أنا عن نفسى بطنى بتتقلب لما أبقى هنزل بالعربية فى الزحمة وببقى بموت فى جلدى, مش عارف هركن فين, هسوق حلو ولا لأ هخبط حد مالوش ذنب غير أن حظه الأسود خلاه معايا فى نفس الشارع وأضطراب فظيع, والغريبة أنى ماببقاش خايف على نفسى ببقى خايف على العربية والناس. اللى يضحك بقى فى الموضوع أنى أول ما أمشى 5 متر بالعربية أتحول لسواق فى الفورملا وان والأدرينالين يعلى والعداد ماينزلش عن 80 ألا لما بزهق وأخد جنب و أمشى براحة. صور توضيحية:- قبل النزول:- http://www.webzee.com/media/files2/c...crash___90.jpg بعد النزول:- http://driftordie.net/images/130_040...e_Drifting.jpg عايزين نجمع الخوافين اللى فى المنتدى والناس أصحاب القلوب الميتة, بتحس بأيه لما تبقى عارف أنك هتعمل مشوار بالعربية؟ |
رد: بتخاف تنزل بالعربية؟
بالنسبة لي الشىء الوحيد المزعج جداً عند الخروج بالسيارة هو السؤال الرخم ياترى هلاقي مكان علشان اركن فيه ؟ وادعي ربنا علشان اعرف اركن فى مكان قريب شوية وخاصة فى شوارع مصر المحروسة ، ويا سلام لو انت فى اسكندرية بتصيف الواحد بيكره نفسه من الزحمة وأمكان الانتظار الله يكون في عون أهل اسكندرية حبايبنا حاجة تخنق بجد موضوع الركن فى الشوارع 0
|
رد: بتخاف تنزل بالعربية؟
الحاجة الوحيدة الي بتحليني مش طايق حالي هو الركنة بتاعت السيارة والناس المستفذة الي بتسوق ببرود انا ما بصدق اطلع علي الدائري او المنيب علشان اطير بالعربية افك حبة
|
رد: بتخاف تنزل بالعربية؟
اكتر شىء بيخلينى اجيب الوان لما ابقى عارف انى هدخل سوق او منطقة شعبية و زحمة جدا بخاف اوقف السكه ده غير الاعصاب
|
رد: بتخاف تنزل بالعربية؟
السواقة فى مصر عايزة حد مايعرفش الخوف, عايزة واحد يدوس بنزين وفرامل بس.
أنا متهيألى أننا بنهتم أكثر من اللازم بمشاعر الناس اللى حوالينا, ما التاكسى والميكروباص بيزنق على كله ومابيحصلوش حاجة ولا حتى بييجى فى باله أنه غلطان والركنة أرمى العربية فى أى حتة زى مالناس بتعمل. أحنا لازم يجرى فى عروقنا مية ساقعة وننفض للناس اللى فى الشارع كلهم. محدش يقدر يتطوع يعمل كده وييجى يحكى لنا خد كام خبطة واتشتم كام مرة؟ |
رد: بتخاف تنزل بالعربية؟
شكرا انجكشن علي الموضوع
بالنسبالي انا بقرأ دعاء السفر و الخروج من المنزل و اتوكل علي الله و الحمد لله ربنا بيسترها. بقيت دلوقتي بنزل الشغل الصبح ساعات كتير اسيب العربيه تحت البيت لاني مش لاقي جراج جنب الشغل اركن العربيه في الضل و بتصعب عليا و هيا واقفه من الساعه 10 الصبح لحد الساعه 7 بالليل في الشمس و كمان الخبطات اللي من غير سبب لاني نزلت مره لقيت العربيه مخبوطه و طبعا ماعرفش مين خبطها!!!!!!! فباخد تاكسي او يكون اخويا نازل يوصلني في طريقه. |
رد: بتخاف تنزل بالعربية؟
فعلا موضوع الركنه ده هم كبير جدا بالذات لو نازل وسط البلد بتبقى مشكله كبيرة جدا وانت ونصيبك بقى تلقى حته متلقيش ولا الناس البرده اللى بتمشى كده بركاوى تحدف عليك من غير لا اشارة ولا كلاكس حتى يرمى نفسوا وانت الحق نفسك بقى
|
| الساعة الآن 08:57 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017