اشاعات reault logan
 

لو سمحتو كنت عايز حد يفدني في موضوع logan عشان انا محتار بينها و بين ال lanos و بحس ان في ناس بتلع اشاعات عن ال logan عشان مش منتشرة اوي و ان ال lanos عربية زي 128 منتشرة و اي حد يفهم فيها فلو سمحتوا منكن حد يساعدني عشان عايز اخد قرار في خلال اسبوع:

1-عايز اعرف التوكيل ايهم احلى و لو قطع الغيار ال logan اغلى من ال lanos كتيرأو لأ.
2- منكن حد يفدني باماكن بيع قطع غيار ال logan خارج التوكيل و لو هيا منتشرة أو لأ.
3-هو في ميكانيكيا فاهمين فل logan و لو حد عارف ميكانيكي قريب من الهرم منكن يبقى يدلني عليه.
4-هو التكيف بتاع العربية حلو أو وحش عشان سمعت ناس كتييير بتشتكي منو بذات في وقت الظهر .

رد: اشاعات reault logan
 

بص يا بشمهندس الانوس عربية معروفة من زمان وتوكيلها طبعا معروف منصور شيفورليه

اللوجن عربية جميلة جدا وانا شايف انها تناسبك اكتر من الانوس 1600 سي سي واعلي من الانوس بكتير ومتقرفقش في المطبات

موضوع التكييف ده مش مشكلة ومش مع كل الناس يعني مابين كل 100 عربية 3 بس ممكن اللي يشتكو من الموضوع ده

اولا وانتا بتشغل التكييف لازم الاول تشغل المروحة وتفتح الازاز علشان تخرج الهوا السخن من العربية

في ناس بتشغل التكييف علطول اول ما تدخل العربية ومتفتحش الازاز علشان كدا التكييف بياخد وقت كبير وجهد اكبر في تبريد العربية

وبعدين انتا بتسئل علي ميكانيكي من دلوقتي وقطع غيار

يا جميل انتا علشان تفكر في ميكانيكي او قطع غيار قدامك مش اقل من سبع سنين في العربية

ديه زيرو مش استعمال

لعلمك انا معايا الفيرنا لو فكرت اني ابيعها هجيب اللوجن ان شاء الله

كماليتها اشد بكتير من الانوس والفيرنا وفيها 2 ايرباج


توكل علي الله وخليك في اللوجن شكل جديد عربية جديدة كفايا انها روماني تقفيل مغربي تكنولوجيا فرنسيه

والف مبروك مقدما وتقبل تحياتي

رد: اشاعات reault logan
 

كلام 100 100، بس اللوجان فيها أير باج واحدة بس

رد: اشاعات reault logan
 

استخير ربنا ( انصحك ان تشترى لوجان )

رد: اشاعات reault logan
 

سؤال
هو الكلاكس فعلا فالدراع ؟ ولا فالطارة؟

رد: اشاعات reault logan
 

الكلاكس فى الدراع الشمال

رد: اشاعات reault logan
 

بص ساريس انا عندي لوجان والله فوق الممتازة واستهلاكها في البنزين يعتبر مافيش وكمان فيها كمبيوتر في الدراع بتاع النور بيشرح لك كل حاجة عن استهلاك البنزين والمسافة اللي مشيتها والبنزين اللي في التانك يكفيك قد ايه مسافة وبالنسبة لقطع الغيار التوكيل احسن وافضل واضمن وكل فترة بعملوا (Offer) يعني من الاخر ممتازة وبقالها معايا حوالي سنة وشهرين لسه مجدد الرخص زي الفل العربية دي اعتمد على الله وبرضه زي ماقال الاخ استخير الله قبل كل حاجة والله يوفقك ويكفيك شرها ويديلك خيرها باذن الله